1937-38 جىلدارى باسپادان شىققان كىتاپتا ايگىلى جىرشى جامبىل جاباەۆتىڭ ولەڭدەرى توپتاستىرىلعان. ايتا كەتەرلىگى, ۇلى اقىننىڭ «لەنين ماۆزولەيىندە», «وردەن العاندا», «حالىقتان سالەم», «وداقتاس», «12 دەكابر», « ۇلىما», «بالالارعا», «الاتاۋ» جانە تاعى باسقا شىعارمالارى لاتىن ارىپىندە جازىلعان. كىتاپ مۋزەي كەلۋشىلەرىنە وسىنىسىمەن دە قىزىق.
قازاق حالىق پوەزياسىنىڭ ايگىلى تۇلعاسى, ولەڭ ءسوزدىڭ ءدۇلد ۇلى جامبىل جاباەۆتىڭ تۋعانىنا بيىل 175 جىل. ەل ومىرىندەگى جەتىستىك پەن جاڭعىرۋلاردى, جەڭىس پەن ەرلىكتى ايرىقشا شابىتپەن جىرلاعان اقىننىڭ ولەڭدەرى اعىلشىن, بولگار, چەح جانە الەمنىڭ باسقا تىلدەرىنە اۋدارىلعان دەيتىن بولساق, لاتىن ارىپىندە جاريالانعان وسىناۋ ەرەكشە كىتاپتى مۋزەيگە اۋدانىمىزعا قاراستى جاڭاتۇرمىس اۋىلدىق وكرۋگى اقشولاق ورتا مەكتەبىنىڭ مۇعالىمى راحمانوۆ ءتولجان تولەگەن ۇلى سىيعا بەرگەن.
«كىتاپ – سارقىلماس رۋحاني قازىنا. جاقسى كىتاپ جان دۇنيەمىزدى نۇرلاندىرىپ, جۇرەگىمىزدى ايناداي جارقىراتادى. ال مىناداي ۇلى تۇلعانىڭ تۋىندىسى تەك مەنىڭ ۇيىمدەگى سورەدە ەمەس, كوپشىلىك كورەتىن جەردە تۇرۋى ءتيىس دەپ شەشىپ, اۋداندىق مۋزەيگە تابىستاعان بولاتىنمىن. اسىرەسە, كەيىنگى جاس ۇرپاق كوپ كىتاپ وقىسا ەكەن», دەيدى ۇلاعاتتى ۇستاز.
ايدانا شوتباسوۆا,
بايزاق اۋداندىق تاريحي-ولكەتانۋ مۋزەيىنىڭ قور ساقتاۋشىسى
جامبىل وبلىسى
