ايماقتار • 05 ناۋرىز، 2021

جاڭا ماۋسىمدا جەرگىلىكتى ويىنشىلارعا سەنىم ارتتى

9 رەت كورسەتىلدى

جاڭا ماۋسىمدا «قايسار» فۋتبول كلۋبى ساپىندا ماقسات بايجانوۆ، ولجاس التاەۆ، ەلجاس التىنبەكوۆ، ابىلايحان تولەگەنوۆ، شوقان ابزالوۆ، نۇرىمجان سالايدىن، وركەن ماحان، ەلجاس سارباي، بەكزات قۇرمانبەك ۇلى، دانيار ءالىمجان، ايان قۇلماعانبەتوۆ سەكىلدى فۋتبولشىلار الاڭعا شىعادى.

سونىمەن قاتار، جەرگىلىكتى كوماندانىڭ نامىسىن گەگام كادەميان، ارمان كەڭەسوۆ، ستەفان دەنكوۆيچ، ەگور پوتاپوۆ، ۋسمان ن’دويە، سەرگەي كارپوۆيچ، كاروليس لاۋكجياميس، يوۆان چادجەنوۆيچ، ارتەم لەونوۆ سەكىلدى شەتەلدىك ويىنشىلار قورعايدى.

– جىل باسىنان بەرى كوماندا جاڭا ماۋسىمعا دايىندىعىن جۇرگىزۋ بارىسىندا 3 وقۋ جاتتىعۋ جيىنىن  وتكىزدى. ونىڭ ەكەۋى قالادا، سوڭعىسى تۇركيادا بولدى. جيىن بارىسىندا ەۋروپا مەن ازيانىڭ بەدەلدى كوماندالارىمەن 9 جولداستىق كەزدەسۋ وتكىزدىك. سونىڭ تورتەۋىندە جەڭىسكە جەتسەك، تورتەۋىمەن تەڭ تۇستىك. تەك ءبىر كوماندادان ۇتىلدىق، – دەدى «قايسار» فك باس باپكەرى سۇلتان ابىلداەۆ.

جولداستىق كەزدەسۋلەرگە ەۋروپانىڭ جوعارى دەڭگەيلى كوماندالارى تاڭدالعان. ماسەلەن، ۋكراينانىڭ ۇزدىك كومانداسى «دەسنا»، ماكەدونيانىڭ جەڭىمپازى «شكەنديا»، ماۆريتانيادان «نۋاديبۋ»، قىرعىزستاننىڭ ەڭ مىقتى ۇجىمى «دوردوي»، رەسەيلىك «شيننيك»، گرۋزيانىڭ «تەلاۆي» سەكىلدى كوماندالار «قايسارعا» قارسىلاس بولدى. جيىن بارىسىندا 30-دان اسا ويىنشى قارالىمعا كەلىپ، وزدەرىن جاقسى قىرىنان كورسەتكەن فۋتبولشىلار «قايساردىڭ» ساپىنا قوسىلدى.

ايتا كەتەيىك، 12 ناۋرىزدا «قايسار» فۋتبول كومانداسىنىڭ جاڭا فۋتبولشىلارىن تانىستىرۋ ءراسىمى وتەدى. ال 14 ناۋرىزدا «قايسار»» ەل بىرىنشىلىگىنىڭ ءبىرىنشى تۋرىندا «تاراز» كومانداسىن قابىلدايدى.

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار