تۇركى تىلدەC مەملەكەتتەر

ءۇشىن اسا ماڭىزدى جىل پارلامەنت ءماجىلىسىنىڭ دەپۋ­تاتى, زاڭ عىلىمدارىنىڭ دوك­تورى, پروفەسسور نۇرلان ءابدىروۆ تۇرىك رەسپۋبليكاسىنىڭ استانا­سىنا پارلامەنتتىك ساپار جاساپ كەلدى. ول انكارا قالا­سىندا وتكەن “تۇركى دۇنيەسى قارىم-قاتىناس­تارىنداعى جاڭا قادام: ناحچى­ۆان رۋحى” سيمپوزيۋمىنا قا­تىستى. 2009 جىلى ءازىربايجاننىڭ ناحچىۆان قالاسىندا تۇركى تىلدەس مەملەكەتتەر باسشىلارى تاراپىنان قول قويىلعان قۇجات بۇگىندە تاريحي مانگە يە بولۋدا. تۇركى الەمى ءۇشىن تاريحي ماڭىزى ەرەكشە بۇل كەلىسىمنىڭ اسەرى مەن ىقپالى جىل وتكەن سايىن ارتا تۇسەدى دەپ سەنە­مىن. سيمپوزيۋمنىڭ وسى كەلىسىمگە ارنالىپ وتىرۋى دا ءسوزىمىزدىڭ ايعاعى. قازاقستان تاۋەلسىزدىك العان كۇننەن بەرى تۇركى الەمى مەن ەۋرا­زيادا ىنتىماقتاستىق پەن ىقپال­داسۋدىڭ بەلسەندى باستاماشىسى بولىپ كەلەدى. مۇندا قازاقستان پرەزيدەنتى نۇرسۇلتان نازارباەۆ­تىڭ ەڭبەگى ەرەكشە زور. قازاقستان پرەزيدەنتى ن.نا­زارباەۆ 2006 جىلى انتاليا قالا­سىندا وتكەن تۇركى تىلدەس مەم­لەكەتتەر باسشىلارىنىڭ كەزەكتى سامميتىندە تۇركى تىلدەس  مەملەكەت­تەردىڭ پارلامەنتتىك اسسامبلەياسى مەن تۇركى الەمى اقساقالدار  القا­سىن قۇرۋ تۋرالى باستاما كوتەردى. وسى قۇرىلىمدار مەن ناحچىۆاندا تاعى دا ەلباسى نازارباەۆتىڭ باستاماسىمەن نەگىزى قالانعان تۇركى ءتىلدى مەملەكەتتەردىڭ كەڭەسى ان­كا­راداعى ماجىلىسكە وزەك بولدى. مەن قازاقستان پارلامەنتىنىڭ دەپۋتاتى رەتىندە تۇركى تىلدەس مەم­لەكەتتەردىڭ پارلامەنتتىك اسسام­بلەياسىنا  ەرەكشە توقتالعىم كەلەدى. قازاقستان پرەزيدەنتىنىڭ باس­تاماسىمەن قۇرىلعان بۇل ماڭىزدى قۇرىلىم بۇگىندە جەمىستى قىزمەت  اتقارۋدا. ءبىزدىڭ ەلدەردىڭ پارلا­مەنتتەرى اراسىندا ىنتىماقتاستىق نىعايا تۇسۋدە. سونىمەن قاتار, تاياۋدا استانادا تۇركى الەمىنىڭ اكادەمياسى جانە اقساقالدار القاسى قۇرىلادى. مىنە, وسىنىڭ ءبارى قازاقستان تاراپىنىڭ ناحچىۆان كەلىسىمىنە باستاماشى  عانا ەمەس, ونى تابان­دى تۇردە جۇزەگە اسىرۋشىلاردىڭ ءبىرى ەكەنىن ايعاقتايدى. بيىلعى جىل – تۇركى تىلدەس مەملەكەتتەر ءۇشىن اسا ماڭىزدى جىل. بيىل قا­زاق­ستان ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتىپ وتىر. تۇركيا قا­زاق­ستاننىڭ باستاماسىمەن قۇرىل­عان ازياداعى ءوزارا ءىس-قيمىل جانە سەنىم شارالارى جونىندەگى كەڭەس­كە جەتەكشىلىك جاسايدى. سونداي-اق, ەۋروپا وداعى پارلامەنتتىك اسسامبلەياسىنا توراعالىق ەتۋدە. قازاقستان 2011 جىلى تۇركيانىڭ ۇسىنىسىمەن يسلام كونفەرەن­تسياسى ۇيىمىنا باس­شىلىق ەتۋگە ازىرلەنۋدە. وسى ماڭىزدى, تاريحي ءمانى زور بەدەلدى ۇيىمدارعا جەتەكشىلىك ەتۋ بارىسىندا تۇركى تىلدەس مەملەكەت­تەردىڭ ءوزارا ىقپالداستىعى مەن ءبىرىن-ءبىرى قولداۋى ناحچىۆانداعى كەلىسىمنىڭ ومىرشەڭدىگىن ارتتىرا تۇسەدى دەپ ويلايمىن. بۇل ءبىزدىڭ بارشامىزعا ۇلكەن جاۋاپكەرشىلىك جۇكتەيدى. نۇرلان ءابدىروۆ, ءماجىلىس دەپۋتاتى.