جامبىل وبلىسى تۇرار رىسقۇلوۆ اۋدانىنىڭ اكىمى قىزمەتىنەن ءوز ەركىمەن كەتتى. بۇل تۋرالى «24 kz» حابارلادى.
تۇرار رىسقۇلوۆ اۋدانىنىڭ اكىمى ۇيىندە اسپازشى مەن ءبىر توپ كۇزەتشى ۇستاپ, ولاردىڭ ايلىعىن بيۋدجەت ەسەبىنەن تولەگەن. وسىنىڭ سالدارىنان مەملەكەت قازىناسى 668 مىڭ تەڭگەگە شىعىنعا باتتى. بۇل كەلەڭسىزدىك تارتىپتىك كەڭەستە قارالىپ, اۋدان باسشىسى مارات سمايىلوۆقا قاتاڭ سوگىس بەرۋ تۋرالى ۇسىنىس جاسالعان ەدى. ال جوعارىدا اتالعان ازاماتتاردى جۇمىسقا الۋ جونىندە بۇيرىق شىعارعان اۋدان اكىمىنىڭ اپپارات جەتەكشىسىن قىزمەتىنەن بوساتقان. ىلە وبلىس باسشىسى اۋدان اكىمى «قىزمەتىنە سايكەس ەمەس» دەگەن وكىم شىعارىپتى. وسىدان كەيىن اۋدان اكىمى ءوز ەركىمەن قىزمەتىنەن كەتۋگە ءماجبۇر بولعان.
باقىتبەك كەنەش ۇلى.
دەرەككوز: «24 kz»
فوتو: Metrinfo. ru
