قوعام • 06 ءساۋىر، 2021

قازۇۋ عالىمدارى انتيۆيرۋستىق تابيعي قوسپا ويلاپ تاپتى

222 رەت كورسەتىلدى

ءال-فارابي اتىنداعى قازۇۋ پروفەسسورى جانار جەڭىس جەتەكشىلىك ەتەتىن عالىمدار توبى ادام بويىندا اسقىنعان رەسپيراتورلىق-ۆيرۋستىق ينفەكتسيالاردىڭ تارالۋىنا قارسى انتيۆيرۋستىق مۋلتي-تابيعي قوسپا ازىرلەپ شىعاردى، دەپ حابارلايدى Egemen.kz.

انتيۆيرۋستىق قوسپا قازىرگى تاڭداعى ءتۇرلى ۆيرۋستىق ينفەكتسيالار مەن باسقا دا اۋرۋلاردىڭ تارالۋىن ازايتۋ مەن جويۋعا ارنالعان.

الەم بويىنشا قالىپتاسقان بۇگىنگى كۇردەلى جاعدايدا اتالمىش جوبانىڭ اسا وزەكتى ءارى دەر كەزىندە جۇزەگە اسىرىلىپ وتىرعانى داۋسىز. قازاق جەرىندە وسەتىن دارىلىك وسىمدىكتەردەن تۇراتىن قوسپا قۇرامى جاعىنان تازا ءارى تابيعي وتاندىق ءونىم بولىپ تابىلادى. ونى دايارلاۋدا نەگىزىنەن جالبىز، قالامپىر، تۇيمەداق جانە قىزىلميا وسىمدىكتەرى پايدالانىلعان.  

«تابيعي قوسپا تۇماۋ جانە جەدەل رەسپيراتورلىق ۆيرۋستىق ينفەكتسيا كەزىندە اسقىنۋ قاۋپىن ازايتىپ، ساۋىعۋدى جەدەلدەتەدى. اۋرۋعا قارسى اعزانىڭ قورعانىس قابىلەتىن كۇشەيتەدى. وكپەنىڭ جۇمىسىن جاقسارتىپ،  جوتەلدى توقتاتادى»، دەيدى جوبا اۆتورى، قازۇۋ جانىنداعى دارىلىك وسىمدىكتەر ورتالىعىنىڭ ديرەكتورى جانار جەڭىس.

ونىڭ ايتۋىنشا، 30-دان اسا ناۋقاس پايدالانىپ، ايىعىپ شىققان قوسپانىڭ تولىق ەمدەلۋ كۋرسى 15 كۇندى قۇرايدى.   

جوبانى كەڭ كولەمدە جۇزەگە اسىرۋ شيكىزات نەگىزىندەگى جاڭا فارماتسەۆتيكالىق ونىمدەردى شىعارۋدا نەگىز بولىپ تابىلاتىن مۋلتي-تابيعي قوسپا – تۇماۋعا جانە اسقىنعان رەسپيراتورلىق ۆيرۋستىق ينفەكتسيالارعا قارسى بيوبەلسەندى قۇرامدى الۋعا مۇمكىندىك بەرەدى. بۇل ءوز كەزەگىندە ەلىمىزگە شەتتەن يمپورتتالاتىن دارىلىك ونىمدەردىڭ سانىن ازايتۋعا جول اشپاق.

جوبانى ازىرلەۋشىلەر ەتنوبوتانيكا، ءداستۇرلى مەديتسينا، فيتوحيميا، دارىلىك وسىمدىكتەر حيمياسى، فارماكوگنوزيا جانە وسىمدىكتەر ەكولوگياسى سالاسىنداعى زەرتتەۋلەردى قارجىلاندىرۋدىڭ قوعام ساۋلىعى ءۇشىن ومىرلىك ماڭىزى زور ەكەندىگىن العا تارتىپ وتىر. بۇل شارالار بارشا ادامزاتتى قازىرگى جانە بولاشاقتاعى پاندەميالاردان قورعاۋ ءۇشىن قاجەت.   

ايتا كەتەرلىگى، 2020 جىلى پروفەسسور جەڭىس جاناردىڭ جەتەكشىلىگىمەن «COVID-19-عا قارسى تاعامدىق قوسپالاردىڭ الەۋەتتى فورمۋلاسىن ازىرلەۋ» جوباسى «عىلىم قورى» اق باستاماسىمەن ۇيىمداستىرىلعان «ستوپ-كوروناۆيرۋس» ونلاين بايقاۋىنىڭ اقتىق مارەسىنەم وتكەن بولاتىن. ال «ادامداردا ارۆي تارالۋىن باساتىن مۋلتي­-تابيعي قوسپا» جوباسى 2021-2023 جىلدارعا ارنالعان عىلىمي جانە عىلىمي-تەحنيكالىق جوبالار بويىنشا ىرگەلى جانە قولدانبالى عىلىمي زەرتتەۋلەردى گرانتتىق قارجىلاندىرۋ بايقاۋىنا ۇسىنىلىپ وتىر.

ۋنيۆەرسيتەتتەگى اتالمىش ورتالىقتا ەمدىك شوپتەردىڭ قاسيەتتەرىن زەرتتەۋ جۇمىستارى بىرنەشە جىلدان بەرى جۇرگىزىلىپ كەلەدى. 2019 جىلدىڭ قاراشا ايىندا قازۇۋ قىتاي عىلىم اكادەمياسىنىڭ سينتسزيان فيزيكا-حيميالىق تەحنيكالىق ينستيتۋتىمەن بىرلەسە قازاقستان-قىتاي دارىلىك زاتتار زەرتحاناسىن اشىپ، بۇگىندە وندا ۋنيۆەرسيتەت عالىمدارى ەلىمىزدە دارىلىك وسىمدىكتەرگە باي پرەپاراتتاردى ءوندىرۋ تەحنولوگياسىن دامىتۋعا ۇلەس قوسۋدا.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

«قىزىل ايماققا» قايتا ورالدى

ايماقتار • بۇگىن، 08:33

ۆاكتسينالاۋعا سەنىم ارتىپ كەلەدى

مەديتسينا • بۇگىن، 08:30

...ىشكى دايىندىعىم پىسپەي جاتىر

ادەبيەت • بۇگىن، 08:27

مۋزىكالى مامىر

تەاتر • بۇگىن، 08:25

قايتپاس 1 قاراڭعىلىق قۇشاعىندا

ايماقتار • بۇگىن، 08:23

بولاشاقتى بەينەلەيتىن NUR ALEM

قازاقستان • بۇگىن، 08:05

«اللا» دەگەن جازۋى بار جۇمىرتقا

رۋحانيات • بۇگىن، 08:01

وڭىرلەردە كەزدەسۋلەر وتكىزدى

پارلامەنت • بۇگىن، 07:55

ۇقساس جاڭالىقتار