قوعام • 04 ناۋرىز، 2021

«زەردە» ۇلتتىق ينفوكوممۋنيكاتسيا حولدينگى» اق كومپلاەنس-قىزمەتتەرى جۇمىسىنىڭ باسىمدىقتارى ايقىندالدى

9 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى مەملەكەتتىك باسقارۋ اكادەمياسىمەن ««زەردە» ۇلتتىق ينفوكوممۋنيكاتسيا حولدينگى» اق-دا سىبايلاس جەمقورلىققا قارسى كومپلاەنستى ىلگەرىلەتۋ بويىنشا العاشقى وقىتۋ سەمينارىن وتكىزدى.

سەمينار جۇمىسىنا حولدينگ باسشىلىعى، سونداي-اق «ۇلتتىق اقپاراتتىق تەحنولوگيالار» اق، «ينجينيرينگ جانە تەحنولوگيالار ترانسفەرتى ورتالىعى» اق، «Astana Hub» IT-ستارتاپتار حالىقارالىق تەحنوپاركى، «Astana IT University» جشس قاتىستى.

ايتا كەتۋ كەرەك، كۆازيمەملەكەتتىك كومپانيالاردا سىبايلاس جەمقورلىققا قارسى كومپلاەنستى ەنگىزۋ بويىنشا مىندەت وتكەن جىلدىڭ سوڭىنان باستاپ زاڭنامالىق دەڭگەيدە ەنگىزىلدى جانە كورپوراتيۆتىك ادالدىق ستاندارتتارىنىڭ ساقتالۋىن باقىلاۋدى كوزدەيدى.

ءىس-شارا بارىسىندا اگەنتتىكتىڭ پاراساتتىلىق دەپارتامەنتىنىڭ ديرەكتورى ع. اسان ۇلى كومپلاەنس-قىزمەتتەردى ەنگىزۋ بويىنشا ينستيتۋتسيونالدىق بازا زاڭنامالىق تۇردە قۇرىلعانىن، ونى دامىتۋ بويىنشا ادىستەمەلىك ۇسىنىمدار ازىرلەنگەنىن اتاپ ءوتتى.

«زەردە» اق كومپانيالار توبىندا كومپلاەنس-قىزمەتتەرى قۇرىلعانىن ەسكەرە وتىرىپ، ع. اسان ۇلى ولاردى بىلىكتى كادرلارمەن كۇشەيتۋگە شاقىردى.

ول كومپلاەنس-قىزمەتتەردىڭ نەگىزگى باسىمدىقتارى سىبايلاس جەمقورلىققا قارسى مونيتورينگ جۇرگىزۋ جانە سىبايلاس جەمقورلىق تاۋەكەلدەرىن انىقتاۋ، مۇددەلەر قاقتىعىسىن رەتتەۋ، سىبايلاس جەمقورلىققا قارسى شەكتەۋلەردى ساقتاۋ بولۋى ءتيىس ەكەنىن اتاپ ءوتتى.

مەملەكەتتىك باسقارۋ اكادەمياسىنىڭ سىبايلاس جەمقورلىققا قارسى ءىس-قيمىل ماسەلەلەرىن زەردەلەۋ جونىندەگى زەرتتەۋ ورتالىعى باسشىسىنىڭ ورىنباسارى ە. جاروۆ سىبايلاس جەمقورلىققا قارسى كومپلاەنس جۇيەسىن قۇرۋ پروتسەسىندە ISO 37001 «پاراقورلىقپەن كۇرەس مەنەدجمەنتى جۇيەسى» حالىقارالىق ستاندارتىن ەنگىزۋ الەۋەتىن اتاپ ءوتتى.

ءوز كەزەگىندە حولدينگ باسشىلىعى كومپلانس-قىزمەتتەردىڭ قىزمەتكەرلەرىن ودان ءارى وقىتۋعا جانە ءاربىر ەنشىلەس ۇيىمدا وسىعان ۇقساس كەزدەسۋلەر وتكىزۋگە مۇددەلىلىگىن اتاپ ءوتتى.

ءىس-شارا سوڭىندا كەڭەسكە قاتىسۋشىلاردىڭ تۋىنداعان سۇراقتارىنا اگەنتتىك جانە اكادەميا وكىلدەرى تولىق جاۋاپ بەردى.

سوڭعى جاڭالىقتار

ۇقساس جاڭالىقتار