سانيتاريالىق اۆياتسيانىڭ مىندەتى پاتسيەنتكە شۇعىل مەديتسينالىق كومەك كورسەتۋ, بىلىكتى ماماندى مەجەلى جەرگە جەتكىزۋ نەمەسە ناۋقاستى ءتيىستى مەديتسينالىق ۇيىمعا تاسىمالداۋ بولىپ تابىلادى.
بۇگىنگى تاڭدا شاعىن اۆياتسيانىڭ توعىز وتاندىق اۋە كومپانياسى سانيتارلىق اۆياتسيا قىزمەتىن كورسەتىپ, 36 اۋە كەمەسىن ۇسىنادى. ءارتۇرلى ۇشۋ-تەحنيكالىق سيپاتتامالارى بار اۋە كەمەلەرىن مەديتسينالىق اۆياتسيا جەلىسىندە قولدانۋ اۋەايلاق ينفراقۇرىلىمىنىڭ جاعدايىن, گەوگرافيالىق جانە كليماتتىق جاعدايلاردى ەسكەرە وتىرىپ, شالعاي ەلدى مەكەندەردى قامتۋدى قامتاماسىز ەتەدى جانە وڭىرلەردە, وبلىس ورتالىقتارى اراسىندا, شەتەلدىك ۇشۋلار كەزىندە بولىنەتىن قارجى رەسۋرستارىنىڭ جەتكىلىكتى ءتيىمدى جۇمسالۋىن قامتاماسىز ەتەدى, بۇل رەتتە مەديتسينالىق اۆياتسيا جەلىسىنىڭ رەيستەرى ىقتيمال سيپاتقا يە.
ۇلتتىق شۇعىل مەديتسينانى ۇيلەستىرۋ ورتالىعى كەلىسىمشارت نەگىزدە مامانداندىرىلعان جانە ارنايى دايىندالعان اۋە كەمەلەرىن قىزمەتكە تارتادى. 2020 جىلى ورتالىق بازاسىندا 2185 رەيس جاسالدى, 2602 پاتسيەنتكە مەديتسينالىق كومەك كورسەتىلدى, جالپى ۇشۋ ۋاقىتى 8 405 ساعاتتى قۇرادى. ورتالىق قىزمەتكە ان-2, ان-24, ياك-40 سياقتى شاعىن اۆياتسيانىڭ اۋە كەمەلەرىن جانە ەس-145 ۇلگىسىندەگى مامانداندىرىلعان تىكۇشاقتاردى تارتادى.
كەزدەسۋ بارىسىندا اۋە پاركىن جاڭارتۋ, اۆياتسيالىق تەحنيكانى جەتىلدىرۋ, اۋە كەمەلەرىندە مەديتسينالىق مودۋلدەردى پايدالانۋ مۇمكىندىكتەرىن كەڭەيتۋ, ۇشۋ كەزىندە اۋە كەمەلەرىن باقىلاۋدىڭ بولماۋى, سونداي-اق اۆياتسيالىق وقيعالاردى تالداۋ بويىنشا اقپاراتتىڭ جەتىسپەۋشىلىگى بويىنشا پروبلەمالىق ماسەلەلەر قارالدى.
سوڭعى ءتورت جىلدا مەديتسينالىق اۆياتسيا جەلىسى بويىنشا اۆياتسيالىق قىزمەتكە بايلانىستى 20 اۆياتسيالىق وقيعا تىركەلدى, ونىڭ بىرەۋى ادامدار ءولىمى بولعان اۋە اپاتى, 2 – توتەنشە وقيعا, 9 – اۆاريالىق قونۋ, 5 – تەحنيكالىق اقاۋلارعا بايلانىستى اۋە كەمەلەرىنىڭ كەرى قايتۋى, 3 - اۋە كەمەسىنىڭ بورتىنداعى قولايسىز جاعدايلارمەن بايلانىستى.
قازاقستاننىڭ اۆياتسيالىق اكىمشىلىگى مەديتسينالىق اۆياتسيا جەلىسى بويىنشا وڭىرلىك جانە ايماقارالىق ۇشۋلاردى قامتاماسىز ەتۋ ءۇشىن قازىرگى زامانعى اۋە كەمەلەرىن پايدالانۋ مۇمكىندىگىن باعالاۋ, قىزمەت ەتۋ مەرزىمىنىڭ بەلگىلى ءبىر مولشەرى بار اۋە كەمەلەرىن پايدالانۋعا شەكتەۋلەردى قويۋ, سونداي-اق جەرگىلىكتى اۋە جەلىلەرى جۇيەسىندە اۋەايلاق جەلىسىن كەڭەيتۋ پەرسپەكتيۆالارى بويىنشا جۇمىستى جالعاستىرادى.
كەزدەسۋ قورىتىندىسى بويىنشا تاراپتار ىنتىماقتاستىق ورناتۋ جانە ۇشۋ قاۋىپسىزدىگى مەن اۆياتسيالىق قىزمەتتەردىڭ ساپاسىن ارتتىرۋ ماسەلەلەرىندە اۋە كومپانيالاردى باقىلاۋدى جاقسارتۋ ءۇشىن بىرلەسكەن جۇمىستى كۇشەيتۋ قاجەتتىگى تۋرالى ۋاعدالاستى. جاقىن ارادا قازاقستاننىڭ اۆياتسيالىق اكىمشىلىگى مەن ۇلتتىق شۇعىل مەديتسينانى ۇيلەستىرۋ ورتالىعى اراسىندا ىنتىماقتاستىق تۋرالى مەموراندۋمعا قول قويىلادى.
