ۇكىمەت • 09 ءساۋىر، 2021

اسقار مامين «روسكوسموس» باسشىسىمەن كەلىسسوز وتكىزدى

44 رەت كورسەتىلدى

پرەمەر-مينيستر اسقار مامين جۇمىس ساپارى بارىسىندا قىزىلوردا وبلىسىنىڭ بايقوڭىر قالاسىنىڭ الەۋمەتتىك-ەكونوميكالىق دامۋىمەن، سونداي-اق عارىش سالاسىنداعى بىرلەسكەن قازاقستاندىق-رەسەيلىك جوبالاردىڭ ىسكە اسىرىلۋىمەن تانىستى، دەپ حابارلايدى Egemen.kz.

ۇكىمەت باسشىسىنا قالانى گازداندىرۋ جانە سۋمەن جابدىقتاۋ، تۋريستىك ينفراقۇرىلىمدى دامىتۋ، سونداي-اق بايقوڭىر قالاسىندا «بايقوڭىر» اەا قۇرۋ جۇمىستارىنىڭ جۇرگىزىلۋ بارىسى تۋرالى باياندالدى.

 

«سويۋز مس-18» باسقارىلاتىن كورابلىنىڭ ۇشىرىلۋىن جانە ونىڭ حالىقارالىق عارىش ستانتسياسىمەن ءتۇيىسۋىن بىرلەسىپ باقىلاعاننان كەيىن ۇكىمەت باسشىسى «روسكوسموس» عارىش قىزمەتى مەملەكەتتىك كورپوراتسياسىنىڭ باس ديرەكتورى دميتري روگوزينمەن عارىش سالاسىنداعى قازاقستان-رەسەي ىنتىماقتاستىعىنىڭ وزەكتى ماسەلەلەرىن تالقىلادى.

 

پرەمەر-مينيستر ادامنىڭ عارىشقا العاش ۇشۋىنىڭ 60 جىلدىعىنا ارنالعان كونفەرەنتسيانىڭ پلەنارلىق وتىرىسىنا قاتىستى.

 

ۇكىمەت باسشىسى قر پرەزيدەنتى قاسىم-جومارت توقاەۆتىڭ شاراعا قاتىسۋشىلارعا ارناعان ءسوزىن وقىپ بەردى.

 

«مىنە، 65 جىل بويى الەمدەگى ەڭ ءىرى عارىش ايلاعى بولىپ كەلگەن بايقوڭىر عارىش ايلاعىنان 150 عارىشكەر كەڭ بايتاق عالامدى يگەردى. ولاردىڭ قاتارىندا قازاقستاندىق عارىشكەرلەر توقتار اۋباكىروۆ، تالعات مۇساباەۆ جانە ايدىن ايىمبەتوۆ بار. قازاقستان مەن رەسەيدىڭ ودان ءارى بەلسەندى جانە جەمىستى ىنتىماقتاستىعى عارىشتىق زەرتتەۋلەر مەن باسقارىلاتىن ۇشۋلار سالاسىنداعى بىرلەسكەن جوبالار مەن باعدارلامالاردى ىسكە اسىرۋعا ىقپال ەتەتىنىنە سەنىمدىمىن»، — دەدى ا. مامين.

 

كونفەرەنتسيانىڭ پلەنارلىق وتىرىسىنا «روسكوسموس» مەملەكەتتىك كورپوراتسياسىنىڭ باسشىسى دميتري روگوزين، قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، NASA اكىمشىسىنىڭ ورىنباسارى كەننەت باۋەرسوكس، قازاقستاندىق عارىشكەرلەر توقتار اۋباكىروۆ، تالعات مۇساباەۆ، ايدىن ايىمبەتوۆ جانە مۇحتار ايماحانوۆ، «One Web» جانە «SES Networks» سپۋتنيكتىك وپەراتورلارىنىڭ باسشىلىعى جانە ت.ب. قاتىستى.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

حوككەيشىلەر لاتۆياعا اتتاندى

حوككەي • بۇگىن، 07:30

ۇقساس جاڭالىقتار