بۇل رەتتە العىس ايتۋ كۇنىنىڭ ماڭىزى زور. بۇل ايتۋلى كۇن ەلىمىزدەگى بەيبىتشىلىك پەن تاتۋلىقتى دارىپتەيتىن ايشىقتى مەيرام. العىس ايتۋ ارقىلى ادامدار اراسىنداعى تۇسىنىستىك پەن سىيلاستىق نىعايا تۇسەدى. قاشاندا ەتنوسارالىق كەلىسىم – ەل دامۋىنىڭ وزەگى, ەل بىرلىگى – وركەندەۋىمىزدىڭ باستى شارتى بولىپ قالا بەرەدى.
مەيىرىمدىلىك, قايىرىمدىلىق سياقتى يگى قاسيەتتەر قازىرگى كەزدە دە قوعامدا كورىنىس تابۋدا. اسىرەسە, كوروناۆيرۋس ىندەتى كەزىندە ەلىمىزدەگى ازاماتتار ءوزىنىڭ اۋىزبىرشىلىگىن, تاتۋلىعىن كورسەتتى. ءبىر-بىرىنە جاناشىر بولا ءبىلدى. ماسەلەن, رەسپۋبليكالىق ء«بىز بىرگەمىز!» قايىرىمدىلىق اكتسياسى اياسىندا جامبىل وبلىستىق «ۆىنحۋا» دۇنگەندەر قاۋىمداستىعىنىڭ مادەني ورتالىعى 1 100 000 تەڭگەگە 120 وتباسىعا ازىق-ت ۇلىك سەبەتتەرىن جانە 100 000 تەڭگەگە 2000 مەديتسينالىق ماسكا تاراتتى. اتالعان بىرلەستىكتىڭ وكىلى رۋسلان يسمازوۆتىڭ باستاماسىمەن الماتى قالاسىندا تۇراتىن از قامتىلعان وتباسىلارعا 4 500 000 تەڭگەگە 35 توننا ازىق-ت ۇلىك تۇرىندەگى گۋمانيتارلىق كومەك جىبەرىلدى. مۇنىڭ بارلىعى دا قازاق جەرىندەگى تاتۋلىقتى, بىرلىكتى كورسەتەدى. سونداي-اق ەلىمىزدە باستاۋ العان ء«بىز بىرگەمىز!» اكتسياسى اياسىندا جامبىل اۋدانىنىڭ تۇرعىندارىنا 1 000 000 تەڭگەگە 7 توننا ازىق-ت ۇلىك تاراتىلدى. وسى اۋدانعا قاراستى گرودەكوۆو جانە جالپاقتوبە اۋىلدارىنداعى دۇنگەن ەتنوسىنىڭ وكىلدەرى اۋىلدارداعى باقىلاۋ بەكەتىندە تۇرعان مەديتسينا, اسكەري جانە قۇقىق قورعاۋ ورگاندارىنىڭ قىزمەتكەرلەرىنە كۇنىنە تۇسكى اس ۇيىمداستىردى. سونىمەن قاتار قورداي اۋدانى, سورتوبە اۋىلىنىڭ اكىمدىگى مەن ەرىكتىلەرى بىرلەسىپ, سورتوبە, قاراكەمەر, اۋقاتتى, قاراساي جانە ەڭبەك اۋىلدارىنداعى 305 وتباسىنا 1 200 000 تەڭگەگە جانە اۋقاتتى, ماسانچي مەن بۇلار باتىر اۋىلدارىنداعى از قامتىلعان 72 وتباسىنا 220 000 تەڭگەگە قايىرىمدىلىق كومەك كورسەتتى.
جالپى, ەلىمىزدەگى باستاۋ العان ءاربىر جوبا ءبىز ءۇشىن ءوزىنىڭ ومىرشەڭدىگىمەن, ماعىناسىمەن قۇندى. بۇل باستامالاردىڭ ءبارى دە بىزگە مەملەكەتتىڭ بەرىپ وتىرعان مۇمكىندىگى. سونىمەن قاتار ەلدىڭ اۋىزبىرشىلىگىن, تاتۋلىعىن ايعاقتايتىن دۇنيە. ءبىر-بىرىنە قايىرىمدىلىق جاساۋ ارقىلى ادام بالاسى ۇلتتىڭ بولمىسىنداعى ۇلى قۇندىلىقتاردى ساقتاپ قالادى. سونداي-اق بۇل ۇرپاقتار ساباقتاستىعىنا دا قاجەت دۇنيە.
ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ەلدىڭ الەۋمەتتىك جاعدايىن جاقسارتۋ ءۇشىن بارلىق مۇمكىندىكتى قاراستىرىپ كەلەدى. ەلىمىزدەگى ءتۇرلى وقيعالارعا بايلانىستى جەدەل شارالار قابىلداپ, ونىڭ وڭ شەشىلۋىنە ءتيىستى تاپسىرمالار بەرۋدە. اسىرەسە, قازاقستاندا تۇراتىن وزگە ەتنوس وكىلدەرىنە دەگەن قۇرمەتتەرى ەرەكشە.
قاراپايىم حالىق اراسىنداعى ءبىر-ءبىرىن جاقسىلىققا شاقىرۋ, تاتۋلىققا ۇندەۋ, بەيبىتشىلىكتى ناسيحاتتاۋ سياقتى ۇردىستەر بىزبەن قاتار, بولاشاق ۇرپاققا دا پايدالى دۇنيە دەپ بىلەمىن. قاي كەزدە دە ادامدار ءبىر-ءبىرىن قۇرمەتتەپ, ءبىر-بىرىنە العىس ايتىپ جۇرگەن جەردە ەشقانداي دا كەلىسپەۋشىلىك بولمايدى دەپ ويلايمىن.
ءبىز ءۇشىن تاتۋلىق پەن بىرلىكتەن اسقان قۇندىلىق جوق. سەبەبى قازاقستان – ءبارىمىزدىڭ ورتاق وتانىمىز. ورتاق وتانىمىزدا بەيبىتشىلىك پەن تاتۋلىق سالتانات قۇرعان كەزدە, ارقايسىسىمىز وسى قۇندىلىقتى ءارى قاراي دامىتۋعا, ۇستاپ تۇرۋعا مىندەتتىمىز. سوندىقتان العىس ايتۋ كۇنى مەرەكەسى دە ەلدىڭ ىنتىماعىن ارتتىراتىن ايتۋلى كۇننىڭ ءبىرى.
مەملەكەتتىڭ تۇتاستىعىنان, ادامداردىڭ تاتۋلىعىنان اسقان قۇندىلىق جوق. مەن دە ەل تاۋەلسىزدىگىنىڭ ماڭگى, باياندى بولۋىن تىلەيمىن! قازاق ەلىنە العىس ايتامىن! ەلىمىزدە ءاردايىم بەيبىتشىلىك پەن تىنىشتىق بولسىن! ۇنەمى ادامدارعا العىسىمىزدى ايتىپ جۇرەيىك!
ايشا يدىبو,
«جامبىل وبلىستىق «ۆىنحۋا» دۇنگەندەر اسسوتسياتسياسىنىڭ مادەني ورتالىعى» قوعامدىق بىرلەستىگىنىڭ ءتورايىمى
