ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا وتكەن كەزدەسۋدە جەرلەستەرىمىز 5:2 ەسەبىمەن جەڭىسكە جەتتى. ماتچتىڭ ەسەبىن 2-مينۋتتا شىڭعىس ەسەنامانوۆ اشسا, اراعا 19 مينۋت سالىپ ول ءدۋبلدىڭ اۆتورى اتاندى. سونداي-اق 8-مينۋتتا ءبىرجان ورازوۆ, 14-مينۋتتا لەو مەرگەندىگىمەن كوزگە تۇسسە, ويىن اياقتالۋعا ەكى مينۋت قالعاندا داۋرەن تۇرساعۇلوۆ كەزدەسۋدىڭ نۇكتەسىن قويدى. جەرلەستەرىمىزدىڭ 5 گولىنا قوناقتار تەك ەكى گولمەن جاۋاپ قاتتى. العاش سەرگەي كرىكۋن ءبىزدىڭ قاقپانى ءدال كوزدەسە, كەيىننەن يۋري رابىكو ءوز اتىن تابلوعا جازدىردى.
بۇل جەڭىستەن كەيىن قازاقستان قۇراماسى ءوز توبىندا التى ۇپايمەن جەكە-دارا كوش باستادى. ءۇش ۇپايى بار بەلارۋس ماجارستان قۇراماسىمەن بىرگە ەكىنشى جانە ءۇشىنشى ورىنداردى ءبولىسىپ تۇر. بەلارۋس پەن قازاقستان قۇراماسى اراسىنداعى قارىمتا كەزدەسۋ 8 ناۋرىزدا مينسكىدە وتەدى.
