قازاقستان • 19 ناۋرىز، 2021

14 مىڭنان استام شەتەلدىك ازامات قازاقستاندا جۇمىس ىستەپ ءجۇر

90 رەت كورسەتىلدى

2021 جىلعى 1 ناۋرىزداعى جاعداي بويىنشا 14 086 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋدا.

شەتەلدىك جۇمىس كۇشىن (بۇدان ءارى – شجك) تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 637 (باسشىلار جانە ولاردىڭ ورىنباسارلارى)، ەكىنشى سانات – 3 214 (قۇرىلىمدىق بولىمشەلەردىڭ باسشىلارى). تارتىلعان شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 236 ادام جانە 590 ادام. سونداي-اق ماۋسىمدىق جۇمىستارعا – 689 ادام، ال كورپوراتيۆتىك اۋىستىرۋ شەڭبەرىندە – 1 720 ادام تارتىلعان.

قازىرگى ۋاقىتتا قازاقستاندا شجك پايدالاناتىن 1 762 جۇمىس بەرۋشى بار. ولاردا شامامەن 487 مىڭ قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 97%-ىن قۇرايدى.

ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3 613 ادام، تۇركيا – 1 484 ادام، ءۇندىستان – 1 106 ادام، ۆەنگريا – 1002 ادام، وزبەكستان – 654 ادام.

ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇرادى.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار