پاندەميا باستالعالى بەرى كوپتەگەن سالا ماماندارى, قاراپايىم ازاماتتار كوروناۆيرۋس ينفەكتسياسىنىڭ تۇراقتانۋى ءۇشىن ءبارىن جاساپ جاتىر. ەل پرەزيدەنتىنىڭ تاپسىرماسى بويىنشا ءار سالانىڭ ماماندارىن ەستەلىك مەدالدارمەن اتاپ ءوتۋ تۋرالى شەشىم قابىلداندى. ماراپاتتاۋ راسىمىنە دارىگەرلەر, پەداگوگتار, جۋرناليستەر, قوعام بەلسەندىلەرى قاتىستى.
«مەملەكەت باسشىسى قاسىم-جومارت توقاەۆتىڭ اتىنان «حالىق العىسى» مەدالىمەن ماراپاتتالعاندارىڭىزبەن قۇتتىقتايمىن. پاندەميا كەزەڭىندە ۇلكەن جۇمىس جۇرگىزىلدى. ول ءالى دە جالعاسىپ جاتىر. قاۋىپتى ينفەكتسيامەن قازىر دە كۇرەسىپ ءجۇرمىز. مۇعالىمدەرگە, دارىگەرلەرگە, جۋرناليستەرگە, قوعام قايراتكەرلەرىنە, بەلسەندىلەرگە, ەرىكتىلەرگە ۇلكەن العىسىمدى بىلدىرگىم كەلەدى. ولاردىڭ ءبارى قالامىزدىڭ, ەلىمىزدىڭ يگىلىگى ءۇشىن جۇمىس ىستەپ ءجۇر. سوندىقتان ءبىز ۇيىم جەتەكشىلەرىمەن بىرلەسىپ, سىزدەردى قۇرمەت بەلگىلەرىمەن ماراپاتتاۋ تۋرالى ۇسىنىس جاسادىق. قالا باسشىلىعىنىڭ اتىنان جۇمىستارىڭىزعا تابىس, ساتتىلىك, مىقتى دەنساۋلىق جانە باستارىڭىزعا اماندىق تىلەيمىن. پاندەميا باستالعالى بەرى ەڭ ماڭىزدى تىلەك – دەنساۋلىق بولىپ وتىر جانە سولاي بولىپ قالا بەرەدى», دەپ اتاپ ءوتتى باقتيار ماكەن قۇتتىقتاۋ سوزىندە.
