«نۇر-سۇلتان قالاسى پوليتسيا دەپارتامەنتىنىڭ قولداۋىمەن تۇرعىلىقتى جەرى جوق (الكوگول مەن ەسىرتكىگە تاۋەلدى ءۇيسىز ادامدار, باس بوستاندىعىنان ايىرۋ ورىندارىنان كەلگەن) ادامداردى فليۋوروگرافيالىق تەكسەرۋ بويىنشا بىرلەسكەن اكتسيالار وتكىزدى. اكتسيا بارىسىندا بارلىعى 4 554 ادام تۋبەركۋلەزگە پروفيلاكتيكالىق تەكسەرۋمەن قامتىلدى, ونىڭ 104-ءى – تۇرعىلىقتى جەرى جوق ادامدار», دەدى اننا تسەپكە ەلوردا اكىمدىگىندە وتكەن ونلاين بريفينگتە.
قازىرگى ۋاقىتتا پاندەميا جاعدايىندا تۋبەركۋلەز كۇدىگى تۋرالى شاعىمداردى ۋاقىتىلى انىقتاۋ ماقساتىندا «جوعارى قاۋىپ» توبىنداعى ادامدارعا قاشىقتان كونسۋلتاتسيالار بەرۋ ءۇشىن تسيفرلىق تەحنولوگيالار كەڭىنەن قولدانىلىپ جاتىر. اۋرۋحاناعا جاتقىزۋدى قاجەت ەتپەيتىن ناۋقاستار ءۇشىن ءموبيلدى بريگادانىڭ كومەگىمەن ۇيدە ەمدەۋ نەمەسە بەينەباقىلاۋ ەمى سەكىلدى امبۋلاتوريالىق ەمدەۋ تۇرلەرى بەلسەندى دامۋدا.
«2018 جىلى نۇر-سۇلتان قالاسىندا العاشقىلاردىڭ ءبىرى بولىپ تۋبەركۋلەزگە قارسى جاڭا پرەپاراتتاردى: بەداكۆيلين مەن دەلامانيدتى قولدانۋ ارقىلى تۋبەركۋلەزدىڭ دارىگە ءتوزىمدى تۇرلەرىمەن اۋىراتىن ناۋقاستاردى ەمدەۋ باستالدى. بۇگىندە بۇل تۋبەركۋلەزدىڭ دارىگە ءتوزىمدى, بۇرىن ەمدەلمەيتىن تۇرلەرىن ەمدەۋ تيىمدىلىگىن ەداۋىر ارتتىرۋعا مۇمكىندىك بەردى», دەيدى ا.تسەپكە.
ايتا كەتەيىك, سوڭعى ون جىلدا ەلوردادا تۋبەركۋلەز اۋرۋى مەن تۋبەركۋلەزدەن بولاتىن ءولىم-ءجىتىم 5 ەسەگە ازايدى. 2021 جىلدىڭ 24 اقپانىنان 24 ناۋرىزىنا دەيىن «ۋاقىت ءوتىپ جاتىر!» ۇرانىمەن تۋبەركۋلەزدىڭ الدىن الۋ ايلىعى قولعا الىندى.
