قوعام • 12 ءساۋىر، 2021

Nur Otan-نىڭ باقىلاۋ كوميتەتى جاڭا قۇراممەن تولىقتى

30 رەت كورسەتىلدى

تۇرعىندارعا COVID-19-عا قارسى ەكپە سالۋ جانە ۆاكتسينالاردى ايماقتارعا ءبولۋ «Nur Otan» پارتياسىنىڭ باقىلاۋىنا الىنادى. بۇل تۋرالى پارتيالىق باقىلاۋ كوميتەتىنىڭ ءبىرىنشى ۇيىمداستىرۋشىلىق وتىرىسىندا بەلگىلى بولدى. جيىندا جاڭا قۇرام بەكىتىلىپ، الداعى جىلعا ارنالعان جۇمىس جوسپارى انىقتالدى، دەپ حابارلايدى Egemen.kz.

پارتيانىڭ ءباسپاسوز قىزمەتى حابارلاعانداي، وڭىرلەردەگى پارتيالىق باقىلاۋ كوميتەتى مەن كوميسسيالارىنىڭ ءبىرىنشى كەزەكتەگى مىندەتى – ەلەكتورالدىق مىندەتتەمەلەردىڭ ورىندالۋىنا جۇيەلى باقىلاۋدى قامتاماسىز ەتۋ.

سونداي-اق وزەكتى باعىتتاردىڭ قاتارىندا مەملەكەتتىك ورگانداردىڭ ازاماتتاردىڭ وتىنىشتەرىنە تياناقتى قاراپ، ساپالى جۇمىس ىستەۋىنە، بيۋدجەت قاراجاتىن جۇمساۋدىڭ تيىمدىلىگىنە مونيتورينگ جۇرگىزۋ سياقتى تاعى دا باسقا ماسەلەلەر بار.

پارتيا جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ دە جۇمىس كەستەسى مەن جاڭا قۇرامى ءبىرىنشى وتىرىستا بەكىتىلدى.

«سىبايلاس جەمقورلىق – بۇل پارا بەرۋ مەن پارا الۋ عانا ەمەس. ءوز مىندەتتەرىنە نەمقۇرايلى قاراۋ جانە بيۋدجەت قاراجاتىن ءتيىمسىز جۇمساۋ دا سونىڭ كورىنىسى. ونىمەن بارلىق شارالاردى قولدانا وتىرىپ كۇرەسۋىمىز قاجەت»، دەدى ەرلان سايروۆ.

5

ەسكە سالا كەتەيىك، بۇعان دەيىن «Nur Otan» توراعاسىنىڭ ءبىرىنشى ورىنباسارى باۋىرجان بايبەك ءوزىنىڭ Facebook-تەگى پاراقشاسىندا بيلەۋشى پارتيانىڭ ءوزىنىڭ سايلاۋالدى ۋادەلەرىن ىسكە اسىرۋدى قالاي قامتاماسىز ەتۋگە نيەتتى ەكەنىن ايتقان بولاتىن.

ونىڭ ايتۋىنشا، ەلباسى، پارتيا ليدەرى نۇرسۇلتان نازارباەۆتىڭ تاپسىرماسى بويىنشا، سونداي-اق ەل پرەزيدەنتى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا پارتيانىڭ قوعامدىق كەڭەستەرىنىڭ جۇمىسى جۇيەلى تۇردە قايتا قۇرىلىمدالادى.

ساياسي كەڭەس بيۋروسىنىڭ شەشىمىمەن تاراتىلعان پارتيالىق كۋراتورلار ينستيتۋتىنىڭ ورىنا «Nur Otan»-نىڭ سايلاۋالدى باعدارلاماسىنىڭ ناقتى باعىتتارىنىڭ ىسكە اسىرىلۋىن باقىلاۋ بويىنشا 14 رەسپۋبليكالىق قوعامدىق كەڭەس قۇرىلدى. وسىنداي كەڭەستەر وڭىرلىك دەڭگەيدە دە قۇرىلادى.

كەڭەستەردىڭ جۇمىسى قوعامدىق پىكىردى ەسكەرىپ، سونداي-اق پارتيانىڭ قوعامدىق قابىلداۋ بولمەلەرىنە ەل كولەمىندە ازاماتتاردان تۇسكەن وتىنىشتەرگە جاسالعان تالداۋعا نەگىزدەلە وتىرىپ، جاريا تۇردە جۇرگىزىلەدى.

ز

سونىمەن قاتار باۋىرجان بايبەك «Nur Otan» كەڭەستەرىنىڭ الدىندا ساراپشىلار قاۋىمداستىعىن وتكىر الەۋمەتتىك ماسەلەلەردى اشىق تالقىلاۋعا تارتۋ، سونداي-اق ازاماتتىق باستامالاردى قولداۋ مىندەتى تۇرعانىن اتاپ ءوتتى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار