«بۇعان دەيىن تاۋەلسىزدىك سارايى ءىرى ءىس-شارالارعا – فورۋمدار, كورمەلەرگە, حالىقارالىق دەلەگاتسيالاردىڭ جانە مەملەكەت باسشىسى قاتىساتىن ءىس-شارالارعا جالعا بەرۋ ەسەبىنەن قىزمەت كورسەتىپ كەلگەن بولاتىن. قازىرگى ۋاقىتتا 2008 جىلى سالىنعان تاۋەلسىزدىك سارايىنان بولەك «ەكسپو» حالىقارالىق كورمە ورتالىعى, «ەكسپو» كونگرەسس ورتالىعى جۇمىس ىستەيدى. ولار «QazExpoCongress» كومپانياسىنا تيەسىلى», دەدى ول نۇر-سۇلتان قالالىق ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى كوميسسياسىنىڭ وتىرىسىندا.
ونىڭ ايتۋىنشا, وسى ۋاقىتقا دەيىن تاۋەلسىزدىك سارايىندا ۇيىمداستىرىلاتىن 20 ءىس-شارا ەندىگى ۋاقىتتا «ەكسپو» اۋماعىندا وتەدى.
«قالعانى 2 نەگىزگى ءىس-شارا عانا. بىراق, سوعان بولا 38 مىڭ شارشى مەتردى بوس ۇستاپ وتىرۋ ماقساتقا ساي كەلمەيدى دەپ شەشتىك. تاۋەلسىزدىك سارايىندا بالالار ءۇشىن ساراي اشۋ تۇجىرىمداماسى ۇسىنىلدى. ايتالىق, ول جەردە اۋماعى 4,3 مىڭ شارشى مەتردى قۇرايتىن كونگرەسس-زالى بار. توبەسىنىڭ بيىكتىگى 14 مەتردى قۇرايدى. سوندىقتان قالالىق سپورت باسقارماسىمەن بىرگە سول جەردە توپ-دەڭگەيدەگى گيمناستيكا ورتالىعىن قۇرۋ شەشىمى قابىلداندى. بۇل ورايدا عيمارات ينفراقۇرىلىمى ب ۇلىنبەيدى جانە بۇقارالىق سپورت 3 ەسەگە ارتاتىن بولادى», دەدى مالىك حاسەنوۆ.
