ونىڭ ايتۋىنشا, فورۋم جاقىن ارادا ىسكە قوسىلاتىن ءىرى بىرلەسكەن ينۆەستيتسيالىق جوبالار بويىنشا ءوزارا ىنتىماقتاستىققا جول اشادى. پرەمەر-مينيستر ماجارستاننىڭ ءۇش جىل بۇرىن تۇركى كەڭەسىنە باقىلاۋشى رەتىندە قابىلدانعانىن اتاپ ءوتتى. «سودان بەرى ەل ديپلوماتياسى كەڭەسكە مۇشە مەملەكەتتەرمەن بايلانىستى نىعايتۋعا كوپ كوڭىل ءبولدى», دەدى ول.
ۆ.وربان ماجارستان ءۇشىن باسىم مىندەتتەر قارىم-قاتىناستى ستراتەگيالىق سەرىكتەستىك دەڭگەيىنە دەيىن كوتەرۋ جانە ءار ەلدە ديپلوماتيالىق ميسسيا قۇرۋ بولىپ تابىلاتىنىن ەسكە سالدى. ول الەمدىك ساۋدا 9 پايىزعا تومەندەگەن وتكەن جىلى ماجارستاننىڭ تۇركى كەڭەسىنە مۇشە ەلدەرمەن تاۋار اينالىمى 3 پايىزعا ارتقانىن اتاپ ءوتتى. سونداي-اق بيىل ماجارستان ۋنيۆەرسيتەتتەرى مەن كوللەدجدەرىنە تۇركى ەلدەرىنەن 5 مىڭ جاس وقۋعا تۇسكەن. وربان ەلدىڭ تۇركى ينۆەستيتسيالىق قورىنا قوسىلۋعا جانە دامۋ جوبالارىنا قاراجات سالۋعا دەگەن نيەتىن راستادى.
