ەربول ءۋالي ۇلى تولەۋوۆ قاراعاندى پوليتەحنيكالىق ينستيتۋتىن (1993), قازتۇتىنۋوداعى قاراعاندى ەكونوميكالىق ۋنيۆەرسيتەتىن (2004), رف پرەزيدەنتى جانىنداعى رەسەي مەملەكەتتىك قىزمەت اكادەمياسىن (2008) «ينجەنەر-مەحانيك», «ەكونوميست, قارجى مەنەدجمەنتى», «مەنەدجەر» ماماندىقتارى بويىنشا بىتىرگەن. 1987-1989 جىلدارى كەڭەس اسكەرى قاتارىندا بورىشىن وتەدى.
ەڭبەك جولىن قاراعاندى وبلىسىنىڭ «قىرعىزستان» كەڭشارىندا جۇمىسشى بولىپ باستادى. جوعارى وقۋ ورنىن اياقتاعاننان كەيىن جەكەمەنشىك قۇرىلىمداردا جۇمىس ىستەدى. 2007 جىلى «قر ءسىم شارۋاشىلىق باسقارماسى» رمقك ديرەكتورىنىڭ ورىنباسارى بولىپ تاعايىندالدى. «قر ءسىم شارۋاشىلىق باسقارماسى» رمقك ديرەكتورى, «استانا قالاسىنىڭ ەنەرگەتيكا جانە كوممۋنالدىق شارۋاشىلىق باسقارماسى» مم باستىعىنىڭ ورىنباسارى, «استانا-ەنەرگوسەرۆيس» اق باسقارما توراعاسى, قر رەسەي فەدەراتسياسىنداعى ەلشىلىگىندە ەلشىنىڭ كەڭەسشىسى, «استانا قالالىق جارىق» جشس ديرەكتورى, «استانا قالاسىنىڭ ەنەرگەتيكا باسقارماسى» مم باسشىسىنىڭ ورىنباسارى, «استانا قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى» مم باسشىسى بولدى.
«تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما توراعاسى بولىپ تاعايىندالعانعا دەيىن كوكشەتاۋ قالاسى اكىمىنىڭ ورىنباسارى قىزمەتىن اتقاردى.
