«دوكتورانتتاردىڭ ستيپەندياسى 80%-عا ۇلعايدى. بۇدان بىلاي ولاردىڭ ستيپەندياسى جىل سايىن 15%-عا ءوسىپ وتىرادى جانە 2025 جىلعا قاراي 260 مىڭ تەڭگەنى قۇرايتىن بولادى. ءبىز ءۇشىن ماگيستراتۋرا مەن دوكتورانتۋراعا ءتۇسۋ كەزىندەگى اشىقتىق پەن مەريتوكراتيانى ارتتىرۋ ماڭىزدى. سوندىقتان وتكەن جىلى ماگيستراتۋراعا ءتۇسۋ ءۇشىن ەمتيحانداردى العاش رەت ەلەكتروندىق فورماتتا وتكىزدىك. بيىلدان باستاپ دوكتورانتۋراعا ءتۇسۋ ەمتيحاندارى دا وسىنداي فورماتتا وتپەك», دەپ جازدى مينيستر.
سونداي-اق ول عىلىمي قوعامداستىقپەن ورناتىلعان تىعىز قارىم-قاتىناستىڭ ناتيجەسىندە ديسسەرتاتسيالىق كەڭەستەردىڭ جۇمىسى بويىنشا ەرەجەلەرگە وزگەرىستەر ەنگىزىلگەنىن ايتتى.
«دوكتورانتتار ءۇشىن ديسسەرتاتسيانى قورعاۋ مۇمكىندىكتەرى كەڭەيتىلدى. ودان بولەك عىلىمي جۋرنالداردىڭ ءتىزىمىن قالىپتاستىرۋ ەرەجەلەرىنە دە وزگەرىستەر ەنگىزىلدى. 2021 جىلدان باستاپ ءبىز مىقتى, بەدەلدى عىلىمي جۋرنالداردى قولداۋ جونىندەگى جوبانى ىسكە اسىرۋدى باستايمىز», دەلىنگەن جازبادا.
ەسكە سالا كەتەيىك,ء بىلىم جانە عىلىم ءمينيسترى اسحات ايماعامبەتوۆ وتاندىق عالىمداردى كاسىبي مەرەكەلەرىمەن قۇتتىقتادى.
