بيىل بەلگىلى قوعام قايراتكەرى, اكادەميك سالىق زيمان ۇلىنىڭ تۋعانىنا 100 جىل تولدى.
وسىعان وراي وبلىستىق سوتتىڭ توراعاسى باۋىرجان جۇماعۇلوۆ ءوڭىر باسشىلىعىنا اتىراۋ قالاسىنداعى كوشە مەن مەكتەپتىڭ بىرىنە عالىمنىڭ ەسىمىن بەرۋ تۋرالى ۇسىنىس تۇسىرگەن ەدى.
«جاقىندا وبلىستىق ءماسليحاتتىڭ دەپۋتاتتارى كەزەكتى سەسسيادا وبلىستىق سوت توراعاسىنىڭ ۇسىنىسىنا قولداۋ ءبىلدىردى. اتىراۋ قالاسىنداعى №37 ورتا مەكتەپكە سالىق زيمانوۆتىڭ ەسىمىن بەرۋ تۋرالى شەشىم قابىلدانىپ, رەسپۋبليكالىق ونوماستيكالىق كوميسسياعا ۇسىنىس جىبەرىلدى. ەندى عالىمنىڭ ەسىمىن كوشەگە بەرۋ ماسەلەسى دە ءوز شەشىمىن تاباتىن بولادى» دەپ حابارلادى وبلىستىق سوتتىڭ ءباسپاسوز حاتشىسى بورانباي عاليەۆ.
