قوعام • 02 ناۋرىز، 2021

كارانتين كاسىپكەر ايەلدەرگە قالاي اسەر ەتتى؟

5 رەت كورسەتىلدى

پرەزيدەنت جانىنداعى ايەل­دەر ىستەرى جانە وتباسى­لىق-دە­مو­گرافيالىق ساياسات جونىن­دەگى ۇلتتىق كوميسسيا، قازاقستانداعى «بۇۇ-ايەل­دەر» قۇرىلىمى جانە «قول­دانبالى ەكونوميكانى زەرتتەۋ ورتالىعى»، ەڭبەك جانە حا­لىقتى الەۋمەتتىك قورعاۋ مينيسترلىگىنىڭ قولداۋىمەن قازاقستاندا COVID-19 پاندەمياسى كەزىندەگى كاسىپكەر ايەلدەردىڭ پروبلەمالارىن انىقتاۋ ءۇشىن اۋقىمدى زەرتتەۋ جۇرگىزدى.

 

COVID-19 پاندەمياسىنىڭ سال­­دارىنان قازاقستان اۋماعىندا تو­تەنشە جاعداي رەجىمىنىڭ ەنگىزىلۋى جەكە ءۇي شارۋاشىلىقتارىنا دا، كاسىپكەرلەرگە دە اسەر ەتتى. سونىمەن قاتار، پاندەميا تۋدىرعان داعدارىس ءىرى بيزنەسكە قاراعاندا شاعىن جانە ورتا بيزنەسكە كوبىرەك اسەر ەتتى. بۇل جاعداي شاعىن جانە ورتا كاسىپ­كەرلىكتىڭ جەتكىزىلىم تىزبەگىندەگى كۇيزەلىستەرگە توتەپ بەرۋ قابىلەتى تومەن بولۋىنا بايلانىستى.

كاسىپكەرلەردىڭ كوپشىلىگى (69،2%) كارانتين كەزىندە بيزنەسىنىڭ قار­جىلىق شىعىنعا ۇشىراعانىن اتاپ ءوتتى. كاسىپكەر ايەلدەر بۇل فاك­تىنى ءجيى اتاپ وتەدى – ءىس جۇزىندە ولار­دىڭ تورتتەن ۇشىندە (75،8%) شى­عىن­دار بولعان، ال ەرلەر اراسىندا – 63،5%. ايەلدەر بيزنەسى اي­تار­لىقتاي قارجىلىق شىعىندارعا جيىرەك ۇشىراعان. بۇل رەتتە ايەل­دەردىڭ 41،9%-ى ءوز تابىسىنىڭ 50%-دان استامىن جوعالتقانىن اتاپ ءوتتى. (ەرلەر اراسىندا – 31،2%).

كاسىپكەر ايەلدەر ءۇشىن جاع­داي جالاقى تولەنبەيتىن ەڭبەك سالاسىنداعى جۇكتەمەنىڭ ارتۋى­مەن كۇردەلەنە ءتۇستى. بۇل بالالار­عا، قارتتارعا، اۋرۋ تۋىستارىنا كور­سەتىلگەن قامقورلىق، ءۇي شارۋا­شىلىعىنا كوبىرەك ۋاقىت ءبولۋ قاجەتتىلىگى. سونىمەن قاتار زەرتتەۋ COVID-19 پاندەمياسى كەزىندە ايەلدەر ءداستۇرلى تۇردە جۇمىس ىس­تەيتىن ساۋدا، قىزمەت كورسەتۋ، اۋىل شارۋاشىلىعى سياقتى ەكونوميكا سەكتورلارى كوبىرەك زارداپ شەككەنىن كورسەتتى.

باسقا ماسەلەلەردە كاسىپكەر ايەل­دەر مەن ەر ادامداردىڭ پروبلە­مالارى ۇقساس.  ناتيجەسىندە، مەملەكەت تاراپىنان كۇتىلەتىن قولداۋ شارالارى كاسىپكەر ايەلدەر مەن كاسىپكەر ەرلەر ءۇشىن دە از ەرەكشەلەنەدى.

«زەرتتەۋ شەڭبەرىندە ساراپشىلار مەملەكەتتىك قولداۋدىڭ تيىمدىلىگىن ارتتىرۋ ماقساتىندا كاسىپكەرلەرگە كومەك كورسەتۋ، ايەلدەردىڭ ەكونو­مي­كالىق قۇقىقتارى مەن مۇمكىن­دىكتەرىن كەڭەيتۋ بويىنشا ناقتى شارالاردى ۇسىندى. زەرتتەۋ ناتي­جەلەرىن مۇددەلى مەملەكەتتىك ورگان­دار مەن مەكەمەلەر كاسىپكەرلىكتى دا­مىتۋ ءۇشىن پايدالانادى دەپ سەنە­مىز»، دەدى ايەلدەر ىستەرى جانە وت­با­سى­لىق-دەموگرافيالىق ساياسات جو­نىن­دەگى ۇلتتىق كوميسسيانىڭ ءتورايى­مى ءلاززات رامازانوۆا زەرتتەۋ ناتيجەلەرىن تانىستىرۋ بارىسىندا.

مىسالى، زەرتتەۋ اياسىندا قاي­تالاناتىن باعدارلامالاردى تۇزەتۋ ارقىلى مەملەكەتتىك قولداۋدىڭ بارلىق شارالارىن وڭتايلاندىرۋ جانە جۇيەلەۋ، كاسىپكەرلەرگە بۇ­قارالىق اقپارات قۇرالدارى مەن تسيفر­لى پلاتفورمالار ارقىلى مەم­لەكەتتىك قولداۋ جونىندەگى اق­پاراتتى جەتكىزۋ، ونلاين-پلاتفورمالار/قوسىمشالار اشۋ ارقىلى شوب وكىلدەرىنىڭ ءبىلىم دەڭگەيى مەن بىلىكتىلىگىن ارتتىرۋ سياقتى شارالار اتاپ ءوتىلدى.

«COVID-19 پاندەمياسى دۇنيە­جۇزى ەلدەرىنىڭ، سونىمەن قاتار قازاقستاننىڭ دا ەكونوميكاسىنا جاعىمسىز وزگەرىستەر اكەلدى. داعدارىس بۇكىل قوعامعا اۋىرتپا­لىق تۇسىرۋدە، بۇل اسىرەسە ايەلدەر مەن وسال توپتار ءۇشىن قيىن. ايەل كاسىپكەرلەردىڭ قاجەتتىلىكتەرىن ەسكەرۋ، سOVID-19 اياسىنداعى دامۋ باعدارلاماسىندا ايەلدەردىڭ مۇد­دەلەرى ەسكەرىلۋى بارشاعا جاقسى ءارى تۇراقتى دامۋ ناتيجەلەرىنە قول جەت­كىزۋگە، ەكونوميكانىڭ تەزىرەك قال­پىنا كەلۋىنە كومەكتەسەدى»، دەدى قازاق­ستانداعى «بۇۇ-ايەلدەر» قۇ­رىلىمىنىڭ باعدارلامالار مەنەد­جەرى دينا امريشەۆا.

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار