اۋەكومپانيانىڭ مالىمەتىنشە, 2021 جىلى 31 ناۋرىزعا دەيىن تۇركيا بيلىگى پتر-تەست انىقتاماسىن تالاپ ەتۋدى قىسقارتۋدى جوسپارلاپ وتىر ەكەن. الايدا وسىعان دەيىن بۇل انىقتاما 1 ناۋرىزدان باستاپ الىنىپ تاستالادى دەلىنگەن.
«تۇركيانىڭ دەنساۋلىق ساقتاۋ مينيسترلىگى تۇركياعا كەلەتىن التى جاستان اسقان جولاۋشىلارعا NegativeSARS-Cov-2 PCR انىقتاما-تەستىن تالاپ ەتۋ مەرزىمىن 2021 جىلدىڭ 31 ناۋرىزىنا دەيىن سوزعانىن حابارلايمىز» دەلىنگەن Turkish Airlines اۋەكومپانياسىنىڭ حابارلاماسىندا.
حابارلاماعا سايكەس, انىقتاما قاعاز كۇيىندە جانە ەلەكتروندى تۇردە بولۋى مۇمكىن. ال پتر-تەست تاپسىرۋ مەرزىمى ۇشۋعا دەيىن 72 ساعاتتان اسپاۋى ءتيىس. انىقتاما بولماعان جاعدايدا جولاۋشىلار اۋەجايدىڭ ۇشۋ اۋماعىنان بورتقا جىبەرىلمەيدى. التى جاسقا دەيىنگى بالالارعا, ءترانزيتتى جانە ترانسەرمەن ۇشاتىن جولاۋشىلارعا انىقتاما قاجەت ەمەس.
ەسكە سالا كەتەيىك, تۇركيا قازاقستاندىق تۋريستەر ءۇشىن بىلتىر ماۋسىمنان باستاپ اشىلدى. ىستانبۇلعا رەيستەر الماتىدان, نۇر-سۇلتاننان, شىمكەنتتەن, سونداي-اق 24 اقپاننان باستاپ تۇركىستاننان ورىندالادى.
