كونكۋرس «جالپىعا ورتاق ەڭبەك قوعامى» ۇرانىمەن ەڭبەك ادامىنىڭ قوعامداعى بەدەلىن ارتتىرۋعا جانە ءونىمدى ەڭبەكتى ىنتالاندىرۋعا ىقپال ەتەدى.
كەز-كەلگەن كاسىپورىننىڭ (سالاسىنا قاراماستان) بارلىق قىزمەتكەرى كونكۋرسقا قاتىسا الادى. كونكۋرس 3 نوميناتسيادان تۇرادى:
1) «ۇزدىك ەڭبەك اۋلەتى» – ەڭبەك ءوتىلى ەڭ ۇزاق, ماراپاتتارى ەڭ كوپ اۋلەت تاڭدالادى;
2) ء«وندىرىستىڭ ۇزدىك جاس مامانى» – جۇمىس ءوتىلى 5 جىلدان اسپايتىن, ەڭ بەلسەندى جانە ەڭبەكقور ءوندىرىس قىزمەتكەرى تاڭدالادى;
3) «جۇمىس ىستەيتىن جاستاردىڭ ۇزدىك تالىمگەرى» – جۇمىس ءوتىلى كەمىندە 20 جىل, جوعارى ءتيىمدى جۇمىس ىستەيتىن تالىمگەر تاڭدالادى.
كونكۋرس وبلىستىق جانە رەسپۋبليكالىق كەزەڭنەن تۇرادى.
كونكۋرسقا قاتىسۋ ءۇشىن مىناداي قۇجاتتار ۇسىنىلادى:
1) نوميناتسيا كورسەتىلگەن, ەركىن نىسانداعى كونكۋرسقا قاتىسۋ تۋرالى ءوتىنىم;
2) جەكە كۋالىكتىڭ كوشىرمەسى;
3) نوميناتسيا تاقىرىبى بويىنشا 1-2 مينۋتتان اسپايتىن بەينەروليك (قالاۋى بويىنشا جۇمىس ورنى جانە داعدىلارى كورسەتىلگەن);
4) كونكۋرسانت تۋرالى (جۇمىسى, وتباسى, قىزىعاتىن ءىسى, ءحوببيى جانە ت.ب., 1 مينۋتتان اسپايتىن كومپيۋتەرلىك پرەزەنتاتسيا (Microsoft Power Point فورماتىندا);
5) ەڭبەك اۋلەتىنىڭ ءار وكىلىنىڭ نەمەسە قىزمەتكەردىڭ جۇمىس ءوتىلىن راستايتىن, جۇمىس بەرۋشى كۋالاندىرعان ەڭبەك كىتاپشاسىنىڭ جانە وزگە دە قۇجاتتاردىڭ كوشىرمەلەرى/جۇمىس ورنىنان انىقتاما;
6) جۇمىس بەرۋشى نەمەسە كاسىپوداق بەرگەن ۇسىنىمدىق حات.
بار بولسا (مىناداي قۇجاتتاردىڭ كوشىرمەلەرى):
* مەملەكەتتىك نەمەسە ۆەدومستۆولىق ناگرادالاردىڭ, ماداقتاۋ قاعازدارىنىڭ, العىس حاتتاردىڭ كوشىرمەلەرى;
* بىلىكتىلىكتى ارتتىرۋ تۋرالى كۋالىكتەر (بار بولسا).
كونكۋرسقا قۇجاتتار مەملەكەتتىك نەمەسە ورىس تىلىندە ۇسىنىلادى.
وتىنىمدەردى قابىلداۋ 2021 جىلدىڭ 16 ناۋرىزىنان باستاپ 1 شىلدەسىنە دەيىن جالعاسادى.
كونكۋرس جونىندە تولىق اقپاراتتى 70-32-79, 8-705-414-80-27 («نۇر-سۇلتان قالاسىنىڭ قالالىق ورتا ساپاسى جانە باقىلاۋ باسقارماسى» مم) تەلەفونى ارقىلى الۋعا بولادى.
مەكەن-جاي: نۇر-سۇلتان قالاسى, دوستىق كوشەسى 13 ءۇي, 2-قابات, 217 كەڭسە, ەڭبەك قاتىناستارىن باقىلاۋ ءبولىمى, ەل.پوشتا: l.babieva@astana.kz.
