ىندەتتەن ارىلۋدىڭ جولى – ەكپە سالدىرۋ

قالانىڭ باس مەملەكەتتىك سانيتار دارىگەرى ءابدىماناپ تولەباەۆ ىندەت­تىڭ جاپپاي تارالۋىنا جول بەرمەۋ ماق­ساتىندا كارانتيندىك ءىس-شارالاردى ۇزار­تۋ تۋرالى قاۋلى قابىلدادى. «شىمكەنت قالا­سىنىڭ اۋماعىندا 2021 جىلعى 29 ناۋرىز ساعات 00:00-دەن باستاپ 2021 جىلعى 12 ءساۋىر ساعات 00:00-گە دەيىن كاران­تين جانە شەكتەۋ ءىس-شارالارى ۇزار­تىل­سىن»، دەلىنگەن قۇجاتتا. اتالعان قاۋ­لىعا سايكەس، 29 ناۋرىز بەن 12 ءساۋىر ارا­لىعىندا قالادا اس بەرۋ شارالارىن (تولتىرىلۋى 30 پايىزدان ارتىق ەمەس، بىراق 50 ادامنان ارتىق ەمەس) قوسپاعاندا ادام­داردىڭ كوپ جينالۋىنا بايلانىستى كەز كەلگەن ءىس-شارالاردى (تۋعان كۇندەر، مەرەي­تويلار، شىعارىپ سالۋ، قۇدالىق، توي، بەتاشار جانە باسقا) وتكىزۋگە تىيىم سالىنادى. 65 جاستان اسقان ادامداردىڭ قالادا ءجۇرۋى شەكتەلەدى. بۇدان بولەك، قوعامدىق ورىندارعا (ونىڭ ىشىندە قالا­لىق قوعامدىق كولىكتە ساپار شەگۋ كە­زىن­دە) جانە قىزمەتىنە رۇقسات ەتىلگەن نى­ساندارعا بارعان كەزدە، سونداي-اق اشىق اۋادا ورنالاسقان قوعامدىق ورىن­دار­­دا بولعان كەزدە (5 جاسقا دەيىنگى بالالاردى جانە اشىق اۋادا سپورتپەن شۇعىلدانۋدى قوسپاعاندا) بەتپەردە كيۋ، الەۋمەتتىك قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تا­لاپ­تار قاتاڭ ساقتالۋى قاجەت.

شىمكەنتتە ينفەكتسيالىق ستاتسيونارلاردا توسەكتىك ورىن جەتكىلىكتى. قازىر ستاتسيونارلارداعى 560 ورىننىڭ 249-ى بوس، ال كارانتيندىك ستاتسيونارلارداعى توسەكتىك ورىندار تۇگەلدەي بوس دەۋگە بولادى. بۇگىنگە دەيىن شاھاردا 305 046 پتر زەرتحانالىق زەرتتەۋ جۇرگىزىلگەن. ونىڭ ىشىندە ءبىر كۇندە 1 963 پتر الىنعان. سونداي-اق قالا اۋماعىندا سا­نيتارلىق-ەپيدەميالىق تالاپتاردىڭ ساقتالۋىنا مونيتورينگ جۇرگىزەتىن 22 موبيلدىك توپ جۇمىس ىستەۋدە. ولار وتكەن تاۋلىكتە 240 نىسانعا تەكسەرۋ جۇ­مىس­تارىن جۇرگىزدى. ناتيجەسىندە، 17 نى­سان­دا كارانتين رەجىمىنىڭ تالاپتارى بۇ­زىلعانى انىقتالىپ، اكىمشىلىك حاتتامالار تولتىرىلعان. بۇگىندە ىندەتتەن قورعانۋدىڭ وڭتايلى جولى – ۆاكتسينا سالدىرۋ مەن بەتپەردە رەجىمىن ساقتاۋ. تۇرعىندار ءجيى شوعىرلانعان ورىنداردا بەتپەردە تاعىپ ءجۇرۋدى جۇرت نا­زارىنا سالعان قالالىق جاستار رە­سۋرس­تىق ورتالىعىنىڭ ەرىكتىلەرىنەن قۇ­رال­عان توپ كوروناۆيرۋستىڭ الدىن الۋ ءۇشىن بەتپەردە تاراتۋدى قولعا العان. ولار قىسقا ۋاقىتتىڭ ىشىندە 5 مىڭ دانا مەديتسينالىق بەتپەردە تاراتىپ، ءتۇسىندىرۋ جۇمىستارىن جۇرگىزدى. اتال­عان شارا اياسىندا قالانىڭ توتەنشە جاع­دايلار دەپارتامەنتى جانە پوليتسيا دەپارتامەنتىنىڭ قىزمەتكەرلەرى بازار ما­ڭىنداعى تۇرعىندار مەن ساتۋشىلارعا، قوعامدىق كولىك يەلەرىنە كارانتين تالاپتارىن ءتۇسىندىردى. سونداي-اق قوعامدىق ورىنداردا بەتپەردە تاعۋ قاۋىپتىڭ الدىن الۋدىڭ العىشارتى ەكەنىن ەسكە سالدى.

