ەلدە ينتەرنەتكە قوسىلعان ابونەنتتەردىڭ سانى ءبىر جىل ىشىندە 5,1% ءوسىپ, 2,6 ميلليون ابونەنتكە جەتتى. وسىلايشا, بارلىق سەگمەنتتە ينتەرنەتتى پايدالانۋشىلار سانىنىڭ ايتارلىقتاي ءوسۋى بايقالادى. بۇگىنگى تاڭدا قازاقستان حالقىن ينتەرنەتپەن قامتۋ 99% قۇرايدى. سونداي-اق قازاقستاندا ءموبيلدى ينتەرنەتتىڭ تاريفتەرى سالىستىرمالى تۇردە ارزان.
الەمدىك رەيتينگتە قازاقستان ينتەرنەتى ەڭ ارزان توپ-10 ەلدىڭ قاتارىنا كىرەدى. سونىمەن, 2020 جىلى قازاقستان الەم بويىنشا 6-ورىنعا يە بولدى. ەلدە 1 گيگابايت ينتەرنەت ءۇشىن ورتاشا ەسەپپەن 0,46 اقش دوللارى تولەنەدى. رەيتينگتە بارلىعى 228 ەلدەگى باعا زەرتتەلگەن.
ەگەر قازاقستاندا 20 گيگابايت ينتەرنەت ءۇشىن تۇرعىندار ورتاشا ەسەپپەن 9,2 اقش دوللارىن (3 840,4 تەڭگە) تولەيتىن بولسا, كورشى رەسەيدە – 10,3 دوللار (4 299,6 تەڭگە), ۇلىبريتانيادا – 27,9 دوللار (11 646,5 تەڭگە), گەرمانيادا – 81,2 دوللار (33 895,9 تەڭگە), اقش-تا – 160 دوللار (66 789,8 تەڭگە), شۆەيتساريادا – 167, 5 دوللار (69 920,7 تەڭگە), گرەكيادا – 241,3 دوللار (100 727,5 تەڭگە).
