«اياۋلى انالار, ارۋلار, cىزدەردى كوكتەمنىڭ شۋاقتى مەرەكەسى – حالىقارالىق ايەلدەر كۇنىمەن قۇتتىقتايمىن!
سىزدەردىڭ بويلارىڭىزداعى شەكسىز سۇيىسپەنشىلىك, مەيىرىم مەن نازىكتىك ءار ادامنىڭ ءومىرىن باقىت پەن بەرەكەگە تولتىرادى. ءاربىر وتباسىنىڭ ۇيىتقىسى بولا وتىرىپ, cىزدەر جاس بۋىنعا ءتالىم-تاربيە بەرۋدە جانە وسكەلەڭ ۇرپاقتىڭ ادامگەرشىلىك قۇندىلىقتارىن قالىپتاستىرۋدا ەرەكشە ورىن الاسىزدار.
قوعام ءومىرىنىڭ سان ءتۇرلى سالالارىنداعى ەسەلى ەڭبەكتەرىڭىز ارقىلى cىزدەر قازاقستاننىڭ دامۋىنا دا وراسان زور ۇلەس قوسىپ وتىرسىزدار.
ومىرىمىزدەگى قۋانىشتى دا جارقىن ساتتەر ءۇشىن ءبىزدىڭ شىنايى العىسىمىزدى قابىل الىڭىزدار! ءبىز سىزدەردى ارداقتايمىز جانە جاقسى كورەمىز!
باقۋاتتى جانە باقىتتى بولىڭىزدار!
ىزگى تىلەكپەن, اسقار مامين», دەلىنگەن قۇتتىقتاۋ سوزدە.
