باستاپقىدا 15 توپ بولسا, بۇگىندە ولاردىڭ قاتارى 45-كە جەتتى. بىلتىر مونيتورينگتىك توپ 4 163 نىساندى تەكسەرىپ, كارانتين تالاپتارىن بۇزعان 919 دەرەكتى انىقتادى. ونىڭ جارتىسىنا جۋىعى حالىققا قىزمەت كورسەتۋ نىساندارىنا قاتىستى, تالاپقا باعىنباي ءۇي جاعدايىندا كوپشىلىك قاتىسقان ءىس-شارالار ۇيىمداستىرعاندار دا از ەمەس. انىقتالعان 919 دەرەك بويىنشا قر اقبتك-ءتىڭ 425-بابىنىڭ 1-بولىگىمەن جالپى سوماسى 44 405 330 تەڭگە اكىمشىلىك ايىپپۇل سالىندى
ال وسى جىلدىڭ باسىنان بەرى توپ 1 904 نىسانعا رەيدتىك تەكسەرىسكە شىققان. وسى ۋاقىت ارالىعىندا كارانتين تالاپتارىن ساقتاماعان 137 دەرەك انىقتالىپ, قر اقبتك-ءتىڭ 425-بابىنىڭ 1-بولىگىمەن جالپى سوماسى 11 576 735 تەڭگەنىڭ اكىمشىلىك ايىپپ ۇلى سالىندى. تالاپقا باعىنبايتىنداردىڭ سانى جاعىنان 45 دەرەكپەن قىزىلوردا قالاسى «كوش باستاپ» تۇر. وبلىس ورتالىعىنان كەيىن 28 فاكتىمەن قارماقشى اۋدانى تۇر. ارال اۋدانىندا دا مونيتورينگتىك توپ مۇشەلەرىنىڭ نازارىنا ىلىنگەندەر از ەمەس.
– كوپ فاكتى قوعامدىق تاماقتانۋ ورىندارىندا تىركەلۋدە. بۇگىندە وسى باعىتتاعى كاسىپكەرلىك نىساندارىنىڭ 74 مارتە كارانتين تالاپتارىن بۇزعانى انىقتالدى. كەلۋشىلەرگە جەكە قورعانىش قۇرالدارىنسىز قىزمەت كورسەتكەندەر, عيماراتتىڭ تولىمدىلىعى 30%-دان اسپاۋى قاجەت دەگەن شەكتەۋدى ساقتاماعاندار بار. ءتىپتى تىيىمعا قاراماستان كەيبىر كومپيۋتەرلىك كلۋبتاردىڭ جاسىرىن جۇمىس ىستەپ تۇرعانى بەلگىلى بولدى, – دەيدى وبلىستىق ارنايى مونيتورينگتىك توپتىڭ جەتەكشىسى ءلاززات باقتىباەۆا.
ايماقتا كارانتين تالاپتارى كەزەڭ-كەزەڭىمەن جەڭىلدەتىلگەنىمەن بىرقاتار شەكتەۋلەر ءالى دە ساقتالىپ وتىر. سوعان قاراماستان تويدى توقتاتپاي وتىرعاندار بار. توپ مۇشەلەرى جىل باسىنان بەرى ءۇي جاعدايىندا ۇيىمداستىرىلعان 28 وتباسىلىق توي-جيىندى انىقتادى. شەكتەۋلى ساننان اسىرعان مەيرامحانالارعا دا اكىمشىلىك ايىپپۇلدار سالىندى.
شەكتەۋ شارالارى ەڭبەك ۇجىمدارىنىڭ بارلىعىندا بىردەي ساقتالا بەرمەيدى. ناۋرىز مەرەكەلەرىنە وراي وتكىزىلگەن ۇجىمدىق ءىس-شارالار كەزىندە كارانتين تالاپتارىن ساقتاماعان بىرقاتار ۇيىمدار مەن مەملەكەتتىك قىزمەتشىلەرگە اكىمشىلىك قۇقىق بۇزۋشىلىق كودەكسىنە سايكەس ايىپپۇلدار سالىندى. اۋىلدىق وكرۋگتەردىڭ ءبىرىنىڭ اكىمىنە 8 ناۋرىز مەرەكەسىنە وراي ۇيىمداستىرىلعان جيىن كەزىندە بەتپەردە كيمەگەنى ءۇشىن 230 اەك اكىمشىلىك ايىپپۇل سالىندى.
– IV توقساننان باستاپ ءبىلىم بەرۋ ءداستۇرلى جانە ارالاس فورماتقا اۋىستى. وسىعان وراي مەكتەپتەردەگى كارانتين تالاپتارىنىڭ ساقتالۋىن باقىلاۋدى كۇشەيتتىك. سىنىپتا وقۋشىلاردى بەلگىلەنگەن شەكتى ساننان اسىرۋ, بەتپەردەلىك رەجىمنىڭ ساقتالماۋى, 80 ادامدى جيناپ, ۇستازدار جينالىسىن وتكىزۋ سىندى دەرەكتەر تىركەلدى. سونداي-اق, سىنىپتارداعى ىلعالدى تازالاۋ جۇمىستارىنىڭ ساپاسىز وتكىزىلگەنى بەلگىلى بولىپ, جاۋاپتىلارعا اكىمشىلىك ايىپپۇلدار سالىندى, – دەيدى توپ جەتەكشىسى.
قىزىلوردا وبلىسى
