قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىمەن كەلىسسوزدەر بارىسىندا اسكەري-ساياسي, ەكونوميكا-ەكولوگيالىق جانە گۋمانيتارلىق باعىتتاعى قىزمەتتەردىڭ بارلىق ءۇش ولشەمىندەگى ۇيىمنىڭ اعىمداعى كۇن تارتىبىندە تۇرعان وزەكتى ماسەلەلەر تالقىلاندى. قازاقستان مەن ۇيىم ىنتىماقتاستىعىنىڭ جاي-كۇيى مەن پەرسپەكتيۆالارىنا, الداعى جىلدارعا ارنالعان ءوزارا ءىس-قيمىل جونىندەگى جوسپارلارعا كوپ كوڭىل ءبولىندى. كەزدەسۋدە تاراپتار 2010 جىلعى جەلتوقساندا ەقىۇ ءسامميتىنىڭ قورىتىندىلارى بويىنشا قابىلدانعان «قاۋىپسىزدىك قوعامداستىعى جولىندا» استانا دەكلاراتسياسىن ىسكە اسىرۋدىڭ ماڭىزدىلىعىن اتاپ ءوتتى. كەلىسسوزدەر بارىسىندا تاراپتار COVID-19 پاندەمياسىنىڭ اياسىندا ودان ءارى ىنتىماقتاستىق ماسەلەلەرىن تالقىلادى.
ەقىۇ ءىس باسىنداعى ءتورايىمى شۆەد توراعالىعىنىڭ باسىمدىقتارىن قولداعانى ءۇشىن قازاقستاندىق تاراپقا العىس ايتتى. ول قازىرگى جاعدايدا پرەۆەنتيۆتى ديپلوماتيا مەن مەدياتسيا جانجالداردىڭ الدىن الۋ مەن شەشۋدە قاجەتتى قۇرالعا اينالاتىنىن اتاپ ءوتتى.
ساپار باعدارلاماسى شەڭبەرىندە ا. ليندە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قابىلداۋىندا بولادى.
