پاۆلودار وبلىسىنىڭ اكىمى قانات بوزىمباەۆتىڭ وكىمىمەن جانە پرەزيدەنت اكىمشىلىگىنىڭ كەلسىمىمەن عاني قالىباي ۇلى سادىبەكوۆ وبلىس اكىمىنىڭ ورىنباسارى بولىپ تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
ع.سادىبەكوۆ 1967 جىلعى 23 قازاندا تۋعان. الماتى حالىق شارۋاشىلىعى ينستيتۋتىن, قىرعىز مەملەكەتتىك ۇلتتىق ۋنيۆەرسيتەتىن بىتىرگەن. ماماندىعى – ەكونوميست, زاڭگەر.
ع.سادىبەكوۆ ەڭبەك جولىن الماتى وبلىسى ۇزىناعاش اۋدانىنداعى «سالقىن ساز» كووپەراتيۆىندە باستاعان. الماتى قالاسى سوۆەت اۋداندىق اكىمشىلىگىنىڭ شارۋاشىلىق ەسەپ قىزمەتىنىڭ ديرەكتورى, ينفراقۇرىلىمدى دامىتۋ جانە الەۋمەتتىك سالا ءبولىمىنىڭ مەڭگەرۋشىسى, ال 1997-2002 جىلدارى الماتى قالاسى اۋەزوۆ اۋدانى اكىمى اپپاراتىنىڭ مەڭگەرۋشىسى, اۋدان اكىمىنىڭ ورىنباسارى, 2002-2088 جىلدارى الماتى قالاسى ونەركاسىپ جانە ساۋدا دەپارتامەنتى باستىعىنىڭ ورىنباسارى, الماتى قالالىق اۋماقتىق قورشاعان ورتانى قورعاۋ باسقارماسىنىڭ باستىعى, الماتى قالاسىنىڭ باس مەملەكەتتىك ەكولوگيالىق ينسپەكتورى قىزمەتتەرىن اتقارعان.
ع.سادىبەكوۆ 2008-2009 جىلدارى قورشاعان ورتانى قورعاۋ مينيسترلىگى بالقاش-الاكول ەكولوگيا دەپارتامەنتى باستىعىنىڭ ورىنباسارى بولدى. 2009-2010 جىلدارى – جامبىل وبلىسى اكىمى اپپاراتىنىڭ جەتەكشىسى بولسا, 2010 جىلعى جەلتوقساننان – وبلىس اكىمىنىڭ ورىنباسارى.
باقىتبەك كەنەش ۇلى.
دەرەككوز: پاۆلودار وبلىسى اكىمىنىڭ ءباسپاسوز قىزمەتى
فوتو: پاۆلودار وبلىسى اكىمىنىڭ رەسمي سايتى
