ء«بىرىنشى كەزەكتە تۇرعىندارعا ساپالى قىزمەت كورسەتۋ دەڭگەيى ءالى دە تومەن. ماسەلەن, 109 بىرىڭعاي بايلانىس ورتالىعىنا مەديتسينالىق مەكەمەلەردىڭ جۇمىسىنا تۇرعىنداردىڭ كوڭىلى تولمايتىنى جونىندە شاعىمدار ءجيى تۇسەدى. اسىرەسە, مەديتسينالىق قىزمەتتىڭ ساپاسىنا, مامانداردىڭ دەڭگەيى مەن ەتيكاسىنا قاتىستى شاعىم وتە كوپ. دەمەك, بۇل ەمحانا مەن اۋرۋحانالار باسشىلارىنىڭ جۇمىستى ءتيىستى دەڭگەيدە ۇيىمداستىرا الماي وتىرعانىن كورسەتەدى», دەيدى ماحامبەت دوسمۇحامبەتوۆ.
اكىمنىڭ پىكىرىنە سۇيەنسەك, مەملەكەت تاراپىنان مەديتسينا سالاسىنا جاقسارتۋعا قولداۋ كۇشەيىپ, قىزمەتكەرلەردىڭ ەڭبەكاقىسى ءوستى. ەگەر مەديتسينالىق مەكەمە باسشىلارى جۇمىستى دۇرىس ۇيىمداستىرا الماسا, ولارعا قاتاڭ شارا قولدانۋ كەرەك.
ال, وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ سوزىنشە, كەمشىلىكتەر مەن ولقىلىقتاردى جويۋعا بولادى. الايدا سالادا ماماندار تاپشىلىعى تۋىنداپ وتىر.
«ماسەلەن, وتكەن جىلى 278 دارىگەر جەتىسپەگەن ەدى. بىلتىر 93 دارىگەر جۇمىسقا قابىلداندى. الايدا, وبلىستىڭ مەديتسينا سالاسىنا ءالى دە 207 مامان جەتىسپەيدى. بيىل بۇل ماسەلەنى گرانتتار ءبولۋ ارقىلى بىرتىندەپ شەشۋدى جوسپارلاپ وتىرمىز», دەدى ا.بايدۋاليەۆ.
