«قايىرىمدى ىستەر مارافونى» جالپىۇلتتىق جوباسىنىڭ قاتىسۋشىلارى قايىرىمدى ىستەر ۇلكەن نەمەسە كىشكەنە دەپ بولىنبەيتىنىن ايتادى.
وتكەن اپتادا مارافون اياسىندا كوپتەگەن سالانى قامتىعان 600-دەن استام ءىس-شارا ءوتتى. مىسالى, ەڭ بەلسەندى ايماقتاردىڭ ءبىرى – پاۆلودار وبلىسىندا «سەن جالعىز ەمەسسىڭ» قوعامدىق قورىنىڭ ەرىكتىلەرى «پاۆلودار وبلىسىنىڭ حوسپيسىنە» 900 000 تەڭگەنىڭ ماتەريالدىق كومەگىن كورسەتتى. جەرگىلىكتى احات ءبولىمىنىڭ قىزمەتكەرلەرى «سابيلەر ءۇيىنىڭ» بالالارىنا كومەكتەسسە, پاۆلودار قالاسىنىڭ ءاليا ەسىمدى تۇرعىنى ءۇي-كۇيسىز جانۋارلارعا ازىق-ت ۇلىك ساتىپ الىپ, ولاردىڭ ەكپەسىنە اقشا اۋداردى.
سونداي-اق پاۆلوداردا الەۋمەتتىك فرونت-وفيس ىسكە قوسىلدى. وندا ءاربىر ادام الەۋمەتتىك قولداۋ ماسەلەلەرى بويىنشا تەگىن كەڭەستەر الادى. ال اقسۋ قالاسىندا مۇمكىندىگى شەكتەۋلى ادامدارعا ارنالعان ساداق اتۋ ۇيىرمەسى اشىلدى. پاۆلودار وبلىستىق «جاسىل ەل» شتابىنىڭ كومانديرى رۋسانا سامەكوۆا قايىرىمدى ىستەردى جاريا ەتۋ كەرەك دەپ سانايدى.
«ارينە, بىرەۋدىڭ ءومىرىن تۇبەگەيلى وزگەرتۋ قيىن. بىراق ونى دۇرىس جاققا باعىتتاۋعا بولادى. ءبىز ارقاشان جۇمىسىمىزدى الەۋمەتتىك جەلىلەردە جاريالايمىز. بالكىم, كورگەن ادامداردىڭ ءبىرى قاتارىمىزعا قوسىلىپ, كومەكتەسكىسى كەلەتىن شىعار. «جاقسىلىق جۇقپالى دەيدى ەمەس پە», دەيدى رۋسانا.
كوپتەگەن جىلدار بويى «جاسىل ەل» قولداۋعا مۇقتاج جاندارعا كومەكتەسىپ, قورشاعان ورتانى قورعاۋعا كۇش سالىپ كەلەدى. بيىل وزدەرىنىڭ ون جەتىنشى ەڭبەك ماۋسىمىن قايىرىمدى ىستەر مارافونىمەن اشىپ وتىر.
ء«بىزدىڭ ەرىكتىلەر جالعىزىلىكتى قارت ادامداردىڭ اۋلاسىن قار مەن مۇزدان تازارتۋعا, ءۇي تازالاۋعا كومەكتەسەدى. قارتتار العىسىن ايتىپ, باتاسىن بەرەدى. بۇل ءبىزدىڭ جىگىتتەردى ودان دا جاقسى ىستەر جاساۋعا شابىتتاندىرادى», دەدى ول.
كوكشەتاۋ قالاسىنداعى «مەيىرىمدى جۇرەك Lider.kz» قوعامدىق قورىنىڭ باسشىسى يرينا كاتۋحوۆانىڭ ايتۋىنشا, ءوزى دە بالا كەزىندە مۇقتاجدىقتى كوپ كورگەن.
«مەن ادامدارعا كومەكتەسە باستاعان سەبەبىم, بالا كەزىمدە ۇيىمىزدە ىشەرگە اس تاپپاي قالاتىن كەزدەر بولاتىن. ول كەزدە مۇنداي ۇيىمدار بولعان جوق. سوندىقتان مەن ادامدارعا جىلۋ مەن سۇيىسپەنشىلىك سىيلايتىن توپ قۇرۋدى ۇيعاردىم. بىزگە قاراپايىم ادامدار كوپ كومەكتەسەدى. ەرىكتىلىك – بۇل بولمىس. ۇلكەن جۇرەكتى جانە مەيىرىمدى ادام عانا ەرىكتى بولا الادى. ويتكەنى ول ءۇشىن بىزگە جالاقى دا, سىياقى دا تولەنبەيدى», دەيدى توپ جەتەكشىسى.
ءار اپتا سايىن قوعامدىق قوردىڭ ەرىكتىلەرى تۇرعىلىقتى باسپاناسى جوق ادامدارعا ىستىق تاماق تاراتادى. مۇقتاج ادامدارعا كيىم-كەشەك جينايتىن قويمانىڭ جۇمىسىنا كومەكتەسەدى. سونىمەن قاتار ولار جالعىزباستى زەينەتكەرلەرگە كومەك كورسەتەتىن جەلىنى ىسكە قوستى. قور باسشىسى قايىرىمدىلىق ۇلكەن نەمەسە كىشكەنە ىستەر دەپ بولىنبەيتىنىن, شىن جۇرەكتەن ىستەلگەن كەز كەلگەن قايىرىمدىلىق ماڭىزدى ەكەنىن ايتادى.
«ەڭ باستىسى, قايىرىمدىلىق شىن جۇرەكتەن شىقسا بولدى. بۇگىن باستاساڭىز دا بولادى, ءبىر اجەگە نان ساتىپ اكەلىپ بەرىپ, قوقىسىن شىعارۋعا كومەكتەسىڭىز. ماڭايىڭىزعا ۇلگى كورسەتە ءبىلىڭىز. ءبىر-ءبىرىمىزدى ءسال دە بولسا باقىتتى ەتۋ ءوز قولىمىزدا ەكەنىن ەلدىڭ ەسىنە سالىڭىز», دەيدى يرينا كاتۋحوۆا.
جامبىل وبلىسىندا «احىسكا» تۇرىك ەتنومادەني ورتالىعىنىڭ قىزمەتكەرلەرى 2,5 ميلليون تەڭگە جيناپ, تاراز مەشىتىنە مەديتسينالىق ماسكا, انتيسەپتيك پەن پاراتسەتامول اپارىپ بەردى. ال قىزىلوردا وڭىرىندە شيەلى اۋدانى اكىمدىگىنىڭ باستاماسىمەن, «Gezhuba Shieli Cement Company» جشس قولداۋىمەن الەۋمەتتىك قولداۋعا مۇقتاج 60-قا جۋىق وتباسى 900 000 تەڭگە كولەمىندە ازىق-ت ۇلىك كومەگىن الدى. اتىراۋ وبلىسىندا مارافونعا قاتارداعى ازاماتتار دا ۇلەس قوسىپ جاتىر. سارايشىق اۋدانىندا ماحامبەت اۋىلىنىڭ بەلسەندىلەرى ءوز ەسەبىنەن 3 بالالار الاڭىن ورناتتى.
قىزىلوردا وبلىسىنىڭ «ۆولونتەرلار فرونت ءوفيسىنىڭ» باسشىسى بولاتبەك ايتبەنبەتوۆ قازاقستاندا ۆولونتەرلىق قوزعالىس, اسىرەسە, جاستار اراسىندا بەلسەندى دامىپ كەلە جاتقانىن ايتادى.
«بيىل ءبىزدىڭ قاتارىمىزدى وتكەن جىلى ءوزىمىز كومەك كورسەتكەن بالالاردىڭ تولىقتىراتىنى قاتتى قۋانتادى. قازىر ەلىمىزدە ەپيدەميولوگيالىق احۋال قيىن. سوندىقتان مەن مۇقتاج ادامدارعا قولداۋ كورسەتۋ – ءبىزدىڭ مىندەتىمىز دەپ سانايمىن», – دەيدى ول.
باتىس قازاقستان وبلىسىندا وتكەن اپتادا «قايىرىمدى ىستەر مارافونىنا» ەكى مىڭنان استام ادام قاتىستى. جۇدىرىقتاي جۇمىلا بىلگەن قايىرىمدى جاندار 600 ادامعا كومەك كورسەتتى. ماسەلەن, جاڭاقالا اۋدانىنداعى جاڭاقالا اۋىلىنىڭ تۇرعىنى سالامات سەرتەكوۆ قىرقوپا اۋىلىنداعى 30 وتباسىعا ازىق-ت ۇلىك اپارىپ بەردى. كازتالوۆ اۋدانىنىڭ ءماسليحات دەپۋتاتى قۋانىش ەرمەكوۆ ءبىر وتباسىنا ءۇي, ەكىنشىسىنە جيھاز سىيلادى. ال اقساي قالاسىندا ءبورلى اۋدانىنىڭ جاستارمەن جۇمىس جونىندەگى رەسۋرستىق ورتالىعىنىڭ جەتەكشىسى رۋسلان ازاماتوۆ لوتەرەيا ۇيىمداستىرىپ, تۇرعىندار مەن جەرگىلىكتى كاسىپكەرلەردەن ەميردى ەمدەۋگە 1 900 000 تەڭگە جيناپ بەردى. قازىر بالانىڭ جاعدايى بىرقالىپتى. وتباسىمەن بىرگە رەسەيدە ينە سالعىزىپ قايتۋ ءۇشىن ساپارعا دايىندالىپ جاتىر.
«مەنىڭ ويىمشا, وزگەگە كومەك قولىن سوزعان ءار ادام اۆتوماتتى تۇردە ەرىكتىگە اينالادى. ارينە, مەن ءوز ءىس-ارەكەتىمدى جارنامالاعىم كەلمەيدى. بىراق بۇل باسقالاردىڭ بىزگە قوسىلۋى ءۇشىن قاجەت. الەمدە جاقسى ادامدار بار دەگەن ءۇمىتتىڭ ۇزىلمەۋى ءۇشىن باسقالارعا باقىت سىيلاۋىمىز كەرەك. مۇمكىن ءبىزدىڭ بۇگىنگى قولداۋىمىز بولاشاقتا وزگەلەردىڭ دە مۇقتاج ادامدارعا كومەكتەسۋىنە تۇرتكى بولاتىن شىعار», دەيدى رۋسلان ازاماتوۆ.
ەسكە سالا كەتەيىك, «قايىرىمدى ىستەر مارافونى» جالپىۇلتتىق جوباسى بيىل اقپان ايىندا مەملەكەت باسشىسى قاسىم-جومارت توقاەۆتىڭ باستاماسىمەن قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا باستالعان بولاتىن. جوبانىڭ ەڭ ماڭىزدى مىندەتتەرىنىڭ ءبىرى – قايىرىمدى ازاماتتار مەن ۇيىمداردى بىرىكتىرۋ جانە بولاشاقتا قوعام مەن ادامداردىڭ ءومىرىن دۇرىس جاعىنا وزگەرتۋگە مۇمكىندىك بەرەتىن جومارتتىق پەن مەيىرىمدىلىك يدەياسىنا نەگىزدەلگەن قوعامدى بىرلەسىپ قۇرۋ. مارافونعا كەز كەلگەن ادام قاتىسا الادى. ول ءۇشىن جاساعان قايىرىمدى ىستەرىن الەۋمەتتىك جەلىدە #قايىرىمدىىستەرمارافونى #مارافوندوبرىحدەل رەسمي حەشتەگتەرمەن ءبولىسۋى كەرەك.
