ەڭبەك جانە حالىقتى الەۋمەتتىك قورعاۋ ءمينيسترى مەن ءوڭىر اكىمدەرىنىڭ ورىنباسارلارى وسى باعىتتاعى اتقارىلىپ جاتقان شارالار بويىنشا ەسەپ بەردى. وتىرىس بارىسىندا ۆيتسە-پرەمەر پاندەميا كەزىندە ەڭ الدىمەن جۇمىس ورىندارىنىڭ ساقتالۋى, جالاقىنىڭ ۋاقتىلى تولەنۋىن قامتاماسىز ەتۋ ماسەلەلەرىنە باسىمدىق بەرىلىپ وتىرعانىن اتاپ ءوتتى. وسى ورايدا ە.توعجانوۆ جۇمىس بەرۋشىلەر مەن قىزمەتكەرلەردىڭ مۇددەلەرىن قورعايتىن كاسىپوداقتاردىڭ باعا جەتپەس ۇلەسىن اتاپ ءوتتى. قورىتىندىلاي كەلە ورتالىق مەملەكەتتىك جانە جەرگىلىكتى اتقارۋشى ورگاندارعا بىرقاتار تاپسىرما بەردى, اتاپ ايتقاندا, شتاتتاردى جانە ەڭبەكاقى تولەۋ شارتتارىن وڭتايلاندىرۋ بويىنشا قازاقستاننىڭ جۇمىس بەرۋشىلەرى ىسكە اسىراتىن شارالارعا كەشەندى تالداۋ جاساۋ; ەڭبەكاقى تولەۋدىڭ بىرىڭعاي ستاندارتتارىن ەنگىزۋ ماسەلەسىن پىسىقتاۋ; سالالىق ۇشجاقتى كوميسسيالاردىڭ جۇمىسىن جانداندىرۋ.
بۇدان بولەك, وتىرىس اياسىندا ەل ۇكىمەتى, جۇمىس بەرۋشىلەردىڭ رەسپۋبليكالىق بىرلەستىكتەرى مەن كاسىپوداقتاردىڭ رەسپۋبليكالىق بىرلەستىكتەرى اراسىندا 2021-2023 جىلدارعا ارنالعان باس كەلىسىمگە قول قويىلدى. جاڭا باس كەلىسىمدە قويىلعان مىندەتتەر قىزمەتكەرلەردىڭ جۇمىس ىستەۋىنە قولايلى جاعداي جاساپ, قاۋىپسىزدىگىن قامتاماسىز ەتۋدى كوزدەيدى.
