كينو • 11 ناۋرىز، 2021

«سارى مىسىق» – «نيكا» سىيلىعىنان ۇمىتكەر

85 رەت كورسەتىلدى

رەجيسسەر ءادىلحان ەرجانوۆتىڭ «سارى مىسىق» كارتيناسى رەسەيدىڭ ەڭ بەدەلدى كينوجۇلدەسى – «نيكا» سىيلىعىنىڭ «تمد، گرۋزيا جانە بالتىق ەلدەرىنىڭ ۇزدىك ءفيلمى» نوميناتسياسىنا ۇسىنىلىپ وتىر. كارتينانى Short Brothers (قازاقستان)، «قازاقفيلم» جانە Arizona Productions (فرانتسيا) كومپانيالارىنىڭ قاتىسۋىمەن Zerde FILMS (قازاقستان) كومپانياسىمەن تۇسىرگەن.

ءفيلمنىڭ باس پروديۋسەرلەرى اسەل سادۋاقاسوۆا، قانات بيتەمىروۆ جانە ەربول تويباەۆ. بۇل ەرجانوۆتىڭ وسى جۇلدەگە ءتورتىنشى رەت قاتىسۋى. بۇعان دەيىن ءار جىلدارى «ۇكىلى كامشات»، «قا­­راتاس اۋىلىنداعى وبا» جانە «الەم­­­­نىڭ ەركە ەنجارلىعى» فيلمدەرى ۇسى­­­نىلعان بولاتىن.

«سارى مىسىق» – ەرجانوۆتىڭ تو­عى­زىنشى تولىقمەترلى كوركەم ءفيل­مى. كارتينانىڭ الەمدىك پرەمە­را­سى بىلتىر 77-ءشى ۆەنەتسيا كينو­فەس­­­تيۆالىنىڭ «كوكجيەكتەر» كون­كۋرس­­­تىق باعدارلاماسىندا ءوتتى. كە­يىنىرەك تۋىن­دى بىرقاتار فەستيۆالگە قا­تىسىپ، بىرنەشە ماراپاتقا يە بولدى. سونىڭ ىشىندە قىتايداعى Silk Road IFF فەستيۆالىنىڭ «ارنايى سىي­لىعى»، باتۋمي كينوفەستيۆالىندە «ۇز­دىك رەجيسسەر» سىيلىعى، سونداي-اق «ماسكەۋ پرەمەراسى» فەستيۆالىندە كينوسىنشىلاردىڭ ارنايى جۇلدەسىنە يە بولعان.

«بۇل – ءبىز ءۇشىن ۇلكەن قۋانىش. ءبىزدىڭ كوماندانىڭ بىرلەسكەن كۇش-جىگەرىنىڭ، ەڭبەگىنىڭ باعالانعانىنا وتە قۋانىشتىمىن. «سارى مىسىق» كومانداسىن ءفيلمنىڭ كەزەكتى جەتىستىگىمەن قۇتتىقتايمىن!»، دەدى رەجيسسەر ءادىل­حان ەرجانوۆ.

فيلمدە قازاقستاندىق «بونني مەن كلايدتىڭ» وقيعاسى باياندالادى. قىلمىسقا بەلشەسىنەن باتقان جاس جىگىت كەرمەك پەن ءتۇزۋ جولدان بەت بۇرعان قىز ەۆانىڭ ماحابباتى سۋرەتتەلىپ، وقيعا ەكەۋىنىڭ اراسىنداعى قيىندىقتار مەن الەمگە قارسىلىقتارى تۇرعىسىنان ءوربيدى. كەرمەكتىڭ ءرولىن رەسەيلىك اكتەر ازامات نيگمانوۆ ويناعان، ونى كورەرمەن الەكسەي ميزگيرەۆتىڭ «كونۆوي» جانە اندرەي شالوپانىڭ «28 پانفيلوۆ­شى» فيلمدەرىنەن بىلەدى. ەۆانىڭ ءرولىن جاس قازاقستاندىق اكتريسا كاميلا نۇعمانوۆا ويناپ شىقتى، ول بۇرىن ناريمان تورەباەۆتىڭ «گرياز بولشوگو گورودا» جانە الىشەر سۇ­لەي­مەنوۆتىڭ «وبلاكو نا كرىشە» فيلم­دەرىندە ويناعان. ەكى اكتەر ءۇشىن دە «سارى مىسىق» ءادىلحان ەر­جانوۆ­پەن ىنتىماقتاستىقتىڭ ال­عاش­­قى تاجىريبەسى. كريمينالدىق اۆ­تو­ريتەت جامباستىڭ ءرولىن ەرجا­نوۆ­پەن بىرگە جۇمىس ىستەگەن، ونىڭ «ات­باي­دىڭ شاي­قاسى» جانە «ۇل­بولسىن» فيلم­دەرىندە ويناعان اكتەر سانجار ءمادي سومداپ شىقتى. سونداي-اق فيلم­گە ەرجانوۆپەن بىرگە بىرنەشە رەت جۇمىس ىستەگەن اكتەرلەر – ەركەن گۋ­با­شەۆ پەن ەرجان جامانقۇلوۆ قاتىستى.

ستسەناري اۆتورلارى – ءادىلحان ەرجانوۆ پەن يننا سمايلوۆا. پروديۋ­سەرلەر، ءداستۇرلى تۇردە رە­جيس­­سەردىڭ بۇرىننان كەلە جاتقان سە­­رىكتەستەرى — سەرىك ابىشەۆ پەن ولگا حلاشەۆا. كو-پروديۋسەر گيوم دە سيەل. ءفيلمنىڭ وپەراتورى – ەر­جانوۆپەن «ۇكىلى كامشات» جانە «اتبايدىڭ شايقاسى» فيلمدەرىندە جۇمىس ىستەگەن ەركىنبەك پتىراليەۆ. قويۋشى-سۋرەتشى – ەرمەك وتەگەنوۆ. ال فيلم مۋزىكاسىن كومپوزيتورلار اليم زايروۆ پەن يۆان سينتسوۆ جازعان.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار