حيميا-بيولوگيا باعىتىندا شاكىرت تاربيەلەيتىن وقۋ ورداسى ءباسپاسوز قىزمەتىنىڭ اقپاراتىنا قاراعاندا, مەكتەپ وقۋشىسى نيۋ-يورك شتاتىندا ورنالاسقان كورنەلل ۋنيۆەرسيتەتىن تاڭداپ وتىر.
– بۇل – الەمدەگى ەڭ ءىرى ءارى بەدەلدى ۋنيۆەرسيتەتتىڭ ءبىرى. سەگىز جەكەمەنشىك ۋنيۆەرسيتەتتەن قۇرالعان ايگىلى «شىرماۋىقتار ليگاسىنا» كىرەدى. سول سەبەپتەن, وسى وقۋ ورداسىنان تاماق ونەركاسىبى سالاسىندا جوعارى ءبىلىم الۋدى كوزدەدىم, – دەيدى باقىت وتەۋليەۆا.
وقۋشىنىڭ ايتۋىنشا, جوعارى وقۋ ورنىن تاڭداۋىنا بىرنەشە سەبەپ بار. ءبىرىنشىسى – وقۋ ورنى ۇسىناتىن باعدارلامالار مەن مۇمكىندىكتەر. ەكىنشىسى – بولاشاق ماماندىعىنا قاتىستى وقىتۋ ءادىسى.
– ويتكەنى, ماعان تەك ساپالى ءبىلىم عانا ەمەس, تۇلعا رەتىندە دە قالىپتاسۋ كەرەك. سونداي-اق ءوز قابىلەتىمدى جەتىلدىرىپ, كەيىن جۇمىسقا ورنالاسۋدىڭ ماڭىزى زور. وسى تۇرعىدان ايتقاندا, كورنەلل ۋنيۆەرسيتەتى تاعام ونەركاسىبى سالاسىنا بىلىكتى ماماندار دايارلايتىن ۇزدىك وقۋ ورنىنىڭ ءبىرى سانالىپ وتىر. بۇل ۋنيۆەرسيتەتتە ستۋدەنتتەردىڭ ءوز الەۋەتىن تولىق جەتىلدىرۋىنە جاقسى جاعداي جاسالعان, – دەيدى بيىل مەكتەپ بىتىرەتىن وقۋشى.
اتىراۋ وبلىسى
