ۇيلەستىرۋ كەڭەسىنىڭ ونلاين-وتىرىسىنا رەسپۋبليكالىق جاستار ۇيىمدارىنىڭ جەتەكشىلەرى مەن وكىلدەرى, ورتالىق مەملەكەتتىك ورگانداردىڭ قىزمەتكەرلەرى جانە باسقالار.
ۇيلەستىرۋ كەڭەسىنىڭ توراعاسى اسحات ورالوۆ, ورتالىق مەملەكەتتىك ورگاندار مەن جاستار ۇيىمدارى اراسىنداعى ءوزارا ءىس-قيمىل مەن تۇراقتى ديالوگتىڭ ماڭىزدىلىعىن اتاپ ءوتتى.
2020 جىلعى جاستار جانە وتباسى سالاسىنداعى جۇمىستىڭ نەگىزگى ناتيجەلەرى جانە 2021 جىلعا ارنالعان وزەكتى مىندەتتەر تۋرالى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ ايتىپ بەردى.
قاتىسۋشىلار وتىرىس جۇمىسىنىڭ بارىسىندا «جاستاردى دامىتۋ يندەكسى» ۇعىمىنا ەرەكشە توقتالدى. اتاپ كەتسەك, مەملەكەت باسشىسى ق.توقاەۆ اعىمداعى جىلدىڭ 15 قاڭتارىندا وتكەن قر پارلامەنتىنىڭ ءبىرىنشى سەسسياسىندا سويلەگەن سوزىندە قازاقستاندا الەمدىك تاجىريبەگە سايكەس جاستاردىڭ دامۋ يندەكسىن ەنگىزۋدى ۇسىندى. ماسەلەن, «جاستار» عىلىمي-زەرتتەۋ ورتالىعىنىڭ ديرەكتورى ا.ساقوشەۆ زاڭ جوباسى اياسىندا «جاستاردى دامىتۋ يندەكسى» ۇعىمىن ءبىلىم بەرۋ, دەنساۋلىق ساقتاۋ, جۇمىسپەن قامتۋ, بوس ۋاقىت جانە ينفراقۇرىلىمعا قولجەتىمدىلىك سالالارى بويىنشا نەگىزگى ينديكاتورلاردى قامتيتىن مەملەكەتتىك جاستار ساياساتىن ىسكە اسىرۋ بولىگىندە جەرگىلىكتى اتقارۋشى ورگاندار قىزمەتى تيىمدىلىگىنىڭ كەشەندى كورسەتكىشى رەتىندە تولىقتىرۋ ۇسىنىلاتىنىن ايتتى.
وتىرىس بارىسىندا رەسپۋبليكالىق جاستار ۇيىمدارىنىڭ وكىلدەرى اعىمداعى جىلعا ارنالعان جۇمىس جوسپارلارىمەن ءبولىسىپ, ودان ءارى تىعىز ىنتىماقتاستىققا دايىن ەكەندىكتەرىن ءبىلدىردى.
انىقتاما:
جاستار ۇيىمدارىن دامىتۋ جونىندەگى ۇيلەستىرۋ كەڭەسى قازاقستان رەسپۋبليكاسىنىڭ زاڭناماسىنا سايكەس قۇرىلاتىن جانە ءوز قىزمەتىن جاستار ۇيىمدارىنىڭ ءتيىمدى ءوزارا ءىس-قيمىل جاساۋى, قىزمەتىن ۇيلەستىرۋدى كۇشەيتۋ جانە ودان ءارى جەتىلدىرۋ جونىندە ۇسىنىمدار تۇجىرىمداۋ ماقساتىندا جۇزەگە اسىراتىن, ۋاكىلەتتى ورگان جانىنداعى كونسۋلتاتيۆتىك-كەڭەسشى ورگان بولىپ تابىلادى.
