بۇل ءۇشىن «قۇلسارى», «ماقات», «جاڭاقالا» كومپرەسسورلىق ستانسالارىندا جەدەل اۋىستىرىپ قوسۋ جۇرگىزىلدى, بۇل گاز اعىندارىن «ورتالىق ازيا – ورتالىق» ماگيسترالىنەن «سويۋز» جانە «ورىنبور – نوۆوپسكوۆ» گاز قۇبىرلارىنا قايتا باعىتتاۋعا مۇمكىندىك بەردى.
«قازترانسگاز» اق جۇمىسكەرلەرى تەز قابىلداعان شارالار باتىس قازاقستان وبلىسىندا 28 گاز تاراتۋ ستانساسىنىڭ, 2 گاز تۋربينالى ەلەكتر ستانساسىنىڭ جانە 1 جىلۋ ەنەرگەتيكالىق ستانساسىنىڭ, اتىراۋ وبلىسىندا 21 گاز تاراتۋ ستانساسىنىڭ, 1 جىلۋ ەلەكتر ستانساسىنىڭ جانە 1 گاز تۋربينالى ەلەكتر ستانساسىنىڭ تۇراقتى جۇمىسىن قامتاماسىز ەتۋگە مۇمكىندىك بەردى. وسىلايشا, ەلىمىزدىڭ جوعارىدا اتالعان وبلىستارىندا تۇتىنۋشىلاردىڭ بارلىق ساناتى ءۇشىن تاۋارلىق گازدى ۇزدىكسىز بەرۋ قامتاماسىز ەتىلدى.
«بەينەۋ–بوزوي–شىمكەنت» ماگيسترالدىق گاز قۇبىرى ارقىلى گاز تاسىمالداۋدىڭ تۇراقتى رەجىمىن ساقتاۋ جانە قازاقستاننىڭ باسقا وڭىرلەرىن ۇزدىكسىز گازبەن جابدىقتاۋدى قامتاماسىز ەتۋ ءۇشىن ۇلتتىق گاز وپەراتورى «بوزوي» جەراستى گاز قويماسىنان گاز ىرىكتەۋدى ۇلعايتتى. بۇدان باسقا, «بۇحارا-ورال» گاز ماگيسترالىنىڭ كومپرەسسورلىق ستانسالارىندا قوسىمشا 5 گاز ايداۋ اگرەگاتتارى ىسكە قوسىلدى.
«قازترانسگاز» اق-تىڭ پايدالانۋ بريگادالارىنىڭ جەدەل جۇمىسىنىڭ ناتيجەسىندە قازاقستاننىڭ باتىس وڭىرىندە تاۋارلىق گازدى جەتكىزۋ بويىنشا ەشقانداي شەكتەۋلەر بولعان جوق, گاز تاسىمالداۋ جۇيەسىنىڭ بارلىق وبەكتىسى, سونداي-اق جىلۋ جانە ەنەرگيامەن جابدىقتاۋ وبەكتىلەرى شتاتتىق رەجىمدە جۇمىس ىستەپ جاتىر.
