باس ءمۇفتي ءال-ازھار شەيحىنا قازاقستانعا بولىنەتىن ءبىلىم گرانتى سانىن ەكى ەسەگە كوبەيتۋدى ۇسىندى. سونىمەن قاتار قازاقستاندا سالىناتىن يسلام اكادەمياسىن, يسلام جانە تەولوگيا كىتاپحاناسىن كلاسسيكالىق ءدىني كىتاپتارمەن قامتاماسىز ەتۋدىڭ ماڭىزدىلىعىن جەتكىزدى.
ءال-ازھار ۋنيۆەرسيتەتىنىڭ شەيحى بۇل ۇسىنىستى قولدايتىنىن, قازاقستان ءۇشىن بولىنەتىن ءبىلىم گرانتى ەكى ەسەگە ۇلعاياتىنىن مالىمدەدى. سونىمەن قاتار, يسلام اكادەمياسى مەن يسلام جانە تەولوگيا كىتاپحاناسىنا قاجەتتى كلاسسيكالىق باعىتتاعى كىتاپتاردى جەتكىزىپ بەرۋگە ۋادە ەتتى. ناۋرىزباي قاجى تاعان ۇلى ءال-ازھار ۋنيۆەرسيتەتىنىڭ شەيحى, باس يمام احمەت تايىپقا ايرىقشا العىس ءبىلدىرىپ, يگى نيەتىن جەتكىزدى.
ايتا كەتسەك, قازاقستان مۇسىلماندارى ءدىني باسقارماسى مەن ءال-ازھار ۋنيۆەرسيتەتى اراسىندا جاسالعان كەلىسىم بويىنشا جىل سايىن قازاقستاندىق يمامدار ءۇشىن 25 ءبىلىم گرانتى بولىنەتىن. ەندى جىل سايىن 50 يمام ءال-ازھار ۋنيۆەرسيتەتىندە ءبىلىمىن جەتىلدىرمەك.
