بيىلعى جىل كومپانيا ءۇشىن سەرپىندى دامۋدىڭ ساتىسى بولدى, ەۋرازيالىق ماڭىزى بار باسەكەگە جارامدى ەلەكتر-ەنەرگەتيكالىق حولدينگتىڭ ورنىعۋى ءۇشىن بەرىك نەگىز قالاندى. الدىن الا جاسالعان قورىتىندى بويىنشا كومپانيانىڭ تازا پايداسى 40 ملرد. تەڭگە دەڭگەيىندە كۇتىلىپ وتىر, ول 2012 جىلعى مولشەردەن ەكى ەسە ارتىق. «سامۇرىق-ەنەرگو» اق قارجىلىق ناتيجەلەرى مەن وندىرىستىك كورسەتكىشتەردىڭ تۇراقتى ءوسۋى ەلەكتر ەنەرگياسىن ءوندىرۋ, ءبولۋ جانە ساتۋ, كومىر ءوندىرۋ بويىنشا بىتىراڭقى مەملەكەتتىك اكتيۆتەردى بىرىكتىرۋدىڭ تيىمدىلىگىن راستايدى. حولدينگ قۇرامىنا «ۆك رەك» اق, «شىعىسەنەرگوترەيد» جشس كىردى. «قازاقمىس» توبىنان ۇلتتىق ماڭىزى بار ستانسا بولىپ تابىلاتىن «ەكىباستۇز گرەس-1» جشس 50% ۇلەسىن ساتىپ الۋ تۋرالى كەلىسىم جاسالدى.
بيىلعى جىل كومپانيا ءۇشىن سەرپىندى دامۋدىڭ ساتىسى بولدى, ەۋرازيالىق ماڭىزى بار باسەكەگە جارامدى ەلەكتر-ەنەرگەتيكالىق حولدينگتىڭ ورنىعۋى ءۇشىن بەرىك نەگىز قالاندى. الدىن الا جاسالعان قورىتىندى بويىنشا كومپانيانىڭ تازا پايداسى 40 ملرد. تەڭگە دەڭگەيىندە كۇتىلىپ وتىر, ول 2012 جىلعى مولشەردەن ەكى ەسە ارتىق. «سامۇرىق-ەنەرگو» اق قارجىلىق ناتيجەلەرى مەن وندىرىستىك كورسەتكىشتەردىڭ تۇراقتى ءوسۋى ەلەكتر ەنەرگياسىن ءوندىرۋ, ءبولۋ جانە ساتۋ, كومىر ءوندىرۋ بويىنشا بىتىراڭقى مەملەكەتتىك اكتيۆتەردى بىرىكتىرۋدىڭ تيىمدىلىگىن راستايدى. حولدينگ قۇرامىنا «ۆك رەك» اق, «شىعىسەنەرگوترەيد» جشس كىردى. «قازاقمىس» توبىنان ۇلتتىق ماڭىزى بار ستانسا بولىپ تابىلاتىن «ەكىباستۇز گرەس-1» جشس 50% ۇلەسىن ساتىپ الۋ تۋرالى كەلىسىم جاسالدى.
جالپى العاندا, 2013 جىل كومپانيا ءۇشىن جەمىستى بولدى. ۇكىمەت پەن «سامۇرىق-قازىنا» ۇاق» اق تاراپىنان كورسەتىلگەن قولداۋ مەملەكەت باسشىلىعى قويعان مىندەتتەردى ءتيىمدى شەشۋگە مۇمكىندىك بەرىپ وتىر. كومپانيانىڭ اعىمداعى ينۆەستيتسيالىق قورجىنىندا 15 جوبا بار, ولاردى ىسكە اسىرۋ ەلەكتر قۋاتىنىڭ تاپشىلىعىن جابۋعا مۇمكىندىك بەرەدى جانە ايماقتاردىڭ الەۋمەتتىك-ەكونوميكالىق دامۋى ءۇشىن جاڭا مۇمكىندىكتەر تۋعىزادى. ولاردىڭ ىشىندەگى 4 جوبا ۇدەمەلى يندۋستريالىق-يننوۆاتسيالىق دامۋدىڭ مەملەكەتتىك باعدارلاماسى اياسىندا, ال 6 جوبا – يندۋستريالاندىرۋ كارتاسىنىڭ اياسىندا ىسكە اسىرىلىپ كەلەدى.
اياقتالعان جوبالاردىڭ قاتارىندا – قۋاتى 300 مۆت. قۇرايتىن مويناق گەس-ءىن پايدالانۋعا قوسۋ, قۋاتى 500 مۆت. قۇرايتىن «بولات نۇرجانوۆ اتىنداعى ەكىباستۇز گرەس-1» جشس-داعى 8-ءشى ەنەرگوبلوكتى قالپىنا كەلتىرۋ جوبالارى بار. سالاداعى ەڭ ءىرى جوبا بولىپ تابىلاتىن بالقاش جەس بويىنشا جۇمىس جۇرگىزىلۋدە, بۇل جوبا كورەيالىق كونسورتسيۋم Samsung C&T جانە KEPCO بىرلەسە ىسكە اسىرىلۋدا.
«جاسىل ەكونوميكانى» دامىتۋ بويىنشا جوسپارلارعا سايكەس جاڭارتىلمالى ەنەرگيا كوزدەرى – ورتا جانە شاعىن سۋ ەلەكتر ستانسالارىن, جەل پاركتەرى مەن كۇن ەلەكتر ستانسالارىن ەلەكتر تەڭگەرىمىنە تارتۋ كومپانيا ءۇشىن باسىم بولىپ تابىلادى. جالپىۇلتتىق تەلەكوپىر بارىسىندا, 20 جەلتوقسان كۇنى الماتى وبلىسىنىڭ قاپشاعاي قالاسىندا سالىنعان العاشقى ونەركاسىپتىك كۇن ەلەكتر ستانساسىنىڭ جۇمىسى ىسكە قوسىلدى. بولاشاقتا ونىڭ قۋاتىن 2 مۆت.-دان 100 مۆت.-قا دەيىن ارتتىرۋ جوسپارلانعان. 2014 جىلى كومپانيا ەرەيمەنتاۋ جەل ەلەكتر ستانساسىن پايدالانۋعا بەرۋدى كوزدەپ وتىر, ول استانا قالاسىندا وتەتىن ەكسپو-2017 حالىقارالىق كورمەسىن ەلەكترمەن قامتاماسىز ەتەتىن نەگىزگى نىسانعا اينالادى. باستاپقى كەزدە ونىڭ قۋاتى 45 مۆت. قۇرايدى, كەيىننەن ول 300 مۆت.-قا دەيىن جەتكىزىلەدى.
ەندىگى كەزەكتە – بولاشاقتا قۋاتى 300 مۆت.-قا دەيىن كەڭەيتىلەتىن «شەلەك دالىزىندە جەس سالۋ» جوباسىن, «كەربۇلاق گەس-ءىن سالۋ», سونىمەن قاتار, شەلەك, كوكسۋ وزەندەرىندە, ۇلكەن الماتى ارناسىندا جالپى بەلگىلەنگەن قۋاتى 300 مۆت. بولاتىن شاعىن ەلەكتر ستانسالارىن سالۋ جوبالارى ورىن العان.
«سامۇرىق-ەنەرگو» اق ەنشىلەس جانە تاۋەلدى كومپانيالارى تۇتىنۋشىلار ءۇشىن قىزمەت كورسەتۋ ساپاسىن جاقسارتاتىن بىرقاتار جوبالاردى ىسكە اسىردى. «الاتاۋ جارىق كومپانياسى» اق ۇكىمەت پەن الماتى قالاسى اكىمدىگىنىڭ قولداۋىمەن مەگاپوليستى ەنەرگيامەن قامتاماسىز ەتۋ سەنىمدىلىگىن بىرنەشە مارتە ارتتىراتىن 220 كۆ ەنەرگەتيكالىق شەڭبەرىن قۇرۋدى اياقتادى. ەكى تىزبەكتىك ۆل 220 كۆ بار «كەڭساي» (بەساعاش) شاعىن ستانساسىن ىسكە قوسۋ الماتى وبلىسىنىڭ تاريحىنداعى ەڭ اۋقىمدى جوبانىڭ اقىرعى ساتىسى بولدى. قالا شەڭبەرى «KEGOC» اق 500 كۆ تىرەكتىك شاعىن ستانسالاردى جانە «اجك» اق توراپتىق شاعىن ستانسالاردى بىرىكتىردى, ول قازاقستاننىڭ بەو-پەن سىزبالىق بايلانىستارىن نىعايتۋعا مۇمكىندىك بەردى.
الماتى ەنەرگيا تورابىن دامىتۋ اياسىندا الماتى تەتس-1 جانە تەتس-2, «الەس» اق گەس كاسكادىن قايتا قالپىنا كەلتىرۋ جانە كەڭەيتۋ جوبالارى جۇزەگە اسىرىلۋدا, اۋەلىك ەلەكتر تاراتۋ جەلىلەرىن كابىلگە اۋىستىرۋ جوسپارلانعان. ەنەرگيا تيىمدىلىگىن ارتتىرۋ جانە ەسەپكە الۋ جۇيەلەرىن ەنگىزۋ بويىنشا جۇرگىزىلگەن ءىس-شارالاردىڭ ارقاسىندا 2 جىل ىشىندە «اجك» اق جۇيەلەرىندە نورمالاعاننان ارتىق شىعىندار بولعان ەمەس.
«ماڭعىستاۋ رەك» اق جانە «ۆك رەك» اق كۇشىمەن باتىس جانە شىعىس ايماقتاردا جۇيەلەردى, شاعىن ستانسالاردى جاڭارتۋ باستالدى.
قورشاعان ورتانى قورعاۋ بويىنشا ەلەۋلى ناتيجەگە «سامۇرىق-ەنەرگو» اق ەنشىلەس كاسىپورىندارى – ەلىمىزدىڭ ەنەرگەتيكالىق جۇرەگى بولىپ تابىلاتىن ەكىباستۇز گرەس-1 جانە گرەس-2 قول جەتكىزدى. 2009 جىلدان 2013 جىلعا دەيىنگى كەزەڭ ىشىندە مۇندا كۇل شىعارۋ جۇيەلەرى قايتا قالپىنا كەلتىرىلدى جانە ستانسانىڭ جۇمىس ىستەيتىن بارلىق 8 بلوگىندا ەلەكتر سۇزگىلەرى ورناتىلدى. زاماناۋي تازارتۋ جۇيەلەرى جىلىنا شامامەن 150 مىڭ تونناعا دەيىن, اتموسفەراعا شىعارىندىلاردى بىرنەشە ەسە ازايتادى, ال ول پاۆلودار وبلىسىنداعى ەكولوگيالىق احۋالدى جاقسارتۋعا مۇمكىندىك بەرەدى.
الدىڭعى قاتارلى حالىقارالىق قارجى ينستيتۋتتارىمەن سەرىكتەستىك دامۋ ۇستىندە. ەۋرازيالىق قايتا قۇرۋ جانە دامۋ بانكىمەن 9,150 ملرد. تەڭگەگە جاساسقان نەسيە كەلىسىمىنىڭ ارقاسىندا «شاردارا گەس-ءىن جاڭارتۋ» جوباسى بويىنشا جۇمىس جۇرگىزىلىپ جاتىر.
2013 جىلى «سامۇرىق-ەنەرگو» اق كورەيانىڭ تەگۋ قالاسىندا وتكەن 22-ءشى بۇكىلالەمدىك ەنەرگەتيكالىق كونگرەسس WEC-2013 جۇمىسىنا قاتىسىپ, ءوزىن الەمدىك ەنەرگەتيكا الىپتارىنا تانىتتى. اتالعان كونگرەستىڭ ماڭىزدى ناتيجەسى – بۇكىلالەمدىك ەنەرگەتيكالىق كەڭەستىڭ باس حاتشىسى كريستوف فرايمەن قول قويىلعان 2014 جىلى استانا ەكونوميكالىق فورۋمىنىڭ اياسىندا الەمدىك ەنەرگەتيكا جەتەكشىلەرىنىڭ ءسامميتىن وتكىزۋ تۋرالى مەموراندۋم ەكەندىگى ايان.
كونگرەسكە قاتىسۋشىلارعا ۇسىنىلعان «الەمدىك ەنەرگەتيكا ستسەناريلەرى: 2050 جىلعا دەيىنگى ەنەرگەتيكانىڭ بولاشاعىن قۇرۋ» اتتى باياندامادا بارلىق ەلدەرگە «ەنەرگەتيكالىق تريلەممانىڭ» (ەنەرگەتيكالىق قاۋىپسىزدىك, ەنەرگەتيكالىق تەڭدىك جانە ەكولوگيالىق تۇراقتىلىق) شەشۋ جولدارىن ىزدەۋگە تۋرا كەلەتىنىنە نازار اۋدارىلعانىن ايتا كەتۋ ورىندى.
قوعام بۇگىنگى كۇنى ەنەرگياعا قوياتىن ماڭىزدى تالاپتار «قازاقستان ستراتەگياسى 2050»-دە جاھاندىق ەنەرگەتيكالىق قاۋىپسىزدىك, تابيعي رەسۋرستاردىڭ تاۋسىلۋى مەن ءۇشىنشى يندۋستريالىق رەۆوليۋتسيا سەكىلدى ۇندەۋلەر تۇرىندە ايقىندالدى.
جاھاندىق ۇدەرىستەردى وتاندىق وتىن-ەنەرگەتيكا كەشەنىنىڭ اسپەكتىلەرىنە كەسكىندەيتىن بولساق, اتالعان ۇندەۋلەر عىلىمي-تەحنيكالىق جانە قوعامدىق پروگرەسس ءۇشىن قوسىمشا ىنتالاندىرۋ بولىپ تابىلاتىنىن ايتا كەتۋ قاجەت. سوندىقتان بۇگىنگى كۇنى قازاقستاننىڭ ەلەكتر ەنەرگەتيكا سالاسى ءۇشىن يننوۆاتسيالىق قۇرامى مەن تومەن كومىرتەكتى ەكونوميكانى قۇراستىرۋدى قوسا العانداعى بارلىق دامۋ جولدارىن دۇرىس باعالاي ءبىلۋ اسا ماڭىزدى مىندەت بولىپ وتىر.
زاماناۋي ەنەرگەتيكانىڭ تەحنيكالىق مىندەتى بولاشاقتىڭ ساپالى جاڭا شەشىمدەرىنە كوشۋدى باستاۋعا مۇمكىندىك بەرەتىن ەكولوگيالىق تازا تەحنولوگيالاردى كەڭىنەن قولدانۋ قاجەت دەپ بەلگىلەنگەن.
قازاقستان ەنەرگيا تۇتىنۋىنىڭ قۇرىلىمى ورتالىقتاندىرىلعان ونەركاسىپتىك كەشەن ءۇشىن ورىندى بولاتىن بازالىق ءوندىرۋدى تالاپ ەتەدى, سونىڭ ناتيجەسىنەن ءبىزدىڭ جاعدايىمىزدا جەك-ءتى ەنگىزۋ ءۇردىسى ءبىر قالىپتى سيپات الۋدا.
كومىر گەنەراتسياسىنان جەك-كە تەز قارقىنمەن ءوتۋ ەلەۋلى كۇردەلى شىعىندارعا جانە ەنەرگيامەن قامتاماسىز ەتۋدىڭ تومەن سەنىمدىلىگىنە اكەپ سوقتىرادى. بالامالى ەنەرگيا كوزدەرىن (جەل, كۇن) بارلىق جەردە ەنگىزۋ ەنەرگيانى ساقتاۋ تەحنولوگياسىنا قاراي ورىن تولتىرارلىق ءوندىرىستى قاجەت ەتەدى.
قازىرگى تاڭدا, اسىرەسە, ونەركاسىپتىك تەرمويادرولىق رەاكتورلاردى قۇرۋ سالاسىندا جۇرگىزىلىپ جاتقان كەلەسى دەڭگەيدەگى پەرسپەكتيۆالى جانە قاۋىپسىز تەحنولوگيالاردى ازىرلەۋدىڭ بولاشاعى اسا زور.
دامۋدىڭ كونسەرۆاتيۆتىك جولى ادەتتەگى ەنەرگيا كوزدەرىن بالامالى كوزدەردىڭ: جەلدىڭ, كۇننىڭ, بيوماسسانىڭ, گەوتەرمالدىق ەنەرگەتيكانىڭ, يادرولىق ەنەرگەتيكانىڭ جاڭا نىساندارىنىڭ دامۋىمەن بىرگە پايدالانۋدى كوزدەيدى.
وسى اتالعان باسىمدىقتارعا سايكەس اعىمداعى جىلدىڭ اقپان ايىندا كومپانيانىڭ ديرەكتورلار كەڭەسى ۇزاق مەرزىمدى 2012-2022 جىلدارعا ارنالعان «سامۇرىق-ەنەرگو» اق دامۋ ستراتەگياسىن بەكىتتى. بۇل قۇجاتتىڭ باسىم باعىتتارى – قازاقستاننىڭ ەنەرگەتيكالىق قاۋىپسىزدىگىن قامتاماسىز ەتۋ, اكتسيونەرلىك كاپيتالدىڭ قۇنىن ارتتىرۋ جانە الەۋمەتتىك جاۋاپكەرشىلىكتەن تۇرادى. بولاشاقتا ءبىز «سامۇرىق-ەنەرگو» اق-تى ەۋرازيالىق ماڭىزى بار باسەكەگە جارامدى ەلەكتر-ەنەرگەتيكالىق حولدينگ رەتىندە تانيتىن بولامىز.
بۇل مارتەبە كومپانياعا مەملەكەت مۇددەسىن الدىڭعى قاتارلى الەمدىك تاجىريبەلەر ارقىلى, سونىڭ ىشىندە ۇلتتىق ماڭىزى بار ەلەكتر ستانسالارىن, كومىر كەنىشتەرىن ساتىپ الۋ جانە سالۋ, الەۋمەتتىك جاۋاپكەرشىلىگى بار تاريفتەردى بەلگىلەۋ, ەلەكتر ەنەرگياسىنىڭ مەملەكەتارالىق ساۋداسىن جۇرگىزۋ كەزىندە قامتاماسىز ەتۋگە مۇمكىندىك بەرەدى.
«سامۇرىق-ەنەرگو» اق وتىن تۇرلەرى بويىنشا ەلەكتر ەنەرگيانى گەنەراتسيالاۋ ءۇشىن جانە قازاقستان رەسپۋبليكاسىنىڭ «جاسىل ەكونوميكاعا» ءوتۋ جونىندەگى تۇجىرىمداماسىنا سايكەس وڭتايلى تەڭگەرىمگە قول جەتكىزۋدى كوزدەپ وتىر, وسىعان وراي ءوز ەنەرگەتيكالىق قورجىنىن ءارتاراپتاندىرادى. وسى فاكتورلاردىڭ بارلىعىن ەسكەرە وتىرىپ, كومپانيا ستراتەگياسى 2022 جىلعا دەيىنگى تەحنولوگيالىق الەۋەتتىڭ يننوۆاتسيالىق دامۋىنا باعىتتالعان.
اتاپ ايتقاندا, جەك ۇلەسىنىڭ ارتتىرىلۋى, قولدانىستاعى قۋاتتاردى جاڭارتۋ جانە تازا كومىر تەحنولوگياسىنىڭ نەگىزىندە جاڭا قۋاتتاردى سالۋ كوزدەلگەن.
باستى نازار قورشاعان ورتاعا تيگىزەتىن جاعىمسىز اسەردى تومەندەتۋ مەن تيىمدىلىگىن ارتتىرۋعا, ياعني كۇلدىڭ, كۇكىرت وكسيدى مەن ازوت شىعارىندىلارىن ازايتۋعا اۋدارىلماق. سونىمەن قاتار, جىلۋ ستانسالارىنىڭ شاعىن بولىگى كومىرقىشقىل گازىن ۇستاپ قالۋ جانە ساقتاۋمەن ەلەكتر ەنەرگياسىن وندىرۋگە اۋىسادى.
وسى ماقساتپەن «سامۇرىق-ەنەرگو» اق اقش ەنەرگەتيكا مينيسترلىگىنىڭ جانىنداعى ۇلتتىق ەنەرگەتيكالىق تەحنولوگيالار جونىندەگى زەرتحانامەن (National Energy Technology Laboratory) ىنتىماقتاستىق قاتىناستار قۇردى, ول زەرتحانا ەنەرگەتيكالىق جانە ەكولوگيالىق عىلىمي-تەحنيكالىق باعدارلامالاردى كەڭىنەن جۇزەگە اسىرۋىمەن ايگىلى. بيىلعى جىلعى كۇزدە NETL وكىلدەرىنىڭ ساپارى بارىسىندا ەكىباستۇز كەنىشتەرىندە جوعارى كۇلدى كومىردى جاعۋ جونىندەگى پەرسپەكتيۆالى ازىرلەنىمدەردى قولدانۋ مۇمكىندىگى زەردەلەندى. بۇگىنگى كۇننىڭ وزىندە-اق امەريكالىق تاراپ ۇلكەن جەتىستىكتەرگە قول جەتكىزدى, ول ىشكى اينالىمدىق گازداندىرۋى بار, كومىرقىشقىل گازىن ۇستاپ قالاتىن جانە ساقتايتىن وندىرىستىك بۋ-گاز قوندىرعىسىن ميسسيسيپي شتاتىنداعى كەمپەر گرافتىگىندە ىسكە قوستى. 582 مۆت. قۋاتى بار قوندىرعىنى ورناتۋدان 65 پايىز سو2 ۇستالىپ قالادى دا مۇناي ءوندىرىسىن ارتتىرۋ ماقساتىندا مۇناي قاباتتارىنا ايدالاتىن بولادى. بۇل ازىرلەنىم تەحنولوگيالىق العا باسۋ جانە كومىر گەنەراتسياسىنىڭ دامۋىندا جاڭا كەزەڭنىڭ باستاماسى ەكەندىگى ءسوزسىز.
بۇل قازاقستان ەنەرگەتيكاسى ءۇشىن وزىق جانە ەكولوگيالىق تازا تەحنولوگيالارعا قول جەتكىزۋ مۇمكىندىگىنە جول اشادى. ونىڭ ماڭىزى ەرەكشە, سەبەبى «سامۇرىق-ەنەرگو» اق ىشكى نارىقتاعى ۇلەسىنە ەنەرگەتيكالىق كومىردى ءوندىرۋ سەكتورىنىڭ شامامەن 40%-ى تيەسىلى. بولجامدار بويىنشا 2022 جىلعا قاراي ءوندىرىس كولەمى 44 ملن. توننادان 65,4 ملن. تونناعا دەيىن جەتەدى. جاڭادان ساتىپ الىنىپ وتىرعان كومىر كەنىشتەرىنىڭ نەگىزىندە كومپانيا كومىردى گازداندىرۋدى, سينتەتيكالىق سۇيىق جانە گاز تارىزدەس وتىندى, گۋميندىك پرەپاراتتاردى جانە ت.ب. شىعارۋدى كوزدەيتىن كومىر-حيميانى دامىتۋدى جوسپارلاپ وتىر.
ەلەكتر ەنەرگەتيكاسىنىڭ نەگىزگى دامۋ ۇردىستەرىنىڭ ءبىرى – زياتكەرلىك ەنەرگيا جۇيەلەرىنە كوشۋ وزەكتى مىندەت. مۇنداي جۇيەنىڭ ەرەكشەلىگى – يىلگىشتىگىنەن, باسقارۋعا يكەمدىلىگىنەن اۆتوماتتاندىرىلۋىنان جانە ادامي فاكتوردىڭ ازدىعىمەن ەرەكشەلەنەدى. ول جيناۋ (اككۋمۋلياتورلىق) ستانسالاردىڭ بولۋى مەن جەك-كە قيىندىقسىز كوشۋ مۇمكىندىگىمەن, سونىڭ ىشىندە بيوكومبينيرلەنگەن ەلەكتر ستانسالارىن سالۋ جولىمەن, مىسالى, جەك + سۋ جيناۋ ستانساسىنان تۇرادى.
2030 جىلعا قاراي «سامۇرىق-ەنەرگو» تۇتىنۋشىلاردى ەنەرگيامەن سەنىمدى قامتاماسىز ەتۋگە مۇمكىندىك بەرەتىن قازاقستاننىڭ زياتكەرلىك ەنەرگيا جۇيەسىن قۇرۋعا نيەتتەنىپ وتىر.
سونداي-اق, جاڭارتىلمالى قۋات كوزدەرى ەلىمىزدىڭ بولاشاق وتىن-ەنەرگەتيكا كەشەنىنىڭ نەعۇرلىم سىندارلى جانە ءتيىمدى نىسانىنا اينالادى. وسى تۇرعىدان العاندا «سامۇرىق-ەنەرگو» اق «قازاقستان-2050» ستراتەگياسىندا قويىلعان مىندەتتەردى ابىرويمەن جۇزەگە اسىرۋ ماقساتىندا ەلەكتر ەنەرگەتيكاسى سالاسىنىڭ ورنىقتى دامۋىنا جانە ءتيىمدى ەكونوميكانى قۇرۋعا ءوز ۇلەسىن قوسادى.
الماسادام ساتقاليەۆ,
«سامۇرىق-ەنەرگو» اق
باسقارما توراعاسى.
