جاستار رەسۋرستىق ورتالىعىنىڭ جانىنان قۇرىلعان IT پارك ماماندارى بىلتىر بۇزىلعان كومپيۋتەرلەردى كادەگە جاراتىپ, وقۋشىلارعا تابىستاعان ەدى. جىل باسىنان بەرى ورتالىق ەرىكتىلەرى «قازگەرمۇناي» كومپانياسى ۇسىنعان جارامدى كومپيۋتەرلەردى الەۋمەتتىك تۇرمىسى تومەن 10 وتباسىنا تاراتىپ بەردى.
جاقسىلىققا جۇمىلعان جاستار 8 ناۋرىز حالىقارالىق ايەلدەر كۇنى مەرەكەسى قارساڭىندا دا جۇرت العىسىن الارلىق جاقسى ءىستىڭ باسىنان تابىلدى. ارنايى ۇيىمداستىرىلعان مارافون اياسىندا وبلىس ورتالىعىنداعى 700 وتباسىنا, قالاعا قاراستى كەنت جانە اۋىلدىق وكرۋگتەردە تۇراتىن 300 ۇيگە ازىق-ت ۇلىك جەتكىزىپ بەردى.
– جالپى ۇيىمداستىرىلىپ جاتقان قايىرىمدىلىق شارالارىنىڭ بارىندە كوپتىڭ ۇلەسى بار. جەكە ادامداردان بولەك ءتۇرلى قورلار مەن مەكەمەلەر دە قينالعانعا قول ۇشىن سوزىپ, ۇلگىلى ءۇردىس تانىتىپ وتىرعانىن ايتا كەتەيىك. مىسالى, «حالىق» قايىرىمدىلىق قورى مۇمكىندىگى شەكتەۋلى بالالار تاربيەلەپ وتىرعان مىڭ وتباسىنا ازىق-ت ۇلىكپەن كومەك كورسەتتى, – دەيدى ب.ايتبەنبەتوۆ
ءتورت جۇزدەن استام شاڭىراققا كومەك قولىن سوزعان «زەكەت» قورىنا دا ريزاشىلىق تانىتقاندار كوپ.
«قايىرىمدى ىستەر مارافونى» اياسىندا جىل باسىنان بەرى جاستار ورتالىعىنىڭ عيماراتىنداعى الەۋمەتتىك دۇكەن ارقىلى تۇرمىسى تومەن 33 وتباسىنا ازىق-ت ۇلىك, تۇرمىسقا قاجەتتى زاتتار, ءۇي جيhازدارى تاراتىلىپتى. جاقسى ىستەردى ۇيىمداستىراتىن جاستار نازارىنان وقىس وقيعا سالدارىنان قيىندىققا تاپ بولعاندار جاعدايى دا تىس قالمايدى. بيىل جىل باسىنان بەرى قالا ماڭايىنداعى ساياجايلاردا ءورت بولىپ, اياق استىنان باسپاناسىز قالعاندارعا جۇرت كومەككە جۇمىلعان ەدى.
وبلىستىق جاستار ورتالىعىنىڭ باستاماسىمەن ەرىكتىلەر مەن «ەل-اراي» قوعامدىق قورى بىرلەسە وتىرىپ, ورتتەن زارداپ شەككەن ياگودكا, سابالاق ساياجايىنىڭ تۇرعىندارىنا تۇرمىسقا قاجەتتى تاۋارلار, كيىم-كەشەك, كومپيۋتەر جيىنتىعى, مەن ىدىس-اياقتار تابىس ەتتى.
قىزىلوردا وبلىسى
