«قالادا 2020 جىلدان باستاپ ءتۇرلى باستاماشىل توپتاردىڭ ۇسىنىسىمەن, اكىمدىكتىڭ قولداۋىمەن 8 ورتالىق اشىلدى. ولار حالىقتىڭ الەۋمەتتىك وسال توپتارىمەن جۇمىس ىستەيدى. بۇل ورتالىقتار تابىستى جۇمىس ىستەپ كەلەدى. ولاردىڭ قاتارىندا «Strong Mothers» ءبىلىم بەرۋ ورتالىعى, «التىن شاڭىراق ۇياسى» كيىم تىگۋ تسەحى, «باقىتتى شاڭىراق» قىزمەت كورسەتۋ بويىنشا كوپسالالى ورتالىق جانە ت.ب. بار. بۇل جۇمىس تۇراقتى نەگىزدە جۇرگىزىلەدى», دەدى داۋرەن بابامۇراتوۆ.
قالا تۇرعىندارىنا ىڭعايلى بولۋ ءۇشىن نۇر-سۇلتاندا تۇرعىن ءۇي سالاسىندا قىزمەت كورسەتەتىن بىرىڭعاي ورتالىق جۇمىس ىستەيدى. بۇل ورتالىقتا ءتۇرلى كەڭەس الۋعا بولادى. مىسالعا تۇرعىن ءۇي كەزەگىنە تۇرۋ, تۇرعىن ءۇي كەزەگىنىڭ ءنومىرىن تەكسەرۋ, تۇرعىن ءۇي باعدارلامالارىنا كىم جانە قانداي تالاپتار بويىنشا قاتىسا الادى, تۇرعىن ءۇي سەرتيفيكاتىن قالاي الۋعا بولادى, كرەديتتىك/جالدامالى پاتەرلەر ماسەلەلەرى سەكىلدى ءتۇرلى ساۋالدارعا جاۋاپ الۋعا بولادى.
مۇنداي ورتالىقتار جۇمىستى جۇيەلەندىرۋگە جانە ء«بىر تەرەزە» قاعيداتى بويىنشا قىزمەت كورسەتۋگە مۇمكىندىك بەرەدى. 2019 جىلى «جانۇيا» وتباسى ينستيتۋتىن قولداۋ ورتالىعى اشىلدى, وندا ماماندار ازاماتتارعا الەۋمەتتىك ماسەلەلەر بويىنشا كەڭەس بەرەدى.
ونىڭ ايتۋىنشا, Open Akimat اياسىندا قالالىق اكىمدىك باستاماشىل توپتاردىڭ وكىلدەرىمەن جۇيەلى تۇردە كەزدەسۋلەر وتكىزىپ, تۋىنداعان ماسەلەلەردى تۇسىندىرەدى. سونداي-اق, باستاماشىل توپتاردى قىزىقتىراتىن زاڭناماداعى وزگەرىستەردى ءتۇسىندىرۋ ماقساتىندا پارلامەنت ءماجىلىسى دەپۋتاتتارىمەن, ۇكىمەت وكىلدەرىمەن كەزدەسۋلەر ۇيىمداستىرىلدى.
«نۇر-سۇلتان قالاسىندا ءتۇرلى باستاماشىل توپتاردىڭ ءاربىر سۇرانىسىمەن ءتيىستى, اتاۋلى, ەكپىندى جۇمىس بار. ول ىلعي ءارى تۇراقتى جۇرگىزىلەدى. بۇدان باسقا, ءاربىر ازامات قالا اكىمى التاي سەيدىر ۇلىنا تىكەلەي جۇگىنە الادى. تەك 2020 جىلدىڭ وزىندە قالا اكىمى 1200-دەن استام ازاماتتى جەكە قابىلدادى. 2021 جىلدىڭ ءبىرىنشى توقسانىندا 100-دەن استام ادام ەلوردا اكىمىنىڭ جەكە قابىلداۋىندا بولدى. ازاماتتاردىڭ ماسەلەلەرىنىڭ 70%-دان استامى سول جەردە نەمەسە ءبىر-ەكى كۇن ىشىندە شەشىلەدى. ەلوردا اكىمدىگى ءاردايىم اشىق دەپ سەنىممەن ايتا الامىز, قالا تۇرعىندارىنىڭ مۇددەلەرىن قوزعايتىن ءاربىر باستاما تىڭداۋسىز قالماي, نازارعا الىنادى», دەپ تۇيىندەدى داۋرەن بابامۇراتوۆ.
سونىمەن قاتار, ول ناۋرىز ايى ەلوردادا «قايىرىمدى ىستەر» ۇرانىمەن وتكەنىن, ونىڭ اياسىندا ەرىكتىلەر قالانىڭ مۇقتاج وتباسىلارىنا ازىق-ت ۇلىك سەبەتتەرىن جەتكىزگەنىن ەسكە سالدى.
بيىل ناۋرىز مەيرامى قايىرىمدىلىق اكتسيالارى مەن يگى ىستەر اياسىندا اتاپ ءوتىلدى. مەرەكە كۇندەرى الەۋمەتتىك از قامتىلعان, كوپبالالى جانە ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارعا ءتورت مىڭعا جۋىق ازىق-ت ۇلىك سەبەتى تاراتىلدى.
ەستەرىڭىزگە سالا كەتەيىك, سەبەتتەردى تاراتۋ اكتسياسى وسى جىلدىڭ ناۋرىز ايىندا وتكىزىلدى. وعان ءماسليحات دەپۋتاتتارى, Halyk Bank, مەتسەناتتار, كاسىپكەرلەر, ەرىكتىلەر, سونداي-اق قالانىڭ بەلسەندى تۇرعىندارى قاتىستى.
سونىمەن قاتار, ەرىكتىلەر مۇقتاج جانداردىڭ, جالعىز باستى قارت ادامداردىڭ اۋلالارىنىڭ قارىن كۇرەۋگە كومەكتەستى.
ايتا كەتۋ كەرەك, اكتسيالار قاتاڭ سانيتارلىق نورمالار مەن تالاپتاردى ساقتاي وتىرىپ وتكىزىلەدى.
