عالىمداردىڭ ايتۋىنشا, 1990 جىلدارى ماكەن تۇراعۇلقىزى الماعايىپ زاماندا شەيىت كەتكەن اكەسىنىڭ اتى وشپەسىن ءھام تاريحتا ماڭگى قالسىن دەگەن نيەتپەن «مەموريالدى تاقتا» جاساتقان. ءبىر ەرەكشەلىگى – ول مەموريالدى تاقتادا تەك تۇراعۇلدىڭ عانا ەمەس, ابايدىڭ وزگە دە ۇرپاقتارىنىڭ قاي جىلى, قاي جەردە جەرلەنگەندىگى تۋرالى اقپارات بەرىلگەن.
سونداي-اق, اتالعان تاستۇعىرعا حاكىم ابايدىڭ:
«جاس قارتايماق, جوق تۋماق, تۋعان ولمەك,
تاعدىر جوق وتكەن ءومىر قايتا كەلمەك.
باسقان ءىز, كورگەن قىزىق ارتتا قالماق,
ءبىر قۇدايدان باسقانىڭ ءبارى وزگەرمەك», دەگەن ءبىر شۋماق دەگەن ءبىر شۋماق ولەڭىمەن قوسا: «اباي قۇنانباەۆتىڭ شىمكەنت قالاسىندا جەرلەنگەن ءۇرىم-بۇتاعى» دەلىنىپ, 4 ادامنىڭ ەسىمى مەن قاي جىلى, قاي جەردە جەرلەنگەندەرى كورسەتىلگەن. ولار:
«تۇراعۇل اباي ۇلى – ايگەرىمنەن تۋعان. 1934 ج. حفز ايماعى;
كەلىندەرى: دامەجان – ميكايلدىڭ ايەلى. 1960 ج. شۇقىرساي,
كاماليا – اۋباكىردىڭ ايەلى. 1962 ج. قاسقا زيراتى;
نەمەرەسى: اۋباكىر – اقىلبايدىڭ ۇلى. 1933 ج. كوكساي
تۋراگۋل ابايۋلى – سىن ايگەريم. 1934 گ. ر-ن حفز.
جەنى سىنوۆەي: دامەجان – جەنا ميكايلا. 1960 گ. شۋكىرساي.
كاماليا – جەنا اۋباكيرا. 1962گ. ك-شە كاسكا.
ۆنۋك: اۋباكير – سىن اكىلبايا. 1933 گ. كوكساي». تاستۇعىرداعى بۇل ماتىندەر قازاق-ورىس تىلدەرىندە بەرىلگەن.
بۇل جادىگەر سول جىلداردان بەرى «حيمفارم» اكتسيونەرلىك قوعامىنىڭ ارنايى بولىمىندە ساقتالعان. ال تاۋەلسىزدىكتىڭ 30 جىلدىق مەرەيلى مەرەكەسىنە وراي كومپانيا باسشىلىعى قۇندى دۇنيەنى «مۇحتارتانۋ» عىلىمي ورتالىعىنا تابىس ەتۋدى ءجون دەپ تاپقان.
عالىمداردىڭ سوزىنە سۇيەنسەك, بۇل تاستۇعىر وسى كۇنگە دەيىن ايتىلىپ جۇرگەن: «تۋراعۇلدىڭ سۇيەگى شىمكەنتتەگى قورعاسىن زاۋىتىنىڭ استىندا قالىپ قويدى», - دەگەن پىكىردى تۇبەگەيلى تەرىسكە شىعارادى. ويتكەنى اتالمىش زاۋىت 1882 جىلدارى سالىنعان, ال تۇراعۇل يبراhيم ۇلى 1934 جىلى قايتىس بولعانى بەلگىلى.
ايتا كەتەرلىگى, تابىلعان جادىگەر مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىءنىڭ «مۇحتارتانۋ» عىلىمي ورتالىعىنىڭ مۇراجايىنا قويىلدى. ورتالىق قىزمەتكەرلەرى قۇندى دۇنيەگە بايلانىستى زەرتتەۋ جۇمىستارىن جۇرگىزىپ جاتىر.
شىمكەنت
