ايماقتار • 13 ءساۋىر، 2021

تۇيە كوتەرگەن تيمۋر

34 رەت كورسەتىلدى

شىمكەنتتە كۇش اتاسى قا­جىمۇقان مۇڭايتپاس­ ۇلى­نىڭ 150 جىلدىعىنا وراي داڭقتى بالۋاننىڭ ءىزىن جالعاپ، ونەرىن پاش ەتىپ جۇر­گەن قول كۇرەستەن حالىق­ارالىق دارەجەدەگى سپورت شەبەرى تيمۋر سپاتاەۆ سال­ماعى 400 كەلىگە جۋىق تۇيەنى كوتەردى.

وسىلايشا قول كۇرەسىنەن ازيا چەمپيونى، قازاقستان رەسپۋب­ليكا­سىنىڭ 5 دۇركىن چەمپيونى، الەم رەكوردشىسى، فرانتسيا، گەرمانيا، وزبەكستان، رەسەي ەلدەرىندە ونەر كورسەتكەن تيمۋر داۋلەتباق ۇلى شاھارداعى قاجىمۇقان اتىنداعى ورتالىق ستاديوندا ورنالاسقان قازاق تولاعايىنىڭ ەسكەرتكىشى الدىندا جارتى توننا تارتار ويسىل­قارانىڭ تۇقىمىن تىك كوتەرىپ، بابالاردان جالعاسقان باعزى ونەردى ەل-جۇرتقا كورسەتتى.

قالالىق دەنە شىنىقتىرۋ جانە سپورت باسقارماسى باسشىسىنىڭ مىن­دەتىن اتقارۋشى باۋىرجان تۇ­مانباەۆ، داڭقتى بوكسشى، سيدنەي وليم­پياداسىنىڭ كۇمىس جۇلدەگەرى مۇح­تارحان دىلدابەكوۆ تيمۋرعا سات­تىلىك تىلەپ، قاجىمۇقان اتاسىنىڭ ءىسىن الەمگە تانىتۋعا تىلەكتەستىك ءبىلدىردى.

تۇيە كوتەرۋدەن بولەك، تيمۋر 25 كيلو تارتاتىن سەمسەر قىلىشتى ءبىر قو­لىمەن ۇرشىقشا ءيىرىپ، كورەر­مەننىڭ ىستىق ىقىلاسىنا بولەندى. الداعى ۋاقىتتا جاس بالۋان ونەرىن گيننەستىڭ رەكوردتار كىتابىنا تىركەۋ ءۇشىن ارنايى سىناقتان وتەتىن بولادى.

القالى جيىندا سالا باسشىلارى ۇلتىمىز عانا ەمەس، تۇگەل تۇر­كىگە ورتاق كۇش اتاسىنىڭ ونە­رىن دارىپتەۋ، كەلەر ۇرپاققا ناسي­حاتتاۋدا ەرىنبەي ەڭبەك ەتىپ جۇرگەن تيمۋرداي تالانتقا قولداۋ كور­سەتىلەتىنىن جەتكىزدى.

 

شىمكەنت

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار