ايماقتار • 09 ءساۋىر، 2021

التاي كولگىنوۆ جول قىزمەتكەرلەرىنىڭ جۇمىسىن سىنعا الدى

10 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جول قىزمەتكەرلەرىنىڭ ساپاسىز جۇمىسىن سىنعا الدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

«كوشەلەردى تەكسەرۋ بارىسى جولداردىڭ ساپالى ورىندالماعانىن كورسەتەدى. كەيبىر جولداردىڭ جوندەلگەنىنە ءالى 3-4 جىل تولمادى، الايدا جوندەۋ جۇمىستارىن قايتا جۇرگىزۋ كەرەك! تۇرعىنداردىڭ شاعىمدارى نەگىزدەلگەن. بەيىندى باسقارمانىڭ مىندەتى تەك مەردىگەرلىك ۇيىمداردى انىقتاۋ ءۇشىن كونكۋرس وتكىزىپ قانا قويۋ ەمەس، سونىمەن بىرگە جولدىڭ ساپاسىن، ۇزاق ۋاقىت قىزمەت كورسەتۋىن قامتاماسىز ەتۋ! ادامدارعا قولايلى جاعداي جاساۋ.

ءبىرىنشى. كولىك جانە جول-كولىك ينفراقۇرىلىمىن دامىتۋ باسقارماسىنا جول شۇڭقىرلارىن جوندەۋدى جەدەلدەتۋدى تاپسىردىم.

ەكىنشى. جولداردى ورتاشا جوندەۋگە كىرىسۋ قاجەت. تىزىمگە جوندەۋدى قاجەت ەتەتىن جولداردى ەنگىزۋ قاجەت. ادام كوپ جۇرەتىن، جاڭا سالىنىپ جاتقان اۋداندارداعى كوشەلەرگە ءمان بەرگەن ءجون. سونىمەن قاتار بۇرىن اسفالت توسەلمەگەن كوشەلەردى دە قوسۋ قاجەت. بىلتىرعىداي قالانىڭ ەسكى بولىگى مەن ەلدى مەكەندەرگە دە باسا نازار اۋدارامىز.

ءۇشىنشى. بەيىندى باسقارما مەن جول قىزمەتكەرلەرىنە قويىلعان تالاپ جوعارى، سۇرانىس تا جوعارى بولماق! ساپاسىز جۇمىستار قابىلدانبايدى. جوسىقسىز مەردىگەرلەردى سوتقا بەرىپ، قارا تىزىمگە ەنگىزەمىز.

ءتورتىنشى. «قازاۆتوجولعا» ەسكەرتۋ جاسالدى. جوندەۋدە ساپاسىز ماتەريالداردى پايدالانۋعا جول بەرىلمەيدى.

بەسىنشى. اسفالتبەتون زاۋىتىنىڭ جۇمىسىن ىسكە قوسامىز. بۇل جول جۇمىستارىنىڭ قارقىنىن جەدەلدەتۋگە مۇمكىندىك بەرەدى.

جول قۇرىلىسى ستراتەگيالىق باعىتقا جاتادى. قالادا ءومىر سۇرۋگە جايلى جاعداي جاساۋ ماڭىزدى. بىلتىر 170-تەن استام كوشە جوندەلدى. ونىڭ 100-ءى – ەلدى مەكەندەردە. بيىل با بىلتىرعى كورسەتكىشتەن كەم تۇسپەي، جۇمىس اتقارامىز»، — دەپ جازدى ەلوردا اكىمى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:42

15 ماۋسىمعا ارنالعان اۋا رايى

اۋا رايى • بۇگىن، 09:22

ۇقساس جاڭالىقتار