ايماقتار • 15 ناۋرىز، 2021

جامبىلدا 71 پايىز سۋ قۇبىرلارى، 43 پايىز كارىز جەلىلەرى توزعان

13 رەت كورسەتىلدى

جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى «جامبىل سۋ» مەكەمەسىنە باردى. اتالعان مەكەمەنىڭ ديرەكتورى مارات سمايىلوۆتىڭ ەسەبىن تىڭداپ، ودان كوپتەگەن تۇيتكىلدى ماسەلەلەر بويىنشا ساۋالدارعا جاۋاپ بەرۋىن تالاپ ەتتى، دەپ حابارلايدى Egemen.kz.

بۇگىندە كاسىپورىن 101 مىڭنان استام ابونەنتكە قىزمەت كورسەتەدى. مەكەمەگە 649 شاقىرىم سۋ قۇبىرى، 249 شاقىرىم كارىز جۇيەسى جانە 97 ۇڭعىما قارايدى. تەڭگەرىمىندە 75 اۆتوكولىگى بار. جىلدىق اينالىمى 1،8 ميلليارد تەڭگە. قازىرگى كەزدە كاسىپورىن ەۋروپالىق قايتا قۇرۋ جانە دامۋ بانكىمەن بىرلەسىپ، وبلىس ورتالىعىنىڭ سۋمەن جابدىقتاۋ جەلىلەرىن جاڭعىرتۋ بويىنشا ءبىر ميلليارد تەڭگەنىڭ اۋقىمدى جوباسىن جۇزەگە اسىرۋدا. بىراق بارلىق مونوپوليستەر سياقتى، اتالعان سۋ كومپانياسى دا تاريفتەردىڭ تومەندىگىنە شاعىمدانادى. كومپانيا وتكەن جىلدى 283،7 ميلليون تەڭگە شىعىنمەن قورىتىندىلاعان. الدىڭعى جىلى دا وسىنداي جاعداي ورىن العان. كوروناۆيرۋس ىندەتىنە بايلانىستى ەنگىزىلگەن توتەنشە جاعداي جانە كارانتيندىك شارالار دا ءوز اسەرىن تيگىزگەن. شىعىنداردى وتەۋ مەن  ەۋروپالىق قايتا قۇرۋ جانە دامۋ بانكىنىڭ الدىنداعى مىندەتتەمەلەردى ورىنداۋ ءۇشىن وبلىستىق بيۋدجەتتەن 223 ميلليون تەڭگە بولىنسە، اعىمداعى جىلى تاعى 209 ميلليون تەڭگە تۇسەدى. سۋ قۇبىرلارىنىڭ توزۋى 71 پايىز، كارىز جەلىلەرىنىڭ توزۋى 43 پايىزدى قۇرايدى. كاسىپورىندا 609 ادام جۇمىس ىستەيتىن بولسا، ولاردىڭ ورتاشا جالاقى كورسەتكىشتەرى 121،4 مىڭ تەڭگە كولەمىندە. الايدا، بەردىبەك ساپارباەۆ اتالعان كاسىپورىننىڭ جۇمىسىنا كوڭىلى تولمايتىنىن ايتتى. تۇتىنۋشىلاردىڭ سۋ شىعىنىن، كاسىپورىننىڭ ءوز قارجىسىن ەسەپكە الۋ جانە باقىلاۋ جۇمىستارى وڭ جولعا قويىلماعان. «جامبىل سۋ» ۇنەمى بيۋدجەت قارجىسىنا يەك ارتپاي، قوسىمشا قارجىلاندىرۋ كوزدەرىن ىزدەستىرۋ كەرەكتىگى دە ءسوز بولدى. بەردىبەك ساپارباەۆ ءوزىنىڭ ورىنباسارى ۇلان جازىلبەككە جۇمىس توبىن قۇرىپ، ەكى اپتا ىشىندە  ەۋروپالىق قايتا قۇرۋ جانە دامۋ بانكى قاراجاتىنىڭ ءتيىمدى جۇمسالۋىن ەگجەي-تەگجەيلى زەردەلەۋ تاپسىردى. ناتيجەسى بويىنشا ءتيىستى شارالار قابىلداناتىن بولادى.

سونىمەن قاتار، جالپىۇيلىك جانە جەكە ەسەپتەۋ قۇرالدارىن ورناتۋ جايى دا ءسوز بولدى. مۇنداي قوندىرعىمەن بارلىق ۇيلەر مەن پاتەرلەر تۇگەلدەي قامتىلماعان. سونىڭ سالدارىنان جىل سايىنعى سۋدىڭ شىعىن مولشەرى 24 ميلليون تەكشە مەترگە دەيىن جەتۋدە. شتات سانى بويىنشا دا سۇراقتار تۋىندادى. ميلليون حالقى بار شىمكەنت قالاسىنداعى وسىنداي كاسىپورىندا 790 ادام قىزمەت ەتەدى ەكەن. «اكىمشىلىك-باسقارۋشىلىق اپپاراتتا 50 شاقتى قىزمەتكەر جۇمىس ىستەيدى. ال، ديرەكتوردىڭ ءتورت ورىنباسارى بار. بۇل تىم كوپ ەمەس پە؟ سونىمەن قاتار، كارىز قالدىقتارىمەن جۇمىس ىستەۋگە تۋرا كەلەتىن قاراپايىم جۇمىسشىلاردىڭ جالاقىسى ءۇش مىڭ تەڭگەگە عانا وسكەن. بۇل رەتتە ينفلياتسيا مەن باسقا دا سەبەپتەردى ەسكەرە وتىرىپ، جالاقى جىل سايىن كەمىندە 10 پايىزعا ءوسۋى ءتيىس. سىزدەر تاريفتەر تومەن دەپ ايتاسىزدار. بىراق باسقا كاسىپورىندار دا وسىنداي جاعدايدا جۇمىس ىستەۋدە، سوعان سايكەس قوسىمشا رەزەرۆتەر ىزدەۋگە تىرىسادى. پاندەميا كەزىندە سۋ مەن باسقا دا كوممۋنالدىق قىزمەتتەردىڭ قىمباتتاۋى تۋرالى ماسەلە تۋىنداۋى مۇمكىن ەمەس. سونىمەن قاتار، ءار پاتەردە ەسەپتەگىش قۇرالدارى بولۋى ءتيىس بۇگىنگىدەي كەزدە 70 كونتروللەر ۇستاۋ اسا كوپ ەمەس پە؟ ولارعا جۇمسالعان قارجىنى ءتيىمدى پايدالانا وتىرىپ، باسقا باعىتتا قولدانعان دۇرىس شىعار. ماسەلەن، سول جالپىۇيلىك جانە جەكە سۋ ەسەپتەگىشتەرىنىڭ كەڭىنەن ورناتىلۋىنا باقىلاۋدى جۇزەگە اسىرۋ كەرەك»، دەدى اكىم. سونداي-اق، بەردىبەك ساپارباەۆ اپاتتىق جاعدايلار ءجيى ورىن الاتىن قاراۋسىز جەلىلەردى تەڭگەرىمگە الۋعا كوڭىل ءبولدى. يەسى جوق بولعاندىقتان، ولار باقىلاۋسىز قالۋدا. سونىمەن قاتار، وبلىس اكىمى كاسىپورىنداعى باقىلاۋ مەن ەسەپ جۇرگىزۋ جۇمىستارىنىڭ السىزدىگىن دە اتاپ ءوتتى. سۋ قۇبىرلارىن اۋىستىرۋدىڭ ورتا مەرزىمدى جوسپارىن جاساۋدى، قاراۋسىز سۋ قۇبىرلارىنىڭ يەلەرىن انىقتاۋدى تاپسىردى. قاجەت بولعان جاعدايدا، ءتيىستى باسشىلارعا ماسەلەنى سوت ارقىلى شەشۋدى جۇكتەدى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار