ەلباسى • 05 ءساۋىر، 2021

ەلباسى جازۋشى قابدەش ءجۇمادىلوۆتىڭ وتباسىنا كوڭىل ايتتى

32 رەت كورسەتىلدى

ەلباسى كورنەكتى قالامگەر، قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى قابدەش ءجۇمادىلوۆتىڭ ومىردەن وتۋىنە بايلانىستى ورنى تولماس اۋىر قايعىعا ورتاقتاسىپ، كوڭىل ايتتى، دەپ حابارلايدى Egemen.kz تۇڭعىش پرەزيدەنتتىڭ ءباسپاسوز قىزمەتىنە سىلتەمە جاساپ.

قازاقستاننىڭ تۇڭعىش پرەزيدەنتى قابدەش ءجۇمادىل ۇلى قارىمدى شىعارماشىلىعىمەن، قاجىرلى قايراتكەرلىگىمەن قازاق ادەبيەتىنىڭ دامۋىنا قوماقتى ۇلەس قوسقان اسا تالانتتى تۇلعا بولعانىن اتاپ ءوتتى.

«دارابوز دارىن يەسى ءوزىنىڭ مازمۇنى باي كوپتەگەن اڭگىمەلەرى مەن حيكاياتتارى، كەڭ تىنىستى ەپيكالىق روماندارى ارقىلى ۇلتتىق پروزانىڭ ءوسىپ-وركەندەۋىنە ولشەۋسىز ەڭبەك ءسىڭىرىپ، قيلى زامانداردا ءتۇرلى تەپەرىش كورگەن قازاق حالقىنىڭ تالايلى تاعدىرى مەن تاريحىن، اۋمالى-توكپەلى تۇتاس ءداۋىردىڭ كەلبەتىن قاپىسىز سومدادى. ونىڭ سوڭىندا قالعان كەسەك تۋىندىلارى – ادەبيەتىمىزدىڭ التىن قورىندا ساقتالاتىن شىن مانىندەگى قۇندى رۋحاني قازىنا.

الاش جۇرتىنىڭ قالتقىسىز قۇرمەتىنە بولەنگەن ابزال ازاماتتىڭ ەسىمى مەن جارقىن بەينەسى جۇرتشىلىق جادىنان ەشقاشان ۇمىتىلمايدى دەپ سەنەمىن»،­ دەلىنگەن جەدەلحاتتا.

سوڭعى جاڭالىقتار

شىڭ باسىنداعى شاحتا

ايماقتار • كەشە

حوسەنىڭ قوس ولەڭى

ادەبيەت • كەشە

ۇقساس جاڭالىقتار