ىندەتتى جەڭۋ ءۇشىن ۇجىمدىق يممۋنيتەت قالىپتاستىرۋ قاجەت. بۇل ءۇشىن ەل تۇر­عىندارى جاپپاي ۆاكتسينا سالدىرۋى كەرەك. وسى ماقساتتا شىمكەنتتە 7 مىڭ­عا جۋىق ادامعا ەرىكتى تۇردە ۆاكتسينا سالىندى. ونىڭ ىشىندە 4 301-ءى مەديتسينا قىزمەتكەرلەرى بولسا، 2101-ءى – پەداگوگتەر. ال 161-ءى پوليتسيا قىز­مەتكەرلەرى مەن 299-ى – باسقا دا ساناتتاعى ازاماتتار. ينفەكتسياعا قار­سى ۆاكتسينالاۋ جۇمىستارى 21 ەمدەۋ مەكە­مە­سىن­دە جۇرگىزىلۋدە. بۇعان قوسا ناۋ­رىز ايى­نىڭ سوڭىنا دەيىن قوسىمشا 10 باس­تاپقى مەديتسينالىق-سانيتارلىق ال­عاش­قى كومەك ۇيىمدارىندا ۆاكتسينالاۋ ءۇشىن ارنايى كابينەتتەر اشىلماق. سا­نيتارلىق-ەپيدەميولوگيالىق با­قى­لاۋ دەپارتامەنتى دەنساۋلىق ساقتاۋ باسقارماسىمەن بىرلەسىپ، بمسك ۇيىم­دا­رىنىڭ 450 مەديتسينا قىز­مەت­كە­رىنە ۆاكتسينالاۋ ماسەلەلەرى بويىنشا ترەنينگ سەمينارلار وتكىزدى. بۇدان بولەك، تۇرعىندار اراسىندا اقپاراتتىق ءتۇسىندىرۋ جۇمىستارىن جۇرگىزۋ بويىنشا ءتيىستى ءىس-شارالار جوسپارلى تۇردە جۇر­گىزىلۋدە. ۆاكتسينالاۋعا پرو­في­لاك­­تيكالىق ەگۋگە قارسى كورسەت­كىش­تەرى جوق ادامدار جىبەرىلەدى. ۆاك­تسي­نا­لاۋ ال­دىندا دارىگەر ەگۋگە كەلگەن ادامدى مىندەتتى تۇردە تەكسەرۋدەن وتكى­زە­دى. قالادا مەديتسينا ماماندارى ەندى دە­مالىسسىز ينفەكتسياعا قارسى ەگۋ جۇ­مىس­تارىن جۇرگىزەدى. وتكەن سەنبى مەن جەكسەنبى كۇندەرى باستاپقى ساني­تا­ريالىق مەديتسينالىق كومەك كورسەتۋ ۇيىم­دارىنداعى ماماندار ءوز ەركىمەن كە­لى­سىم بەرگەن ازاماتتارعا كوۆيدكە قار­­­سى ەكپە سالدى. بۇگىنگە دەيىن 7 181 ازا­­­ماتقا كوۆيدكە قارسى ۆاكتسينا سا­لىن­­عان. ەكپە العانداردىڭ 70 پايىزدان استامى – مەديتسينا ماماندارى. ال باسقالارى – مۇعالىمدەر مەن قۇقىق قورعاۋ ورگاندارىنىڭ قىزمەتكەرلەرى. ەكپە سالۋ ءتۇرلى سانات بويىنشا كەزەگىمەن جۇر­گىزىلۋدە. ۆاكتسينالاۋ جۇمىستارى قا­لا­داعى 26 ەمدەۋ مەكەمەسىندە جۇر­گىزىلۋدە. قوسىمشا 10 باستاپقى مەدي­تسي­نالىق-سانيتارلىق العاشقى كومەك ۇيىم­دارىندا ارنايى كابينەتتەر دا­يىن­دالدى.

ۆاكتسينا سالدىرۋ – كوروناۆيرۋس اۋرۋى­نىڭ تارالۋىن بولدىرماۋدىڭ بىر­دەن-ءبىر جولى.

شىمكەنت