تەاتر قورجىنىندا – كەزەكتى جۇلدە

حالىقارالىق تەاتر كۇنىنە وراي ۇيىمداستىرىلعان ونەر بايقاۋىنا ش.ايت­­ماتوۆتىڭ قۋىرشاقتار تىلىن­دە سويلەگەن «انا – جەر-انا» قويىلى­مىمەن قاتىسقان ونەرلى ۇجىم قازىلار القاسىنىڭ جوعارى باعاسىن الىپ، جەڭىس تۇعىرىنان كورىندى.

 جىل سايىن تەاتر سالاسىنىڭ ۇزدىكتەرىن انىقتايتىن ۇلتتىق تەاتر باي­­قاۋىنىڭ ىرىكتەۋ كەزەڭى بيىل ونلاين فورماتتا ءوتتى. ۇجىم «قىرعىز اۆتورىنىڭ شىعارماسىن ەڭ ۇزدىك ساح­نالاعان شەتەلدىك تەاتر» اتالىمى بويىنشا سىنعا ءتۇستى. قويىلىم «ادام­زاتتىڭ ايتماتوۆى» اتانعان قارىمدى قالامگەردىڭ «قۇس جولى» پوۆەسىنىڭ نەگىزىندە دينا جۇماباەۆا رەجيسسۋراسىمەن 2018 جىلى ساحنا كورىپ، قۋىرشاق تەاترى ارتىستەرىنىڭ وزگە قىرىن اشىپ، ساحنادا سونى ىزدەنىس ىزدەرىن كورسەتۋىنە كەڭ جول اشقان بولاتىن. ناتي­جەسىندە قازاقستاندىق تەاتر دۇلدۇلدەر الامانىندا ۇزدىك دەپ تانىلىپ، قىرعىزستان رەس­پۋبليكاسىنىڭ ۇلتتىق تەاتر جۇل­دەسىنە يە بولدى. ماراپاتتى قىرعىزستان رەسپۋبليكاسىنىڭ مادەنيەت ءمينيسترى قايرات يماناليەۆ پەن قىرعىزستان تەاتر قايراتكەرلەرى ودا­عى­نىڭ پرەزيدەنتى جانىش قۇل­مامبەتوۆ تاپسىردى. جا­رىق كورگەلى بىرنەشە حالىق­ارالىق تەاتر فەستي­ۆال­دەر­دىڭ باسەكەسىندە توپ جارىپ جۇرگەن سپەكتاكلدىڭ كۇل­لى ادام­­زاتقا ايتار ويى، كور­كەمدىك قۇندىلىعى زامانا العا جىل­جىعان سايىن ارتپاسا، تيتتەي دە كەمىگەن ەمەس. وعان ايتۋلى قويىلىمنىڭ مەرەيلى مەزەتى كۋا.

ءيا، بۇگىندە جاڭا باعىت­قا باتىل بەت بۇرىپ، توسىن تاجىريبەلەر جاساۋ­دان جاس­قانبايتىن مەم­لەكەتتىك قۋىر­شاق تەاترى ءوز رەپەرتۋا­رىنان الەم جانە قازاق ادە­بيەتىنىڭ تاڭ­دامالى تۋىندىلارىنا كەڭىنەن ورىن بەرىپ، جەمىستى ەڭبەك ەتۋدە. البەتتە، وزگە دە ونەر وشاقتارى سە­كىلدى الەمدى شارپىعان ىن­دەت­­­تىڭ ارتىستەر ىزدە­نىسىنە اي­­­­تار­لىقتاي كەدەرگىسىن كەل­­­تىر­گەنىنە قاراماستان، قۋ­ىرشاق تەاترى ءوزىنىڭ شى­عار­ماشىلىق قارىمىن تيت­تەي دە باسەڭسىتكەن ەمەس. ونىڭ ايقىن دالەلى – ۇجىم ءبىر جىل ىشىندە ەرەسەكتەرگە ارنالعان ء«ومىر-وزەن»، «ماكبەت.يل­ليۋزيا» قويىلىمدارىن ساحنا تورىنە شىعارسا، «كۇلشە قىز»، «قاس­قىر مەن جەتى لاق» جانە «ۇيشىك» ەرتەگىلەرى كىش­كەنتاي كورەرمەندەر ءۇشىن تاماشا تارتۋ بولعانى ءسوزسىز.

تەك قۋىرشاق ونەرىنىڭ عانا ەمەس، تۇتاس قازاق تەاترىنىڭ مەرەيىن ءوسىرىپ، مارتەبەسىن اسقاقتاتىپ، جەڭىستى جۇلدە­لەر قاتارىن كوبەيتىپ كەلە جاتقان تەاتر­دىڭ شىعارماشىلىق قارقىنى بۇ­گىندە شىن مانىندە كوڭىل قۋانتادى. اتاپ ايتساق، تالانتتى ترۋپپا جىل باسىندا حالىقارالىق تەاتر سىنشىلارى بىرلەستىگىنىڭ (IUTC) ءۇش بىردەي اتالىم بويىنشا تاعايىنداعان جۇلدەسىن ەنشىلەپ، قانجىعا مايلاسا، ودان بولەك حالىقارالىق دەڭگەيدەگى بىرنەشە تەاتر فەستيۆالىنە دە شاقىرتۋ الىپ ۇلگەردى. مۇنىڭ بارلىعى كىشكەنتاي كورەرمەننىڭ كوركەم تانىمىن قالىپتاستىرۋ جولىندا قالت­قىسىز ەڭبەك ەتۋشى ۇيىمشىل ۇجى­مىنىڭ ورەلى ونەرىنىڭ جەمىسى ەكەنى ءسوزسىز.