سپورت • 01 ناۋرىز، 2021

جەلاياقتار وسكەمەندە سايىستى

13 رەت كورسەتىلدى

وسكەمەندەگى ولگا رىپاكوۆا اتىنداعى جەڭىل اتلەتيكا سپورت سارايىندا تاۋەلسىزدىكتىڭ 30 جىلدىعىنا وراي ۇيىمداستىرىلعان جابىق كەشەندەگى قازاقستان چەمپيوناتى ءوز مارەسىنە جەتتى. قازاقستاننىڭ بارلىق وڭىرلەرىنەن كەلگەن 235 قاتىسۋشى ءۇش كۇن بويى جارىس كورىگىن قىزدىردى.

بيىلعى ەل چەمپيوناتى تو­سىن جاعدايلارعا، كۇت­پەگەن جە­ڭىستەرگە جانە جاڭا ورنا­تىل­عان رەكوردتارعا تولى بولدى. ما­سە­لەن، مەدال جيىنتىعى بويىنشا بىرنەشە جىلدان بەرى الدىنا جان سالماي، جالپىكوماندالىق كور­سەتكىشتە ءبىرىنشى ورىندى ەش­كىمگە بەرمەي كەلە جات­قان شى­عىسقازاقستاندىق سپورت­شىلار بيىل بيىك بەلەس­تەن كورىنە العان جوق. ەسەسىنە قا­راعاندىلىق جە­ڭىلاتلەتتەردىڭ قارقىنى قاتتى بولدى. ءۇش كۇندە 10 التىن، 7 كۇ­مىس جانە 8 قولا جۇل­دە جەڭىپ العان كەنشىلەر قا­لا­سىنىڭ سپورتشى­لارى كەندى التاي وكىلدەرىن باسىپ وزدى.

سونداي-اق بىلتىرعى چەمپيوناتتا 60 مەترگە كەدەرگىلەر ار­قى­لى جۇگىرۋدە 30 جىلعا جۋىق ۋا­قىتتان بەرى جاڭارماعان اندرەي گۋ­توۆتىڭ رەكوردىن بۇز­عان داۆيد ەفرە­موۆ بيىل تاعى دا رەكورد ورناتىپ، ءوزىنىڭ بىلتىرعى ناتيجەسىنە تۇزەتۋ ەنگىزدى. وتكەن جىلى اتالعان قاشىقتىقتى 7،67 سەكۋندتا جۇگىرىپ وتكەن ەفرەموۆ، بيىل بۇل مەجەنى 7،65 سەكۋندتا باعىندىردى.

وسكەمەندەگى جارىستىڭ باع­دارلاماسىنا ازداعان وزگەرىس ەنگىزىلگەنىن دە بايقادىق. ۇيىم­داستىرۋشىلار بيىلعى جارىسقا ارداگەرلەر اراسىندا 4ح200 مەترگە ارالاس ەستافەتالىق جۇگىرۋ سايىسىن قوسقان ەكەن. بۇل سىندا شىعىس قازاقستان، قاراعاندى جانە الماتى وبلىستارىنان كەلگەن 3 قۇراما كوماندا قاتىستى.

ەل بىرىنشىلىگىنىڭ قورى­تىن­دىسى بويىنشا، ەرلەر اراسىندا 60 جانە 200 مەترگە جۇگىرۋدە قاراعاندىلىق ۆيتالي زەمس، 400 مەترگە جارىستا ازيا چەم­پيو­ناتىنىڭ قولا جۇلدەگەرى مي­حايل ليتۆين (سقو)، 800 جانە 1 500 مەترگە جۇگىرۋدە شىمكەنتتىك ءابدىلازىز ابدىقاۋىموۆ،  3000 مەتر قاشىقتىقتا جامبىلدىق دميتري يۆانچۋكوۆ توپ جارسا، قىزدار اراسىندا پاۆلودارلىق ولگا سافرونوۆا (60 م)، الما­تىلىق ۆيكتوريا ان (زيابكينا) (200 م)، جامبىلدىق سۆەتلانا گولەندوۆا (400 م)، قوستانايلىق ەكا­تەرينا گريتساي (800 م)، شى­عىس­قازاقستاندىق ارينا گلا­دى­شەۆا (1500 م) جانە الماتى وبلىسىنىڭ وكىلى اقبايان نۇر­ما­مەت (3000 م) قازاقستان چەمپيو­نى اتاندى.

ۇپاي كورسەتكىشى جالپى­كو­ماندالىق ەسەپ بو­يىنشا دا ءبىرىنشى ورىندى قا­راعاندى وبلىسىنىڭ قۇراماسى (24 547 ۇپاي) قانجىعالارىنا بايلادى. ەكىنشى ورىندى شىعىس قازاقستان وبلىسى (23 132 ۇپاي) يەلەنسە، ۇزدىك ۇشتىكتى الماتى قا­لاسى (16 694) تۇيىندەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار