قازاقستان رەسپۋبليكاسى پرەزيدەنتى اكىمشىلىگى مەن قىزىلوردا قالالىق ءماسليحاتىنىڭ كەلىسىمدەرى بويىنشا وبلىس اكىمىنىڭ 2021 جىلعى 8 ساۋىردەگى وكىمىمەن قىزىلوردا قالاسىنىڭ اكىمى لاۋازىمىنا قازانتاەۆ عانيبەك قونىسبەك ۇلى تاعايىندالدى.
عانيبەك قازانتاەۆ 1960 جىلى قىزىلوردا وبلىسىندا تۋعان. جامبىل گيدرومەليوراتيۆتىك-قۇرىلىس ينستيتۋتىن «ينجەنەر-قۇرىلىسشى» جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «مۇناي جانە گاز كەنىشتەرىن يگەرۋ» ماماندىقتارى بويىنشا بىتىرگەن.
ەڭبەك جولىن 1980 جىلى جالاعاش اۋداندىق 9-شى جىلجىمالى مەحانيزاتسيالانعان كولوننانىڭ ماستەرى رەتىندە باستاعان.
1983-1992 جىلدارى قىزىلوردا وبلىسىنداعى قۇرىلىس ۇيىمدارىندا ماستەر, اعا جۇمىس ءوندىرۋشى, ءوندىرىس-تەحنيكالىق ءبولىمىنىڭ باستىعى, 3-ءشى اۋدانارالىق مامانداندىرىلعان جىلجىمالى مەحانيزاتسيالانعان كولوننانىڭ باس ينجەنەرى بولدى.
1992-2013 جىلدارى «نەفتەگازستروي كىزىلوردا» كورپوراتسياسىنىڭ پرەزيدەنتى, «اي-دان» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى, «سسك «اقمەشىت» اكتسيونەرلىك قوعامىنىڭ پرەزيدەنتى, «اي-دان مۇناي» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى, «سىرداريامۇناي» اكتسيونەرلىك قوعامىنىڭ باس ديرەكتورى, «ترانسنەفتسەرۆيس» بك» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى, «Kazpetrol Group» جاۋاپكەرشىلىگى شەكتەۋلى سەرىكتەستىگىنىڭ اتقارۋشى ديرەكتورى قىزمەتتەرىن اتقاردى.
2013-2019 جىلدارى سىرداريا اۋدانىنىڭ اكىمى, 2019 جىلدان باستاپ قر ەنەرگەتيكا مينيسترلىگىنىڭ مۇناي-گاز كەشەنىندەگى مەملەكەتتىك ينسپەكتسياسىنىڭ وڭتۇستىك وڭىرارالىق باسقارماسىنىڭ باسشىسى قىزمەتىن اتقارىپ كەلدى.
وبلىس اكىمى گۇلشارا ابدىقالىقوۆا جاڭا باسشىنىڭ قىزمەتىنە ساتتىلىك تىلەدى.
