باعانى ايقىنداۋداعى جۇيەلىلىك

ەلوردادا قازاقستان ۇكىمەتىنىڭ وكىلدىگى مەن “نۇر وتان” حدپ يننوۆاتسيالىق كوميتەتىنىڭ ۇيىتقى بولۋىمەن “باعانى ناقتىلاۋداعى وزەكتى ماسەلەلەر. داعدارىس ساباعى” دەگەن تاقىرىپتا دوڭگەلەك ۇستەل ءوتتى. باسقوسۋعا اۋىل شارۋاشىلىعى مەن ەكونوميكالىق دامۋ جانە ساۋدا مينيسترلىكتەرىنىڭ, باسەكەلەستىكتى قورعاۋ اگەنتتىگىنىڭ, سونداي-اق, جەتەكشى شاعىن جانە ورتا كاسىپكەرلىكتىڭ وكىلدەرى قاتىستى. باسقوسۋدى اشقان “نۇر وتان” حدپ حاتشىسى سەرگەي گروموۆ “با­عانى ناقتىلاۋ – بارلىق ەكونو­مي­كا­لىق قىزمەت پەن ءوندىرىستىڭ “با­رومەترى” سانالاتىنىن, سول سەبەپتى بۇل تەك قانا ەكونوميكالىق قانا ەمەس, الەۋمەتتىك ماسەلە ەكەندىگىن اتاپ ءوتتى. ونىڭ ايتۋىنا قاراعاندا, بۇعان دۇنيە ءجۇزى ەلدەرىندەگى ءتۇرلى الەۋمەتتىك قاقتىعىستار مەن ءتۇسى­نىسپەۋشىلىكتەر ايقىن دالەل بولا الادى. “تۇتىنۋشى تالابىنىڭ قانداي ەكەنى بەلگىلى. ولاردى تاۋار ءتۇرىنىڭ سانالۋاندىعى مەن ساپاسىنىڭ جو­عا­رىلىعى قىزىقتىرادى. ياعني, تۇ­تىنۋشىلار ءبىرىنشى كەزەكتە تاۋار ساپاسىنىڭ جوعارى بولۋىن تالاپ ەتەدى. بۇعان قوسا, الەۋمەت­تىك جاعى­نان از قامتىلعان ازامات­تارعا ەڭ قاجەتتى تۇتىنۋ تاۋار­لارى­­نىڭ كەز كەل­گەن ءتۇرىنىڭ قول­جەتىمدى بولۋى ايرىقشا ماڭىزعا يە. ال بۇل نارىقتاعى جاعدايدى رەتتەۋدى, وعان مەملەكەتتىڭ ارالا­سۋىن قاجەت ەتەدى”, دەدى س.گروموۆ ءوز سوزىندە. سونداي-اق, ول ازىق-ت ۇلىك رىنو­گىندا عانا ەمەس, سول تاۋارلاردىڭ ساۋدا نۇكتەلەرىندەگى قولجەتىمدىلىگى ءما­سەلەلەرىندە دە باسەكەلەستىك تەتىگىنىڭ بەرىك ورنىعۋى ايرىقشا ءرول اتقاراتىنىن اتاپ ءوتتى. بۇل, ءاسى­رەسە, اۋىل شارۋاشىلىعى سالا­سىن­داعى وتاندىق ازىق-ت ۇلىك ءون­دىرۋ­شىلەر ءۇشىن ايرىقشا مانگە يە. وسى ورايدا, بيلىك پارتياسى ىشكى جانە سىرتقى رىنوكتاعى جاعدايدى رەتتەۋ باعىتىندا ارنايى تۇجى­رىم­دامالىق قۇجات قابىلداۋدى ءجون دەپ شەشىپتى. اتالعان قۇجات ساۋدا قىزمەتى دامۋىنىڭ ستراتە­گيا­سىن جۇزەگە اسىرۋدى ماقسات تۇتپاق. سول ارقىلى مەملەكەت, تۇتىنۋشى جانە تاۋار وندىرۋشىلەردىڭ قىزىعۋ­شى­لىعى مەن ورتاق قاجەتتىلىكتەرىن باسشىلىققا الماق. بۇعان قوسا, ىشكى جانە سىرتقى رىنوكتاعى ازىق-ت ۇلىك تاۋارلارىنىڭ باعاسىن باقى­لاۋ دا ايرىقشا نازارعا الىناتىن بولادى. دوڭگەلەك ۇستەلدە كەزىندە با­عا­نى جۇيەلەندىرەتىن نۇسقاۋلىق­تار­دىڭ كەمشىن ءتۇسىپ جاتقانى, ول ءۇشىن ازىق-ت ۇلىك رىنوگىنداعى با­عا­نى تۇراقتاندىرۋدىڭ ءتيىمدى تەتىكتەرىن جولعا قويۋ قاجەتتىگى دە ايتىلدى. ءلايلا ەدىلقىزى.