مەديتسينا • 08 ءساۋىر، 2021

ساۋىردە 2 ملن ازامات ەكپەمەن قامتىلماق

12 رەت كورسەتىلدى

قازاقستان كوروناۆيرۋستىڭ تارالۋى بويىنشا «قىزىل ايماقتا» تۇر. بۇل تۋرالى دەنساۋلىق ساقتاۋ ءمينيسترى الەكسەي تسوي ايتتى.

سۋرەتتى تۇسىرگەن ەرلان ومار، «EQ»

«كوروناۆيرۋسقا شالدىعۋ شىم­­كەنت، الماتى، نۇر-سۇلتان قالالارىندا، اقتوبە مەن الما­تى وبلىستارىندا ءوسىپ جاتىر. ناۋقاستانعانداردىڭ جالپى سانىنىڭ 63 پايىزى الماتى، نۇر-سۇلتان قالالارىنىڭ، الماتى وبلىسىنىڭ تۇرعىندارى. الماتى قالاسىندا اقپاندا تاۋلىگىنە 100 جاعداي تىركەلسە، ساۋىردە 600 جاعدايعا دەيىن جەتتى. نۇر-سۇلتان قالاسىندا اقپاندا تاۋلىگىنە 100 جاعداي بولسا، ساۋىردە 500 جاعدايعا دەيىن ارتىپ وتىر»، دەدى مينيستر.

سونىمەن قاتار ول الماتى وبلىسىندا كوروناۆيرۋس جۇقتىرۋ كورسەتكىشى اقپانداعى 70 جاعدايدان ساۋىردە تاۋلىگىنە 270-كە جەتكەنىن ايت­تى. «ەپيدەميولوگيالىق جاع­داي ماتريتساسىنا سايكەس، قازاق­ستان رەسپۋبليكاسى ءبىر اپتا بويى تاۋە­كەلى جوعارى، ياعني «قىزىل ايماقتا» تۇر. سونىمەن قاتار تاۋەكەلى جوعارى ايماقتا ەلىمىزدىڭ 7 ءوڭىرى بار. بۇل الماتى مەن نۇر-سۇلتان قالالارى، باتىس قازاق­ستان، اتىراۋ، اقتوبە، اقمولا، قاراعاندى جانە اقمولا وبلىستارى»، دەدى ا.تسوي.

ۆەدومستۆو باسشىسى كورونا­ۆي­رۋسقا قارسى ۆاكتسينانىڭ ءبىرىنشى جانە ەكىنشى كومپونەنتى قانشا ادام­عا سالىنعانىن دا تىلگە تيەك ەتتى.

«كوروناۆيرۋس ينفەكتسياسىنا قارسى ۆاكتسينالاۋ جالعاسىپ جاتىر. 1 ساۋىر­دەن باستاپ ۆاكتسينالاۋعا جاتا­تىن تۇلعالار ساناتى كەڭەي­تىلدى. بۇگىندە ۆاكتسينانىڭ كومپو­نەنتىمەن 217 070 ازامات، ال ەكىنشى كوم­پونەنتىمەن 79 541 ازامات ەگىل­دى. مىڭ تۇرعىنعا شاققانداعى كور­سەتكىش 11،5 بولدى. ونىڭ ىشىندە مەديتسينا قىزمەتكەرلەرىنىڭ 40، پەداگوگ­تەردىڭ 17، كۇشتىك قۇرى­لىمداردىڭ 7،7 پايىزى، مەدي­تسينالىق-الەۋمەتتىك مەكەمەلەردەگى قىزمەتكەرلەردىڭ 0،5 پايىزى ەكپە الدى»، دەدى مينيستر.

ونىڭ سوزىنشە، ەكپە العان ادامداردىڭ 0،8 پايىزىندا ۋاقىت­شا دەنە قىزۋىنىڭ كوتەرىلۋى سىندى بەلگىلەر بايقالدى. ساۋىردە ەك­پە الۋعا ءتيىستى كونتينگەنتتىڭ 24،4 پايىزىن نەمەسە شامامەن 2 ملن ازاماتتى ەكپەمەن قامتۋ جوس­پارلانىپ وتىرعانىن دا جەتكىزدى.

«قازاقستاندا وندىرۋشىلەرمەن جۇرگىزىلگەن كەلىسسوزدەردى ەسكەرە وتىرىپ، ءبىرىنشى جارتىجىلدىقتا 6 ملن-نان استام ۆاكتسينا دوزاسىن قابىلداۋ جوسپارلانۋدا، بۇل ءتيىستى كونتينگەنتتىڭ 64%-ىن قامتۋعا مۇمكىندىك بەرەدى. بۇل كولەم كۆي-عا قارسى ۆاكتسينالاۋعا جاتاتىن كونتينگەنتتى جانە وتەۋسىز نەگىزدە ۆاكتسي­نالاۋعا نيەت بىلدىرگەن ادام­داردىڭ قولجەتىمدىلىگىن بارىنشا كەڭەي­تۋگە مۇمكىندىك بەرەدى»، دەپ اتاپ ءوتتى مينيستر.

ۇيىمداستىرىلعان ۇجىمداردا جانە ادامدار كوپ جينالاتىن جەرلەردە ۆاكتسينالاۋ جۇرگىزۋ ءۇشىن الماتى قالاسىندا جىلجىمالى ەگۋ پۋنكتتەرى ىسكە قوسىلادى. ەپي­دەمياعا قارسى كۇرەس پەن ىسكەرلىك بەلسەندىلىك اراسىنداعى تەڭگەرىمدى ساقتاۋ ماقساتىندا ەلدە تسيفرلىق تەحنولوگيالار بەلسەندى ەنگىزىلەتىن بولادى. ءسويتىپ، ۆاكتسينا العان تۇلعالار تۋرالى ەسەپكە الۋ جانە مونيتورينگ جۇرگىزۋ ءۇشىن «انتيكوۆيدتى پاسپورت» ازىر­لەنگەن. بۇگىن دەنساۋلىق ساقتاۋ مينيسترلىگى «ەلەكتروندىق ۇكىمەت» پورتالىندا «ۆاكتسينالاۋعا جازىلۋ» قىزمەتىن ىسكە قوسۋدى جوسپارلاپ وتىر.

ول ءۇشىن ازامات «ەلەكتروندىق ۇكىمەت» پورتالىنا اۆتوريزاتسيا­لانۋى جانە ءوتىنىم بەرۋى قاجەت، وندا تەك تىركەۋ ايماعى بويىنشا مەدي­تسينالىق ۇيىمدى كورسەتۋ قاجەت بولادى، سودان كەيىن ءوتىنىم مەدي­تسينالىق ۇيىمعا بولۋگە/قاراۋ­عا تۇسەدى. مەديتسينالىق ۇيىم ۆاكتسينا جۇرگىزۋ ۋاقىتىن كور­سەتە وتىرىپ، وتىنىمدەردى بولە­دى. تاراتىلعاننان كەيىن ازامات «ەلەكتروندىق ۇكىمەت» پورتالىندا مەديتسينالىق ۇيىمعا باراتىن كۇندى جانە ۋاقىتتى كورەدى، سونداي-اق قوسىمشا SMS حابارلاما الادى.

سونىمەن قاتار مينيستر دارىلىك زات­تارمەن جانە مەديتسينالىق بۇيىم­دارمەن قامتاماسىز ەتۋ ماسە­لەسىنە توقتالدى.

«بۇگىندە ەلىمىز دارىلىك زات­تار مەن مەديتسينالىق بۇيىم­دار­دىڭ قاجەتتى كولەمىمەن تولىق قامتاماسىز ەتىلگەن. اۋرۋحا­نا­لار­دا كۆي-دان ەمدەۋگە ارنال­عان­ دارىلەردىڭ ايلىق قورى، «سق-فارماتسيا» قويمالارىندا جانە ءدارىحانالاردا – ەكى ايلىق قورى قالىپتاستىرىلعان. بارلىق وڭىرلەردە 18 ملرد تەڭگەگە ءدارى-دارمەكتەردىڭ تۇراقتاندىرۋ قورلارى قۇرىلدى. مەديتسينالىق ۇيىمدار جەكە قورعانۋ قۇرال­دارىمەن تولىق قامتاماسىز ەتىل­گەن، ءوڭىر اكىمدىكتەرىنىڭ 3 ايلىق قورى بار. رەسپۋبليكا بويىنشا كە­شەگى كۇنگى جاعداي بويىنشا COVID-19 وڭ ناتيجەسىمەن 258 917 ناۋقاس جانە كۆي مينۋسپەن 50 955 جاعداي تىركەلگەن. كۆي+ بار 228 089 ناۋقاس جانە كۆي-مەن اۋىراتىن 49 290 ناۋقاس ساۋىعىپ شىقتى.

ايتا كەتەتىن جايت، رەسپۋب­ليكا بويىنشا كۆي-مەن اۋىراتىن ناۋ­قاستارعا مەديتسينالىق كومەك كورسەتۋ ءۇشىن رەسپۋبليكادا 29 189 توسەك-ورىن قورى بار 276 ين­فەك­تسيالىق ستاتسيونار جۇ­مىل­­دىرىلدى. ينفەكتسيا­لىق ستاتسيونارلاردىڭ جۇمىس­پەن قام­تىلۋى – 36%-دى، رەانيما­تسيالىق ستاتسيونارلاردىڭ جۇمىسپەن قامتىلۋى – 23%-دى قۇرايدى. ين­فەكتسيالىق توسەكتەردىڭ ەڭ كوپ جۇكتەلۋى نۇر-سۇلتان قالاسىندا (71%)، باتىس قازاقستان وبلىسىندا (68%)، الماتى وبلىسىندا (57%)، الماتى قالاسىندا (51%) بايقالادى.

«مينيسترلىك توسەك قورىنىڭ جۇمىسپەن قامتىلۋىن ءوڭىردىڭ ءاربىر مەديتسينالىق ۇيىمىنىڭ دەڭگەيىنە دەيىن مونيتورينگتەۋدىڭ ەلەكتروندىق جۇيەسىن ازىرلەدى، بۇل قوسىمشا ستاتسيونارلاردىڭ ۋاقتىلى ارەكەت ەتۋىنە جانە ورىس­تەۋىنە مۇمكىندىك بەرەدى. وڭىرلەردە ينفەكتسيالىق توسەكتەردى ورىستەتۋ جوسپارى بار، جۇمىس ىستەپ تۇرعان ينفەكتسيالىق ستاتسيونارلاردىڭ جۇكتەمەسى 70%-عا جەتكەندە ين­فەكتسيالىق توسەكتەردىڭ رەزەرۆى 51 مىڭنان 60 مىڭعا دەيىن ۇلعاي­تىلدى، رەزەرۆتىك وبەكتىلەر تارتىلاتىن بولادى، بۇل رەتتە جوسپارلى مامانداندىرىلعان مەديتسينالىق كومەك كورسەتۋ جالعاسادى»، دەدى دەنساۋلىق ساقتاۋ ءمينيسترى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار