جيىن بارىسىندا بەلگىلى بولعانىنداي بانكنوتتاردى, ونىڭ ىشىندە 2006 جىلعى ۇلگىدەگى بانكنوتتاردى ايىرباستاۋدىڭ مەرزىمسىز كەزەڭىن ەنگىزۋ تۋرالى شەشىم قابىلدانىپتى. مۇنداي تاجىريبەنى ەنگىزۋ جۇمىستارى وتكەن جىلدىڭ سوڭىندا باستالعان.
كورسەتىلگەن مەرزىمنەن كەيىن ەكىنشى دەڭگەيدەگى بانكتەر ءۇشىن ەسكى ۇلگىدەگى اقشا بەلگىلەرىن جاڭا ۇلگىدەگى اقشا بەلگىلەرىنە ايىرباستاۋ كەزەڭى 3 جىل ىشىندە, ال قرۇب فيليالدارى ءۇشىن مەرزىمسىز كەزەڭ بەلگىلەنەدى.
بانكنوتتاردى مەرزىمسىز ايىرباستاۋ بويىنشا قوسىمشا اقپارات ۇلتتىق بانكتىڭ اكتىلەرىنە ءتيىستى وزگەرىستەر ەنگىزىلگەن سوڭ ۇلتتىق بانكتىڭ رەسمي سايتىندا جانە بۇقارالىق اقپارات قۇرالدارىندا ورنالاستىرىلادى.
ەل ازاماتتارى بانكنوتتاردى ۇلتتىق بانكتىڭ اكتىلەرىنە ءتيىستى وزگەرىستەر ەنگىزىلگەن سوڭ ۇلتتىق بانكتىڭ فيليالدارىندا ۇلتتىق ۆاليۋتانىڭ قولدانىستاعى اقشا بەلگىلەرىنە ايىرباستاي الادى.
بانكنوتتاردىڭ ايىرباستالۋىن جاڭارتۋ جونىندەگى اقپارات ۇلتتىق بانكتىڭ رەسمي سايتىندا جانە بۇقارالىق اقپارات قۇرالدارى ارقىلى حابارلانادى. سونداي-اق ۇلتتىق بانك بانكنوتتاردى اينالىمنان الۋ تۋرالى شەشىمدى نە سەبەپتى قابىلداعانىن دا ءتۇسىندىرىپ بەردى.
ۇلتتىق بانكتىڭ نەگىزگى مىندەتتەرىنىڭ ءبىرى – ۇلتتىق ۆاليۋتانىڭ اقشا بەلگىلەرىن قولدان جاساۋدان قورعاۋ بولىپ تابىلادى. تەحنولوگيالىق پروگرەستىڭ ۇدەي تۇسۋىنە وراي حالىققا اجىراتۋ قيىنعا تۇسەتىن جالعان اقشا بەلگىلەرىنىڭ پايدا بولۋ ىقتيمالدىعى ارتادى.
وسىعان بايلانىستى ۇلتتىق بانك ۇلتتىق ۆاليۋتانىڭ اقشا بەلگىلەرىنىڭ قورعانىش قاسيەتتەرىن كۇشەيتۋ جۇمىسىن جۇرگىزەدى جانە قولدان جاساۋدان بارىنشا قورعالعان بانكنوتتاردى شىعارادى.
